قال لي بالمناسبه عايز اتكلم معاك في موضوع،،،قولته ليهو موضوع شنووو😳قال لي م تتخلعي خير انشاءالله انتي معاك جوال؟قولته ليهو لا طبعا،قال لي طيب تمام وسكت،على كدة قفل الخط، بعد م قفل الخط انا راسي بقى يودي ويجيب ،بتكلم مع نفسي وبقول موضوع شنوو ي ربي؟وهو زاتو ماف سبب بخليهو يقول عايز يتكلم معي في موضوع،ي ربي عايز يقول لي انو داير تنزيل وعشان اخت صحبو م قادر يكلمها😳ونحن راجعين طوول الطريق بفكر في الموضوع،لما وصلنا البيت لقيت راجل امي قاااعد كان مافي سافر اهلو،قال لي جايه من وين انتي ؟من غير م يسلم لي حتى ،قولته ليهو كنت مع ناس تنزيل😊جدعني بالجزمه حقتو قال لي انا مش قولته ليك تاني م تطلعي من البيت دة انتي م بتفهمي تعالي هنا دة وقام على حيلو وضربني كفووف، وقال لي والله اربطك في الاوضه دي الا بالجنازير دي شغلتك في البيت دة تغسلي وتكوي وتخدمي اخوانك ديل اكتر من الاكل والشراب دايرة شنوو تاني انتي؟؟امي كانت مافي ومرت خالي حمد سامعاهو وم اشتغلت بيهو ولا قالت ليهو انت بتعمل في شنوو،وطبعا كالعادة امي جات وم قدرت تعمل ليهو اي شي ولا سألتو حتى وبي كل بروود قالت لي انتي عوض دة مدام قال ليك م تطلعي م تطلعي بس اسمعي الكلام هههه اتخيلو دي ردة فعلها اصلا م كانت جديدة علي ،بس انا في اللحظه ديك اتمنيت الموت من الحياة الانا عايشاها دي اصلا دي م بتتسمى حياة،كل م اقول حياتي حتتحسن بالصبر بتتراجع لي ورا اكتر واكتر ، بقى م بزعلني الضرب على قدر م بزعلني البروود الفي امي،،،حوالي الساعهه8كنت راقدة جوة الاوضه حقتي جات امي قالت لي ي بت شهد ،عملته نفسي نايمه ،صحتني قالت لي تنزيل جاتك قوومي م تجي تشوفك كدة ،قولته ليها م طالعهه انا خليها تجي،قالت لي اوعى تحكي ليها عن الحاصل فهمتي؟طبعا كل مرة بتصدمني فيها م قادرة افرزها هي شنوو بالظبط؟كل م احاول انسى واحاااول اتقرب منها وقلبي يلين عليها بحصل موقف م بلقاها معي فيهو،كأنها عاجبها العذاب الانا بتعذبو دة ،بحاول اخت ليها اعذار واقول م بيدها شي تعملو بس حتى كترة الأعذار بقت مسيخهه،،تنزيل جات داخله قالت لي نايمه ليها شنوو؟قولته ليها مصدعة والله،،،قالت لي اسي كنتي كويسه متين صدعتي لمن صوتك مبحوح كدة؟؟قولته ليها فچاة ههه،قالت لي على فكرة جيتك لأنو باسل قال عايزك في موضوع،قولته ليها موضوع شنوو؟؟قالت لي علمي علمك بس شكلوو الموضوووع خطييير ههه😎قولته ليها كيف يعني خطير هو م كلمك؟قالت لي انا زاتي عايزة اعرف الموضوع زيك كدة😁قولته ليها قلقتيني،،،مسكت تلفونها اتصلت قالت لي هاااك ،وقولته ليها اتكلم كيف م بقدر😳قالت لي انا بمشي بشغل ليك خالتو سوسن بهناك ولو حصلت اي حاجه انا بجي بنبهك تمام؟رديت بي صوت مبحووح وواطي قولته ليهو الووو...قال لي ي ثقيلهه،😁قولته ليهو اهلين ،،،قال لي غريبه م شاكلتيني💔قولته ليهو الله يسامحك بس،،،قال لي مالك انتي صوتك م طبيعي ،،قولته ليهو مبادئ اللتهاب،،قال لي قبل شويه كنتي زي الخصان متين كدة جاك التهاب،،قولته ليهو لاحظ لي انو انت بتقول كنتي 😊قال لي سلامات ياخ طيب ممكن اسألك سؤال؟قولته ليهو اتفضل،،قال لي اممم انتي مرتبطه؟طبعا السؤال غريب جاتني حاله من اللخبطه،قولته ليهو يعني شنوو مرتبطته؟قال لي يعني عندك علاقه مع حد لو عندك قولي عاادي م تخجلي،،،قولته ليعو وسبب السؤال دة شنوو طيب؟😊قال لي ماف سبب كدة بس حبيت اسأل هههه،قولته ليهو نحن في البلد هنا م عندنا حاجه اسمها ارتباط والكلام الفارغ دة والحاجه دي ممكن يكون فيها كسسر رقبهه لأنو م بتتخيل الموضوع بشوفوه وسسسخ كيف ،،،قال لي ليه يعني ؟؟قولته ليهو انت عارف يعني شنوو لما يقولو لي ابو البت انو بتو بتعرف اولاد ؟ولا يقولو الكلام دة لي اخوها؟الموضوع صعب م بقدر احكيهو ليك،،قال لي يعني انتي م مرتبطته ابدا؟قولته ليهو لأ وم ناويه أرتبط ،،،قال لي طيب لو قولته ليك انا جايييك بالباب عدييل وناوي أصل اهلك وعايزك على سنه الله ورسولهه؟؟؟😊هنا انا حتى دقات قلبي حسيتها وقفت،واتشركته قعدتهه اكح ،،،قولته ليهو بصووت مبحووح قولته شنووو؟؟قال لي زي م سمعتي إذا حبيت اتقدم ليك حتوافقي؟؟قولته ليهو وانت بتعرف عني شنووو لمن عايز تتقدم لي ،قال لي لما توافقي حأعرف عنك كل حاجه،متخيلين معاي كميه الفرحهه الأنا حسيتها؟كأنو انا بحلم ابدا الأنا سامعاهو دة م حقيقهه ،المفروض اكضب إضني،قال لي عارف انو انا صدمتك بي كلامي وجيت داخل شمال على طوول من غير مقدمات بس بقولو خير البر عاجلو ،انا صراحه ي بت الناس م بتاع حنك والكلام دة ولا عايز ألف وادور عليك لانو انا كمان عندي اخوات وبعمل ليهم حساب قبل م اغلط على اي بت ،انتي وافقي وانشاءالله م يحصل الا كل خير،،قولته ليهو وانت خليت بنات المدينه الحواليك كلهم وجيت تخطبني انا ليه؟؟قال لي القصه م قصه بت مدينه وبت ريف،كل حاجه قسمه ،قولتع ليهو م عارفه اقول ليك شنوو واللع بس انا م بقدر اوافق💔قال لي ليه انتي خايفه من حاجه مثلا فاكراني بكذب عليك؟قولته ليهو الحاجه دي بتعرفها انت بينك وبين نفسك ،بس انا حاليا م بفكر في العرس في الوقت الحالي دة بالزات،،قال لي طيب م حأضغط عليك ،حأديك فرصه تفكري وأول م توافقي حأجي اطلب يدك من اهلك ولا اقووول ليك اديني رقم ابوووك وانا مستعد اتصل عليهو اسي،،مع كلمهه دي انا انتهى الكلام عندي ،كنت ناسيهه انا منوو اساسا،قولته ليهو لالا م بقدر والله واظن انا اجابتي مقنعهه انا م عندي رغبه في العرس اسي فهمتني؟قال لي اوكك زي م قولته ليك م حأضغط عليك واخدي راحتك في التفكير بسسس لوقتها ممكن اتواصل معاك واتعرف عليك اكتر😁قولته ليعو م بقدر لانو اساسا ناس بيتنا لو عرفو هيموتوني ولو بتصدق اسي انا بتكلم معاك من تحت التووب،،قعد يضحك قال لي انتي جادة؟؟؟قولته ليهو وربي،،،قال لي م عارف بس انتي م بينخاف عليك ههه،،قولته ليهو مع السلام عشان م اتقبض،قال لي على طوول كدة؟قولته ليهو انا حيكتلوني بسببكك انت عارف؟قال لي طيب حأتصل عليك بكرة،،قولته ليهو لاااا م تتصل ولا تحاول😨قال لي حأتصل وعلى فكرة انا حابب تحصل مشكله عشان اجي بالباب عديل كدة ههه،قولته ليهو حتى لو اتصلته م حأتكلم يلا مع السلامه،قال لي طيب ماشي ي ستي واللي عايزاه يبقى وخلي بالك من نفسك❤ قفلتهه الخط، وقعدتهه في نص السرير وانا فاتحهه خشمي وخاته يدي في خدودي ،كنت في حاله محتاجه زول يلطشني كف ويعدلني بالتاتي،ايوة انا على قناعهه انو عمري م اتمنيت شي وظبط معاي دايما بحصل عكس الأنا عايزاه ،وبالرغم من انو راجل امي ضربني وكنت ببكي بس المكالمهه دي نستني نفسي حتى،جات تنزيل لقتني في حالتي ديك قالت لي هييي مالك😳قال ليك شنوو باسل؟؟😳قولتع ليها انا مصدومه من الكلام القالو،،قالت لي في شنوو م ترفعي كثافتي😳قولتع ليها قال عايز يتزوجني تخيلي؟؟صرخت بأعلى صوتها قالت لي واااي ي شهد قولي والله😻😱قولته ليها اسكتي بلا يبلاك ،،،قال لي اها قال جاي متين والعرس متين😍سكته م رديت عليها،قالت لي انتي م رفضتي مش؟قولته ليها وانا بعرفو من وين لمن اوافق😒😢خنقتني قالت لي اسي انا كان كتلتك غلطانه؟قولته ليها ي بت مالك انتي هبلع ولا حاجه؟اوافق كيف يعني وهو منو اساسا ؟هو العرس دة سااي كدة ولا الموافقهه بالسهوله دي؟؟وبعدين اقول لي اهلي شتوو ؟وحيقولو لي عرفتيهو كيف ووين وانتي عارفهه حالتي كيف انا في البيت دة،وبعدين هو حواليهو كميه من البنات في الخرطوم الجابو لي شنوو؟كان نافع كان عرس من بنات المدينهه😊قالت لي شهد انتي عبله ومتخلفهه وسخيفهه بس م اككتر ي بت بااسل دة م بتعوض م بتعوض و1000 بت بتتمناه انا عمري م شوفته زول بكفي نعمتو في يدو،قولته ليها بي غيظ طالما في 1000واحدة بتتمناه اليخليني ويمشي يعرسهم 😒قالت لي دي المشكله هنا انو خلى كل البنات الحواليهو وقال عايزك ي شهد يعني لو في واحدة منهن ماليه عينو م كان جا اتقدم ليك فهمتي؟قولته ليها افهميني انا اساسا فكرة العرس دي م في راسي وانتي عارفه كدة،،قالت لي شهد ي قهورة الله يقهرك اديني تلفوني وسماعتي ولمدة اسبووع تاني م عايزة اشوف خلقتك دي فهمتي😡 وم تقدميني بمشي برااي بعرف الشارع،،،قولته ليها مالك منفعلهه انتي اساسا م ماشهه اقدمك😂😁💔بعد م طلعت انا بقيت طايرة سعايرة سعادة ،ايوة انا رفضتو وم وافقته عليهو بس في نفس الوقت حسيت انو ربنا بحبني بجد ،اول مرة اتمنى اكون عايزة حاجه وتجيني في محلي كأنو ربنا مقدمها لي في طبق من دهب،يعني انا ابدا م اتوقعتو يفكر فيني مجرد تفكير ،الحاجه دي كانت بعيدة كل البعد عن بااالي،،،
اليوم التاني بالنهار كدة قاعدة برااي في راكوبتنا وبفكر ي ربي حيتصل ولا لأ؟اكيد م حيتصل لأنو انا طلبته منو م يتصل،والله انتي زاتك غبيه ي شهد😪البخليك تقولي ليهو م تتصل شنوو خسرانه رصيد انتي؟؟طيب امشي اسأل تنزيل اذا اتصل ولا لا؟بس اسي تنزيل تتهابل فيني وبعدين الخفه م حبابها اذا اتصل خلاص واذا م اتصل هو حر انا مالي😪طوول اليوم قاعدة بالحاله دي وكل م الباب يدق قلبي بعمل شححح بقول خلاص دي تنزيل 😂وكل مرة طبعا املي بخيب ،سبحان الله اول مرة احس انو في حاجز بيني وبين تنزيل مع انها صحبتي وقريبه مني والمفروض عادي احكي ليها مشاعري تجاهو بس م قدرته انا بطبعي زوله كتومه م بحب اشارك خصوصياتي مع زول حتى ولو كان قريب مني،لغايه م اذان العشاء اذن انا خلاص غضيت نظر قولته لنفسي بعد كدة م حيتصل،صليت العشاء ورقدته نومته ،فجأة صحيت مخلوعهه على حس زول رشه فيني مويه،قولته ليهم ياخ مالكم يااخ دة منو الحيوان دة😡تنزيل قالت لي هششس ي البقرة نايمه من الساعه 8؟؟قولته ليها تنزيل مليون مرة قولته ليك م تكشحي فيني مويه وانا متزفته نايمهه،،قالت لي اللبسي ارح معاي السووق،،،قولتت ليهو سوق شنو بالليل دة جنيتي؟قالت لي ابووي مرسلني وقال لي سوووقي معاك شهد😪قولته ليها عارفه ابوطالب وراجل امي وخالي حمد حيعملو فيني شنو لو مشيت السوق؟قالت لي اسي لقيت خالك حمد وكلمتو قال لي خليها تمشي😎لبسته توبي وطلعته وشغاله اشاكل فيها ،قالت لي ارح اشيل القروش من بيتنا،قولته ليها يعني انتي مصحياني من نومي وم شايله معاك القروش؟قالت لي ثواني بس ياخ تعالي،،دخلته بيتهم قالت لي هاااك امسكي التلفون وادخلي غرفتي ،،قولته ليها ماشه وين انتي؟؟😳قالت لي بااااسل في الخط اتكلمي ي زفته انا ماشه المطبخ عندي حله في النار،،،اول م رديت قال لي ي رداااحهه ههه،،،قولته ليهو انا رداحهه😳قال لي ايوااان انتي م غيرك سامعك انا كنت على فكرة😂قولته ليهو تنزيل رفعت ضغطي ورشتني بالمويه وصحتني من سابع نومه ودة كلوو بسببك انت لو كنت عارفه دة السبب م كنت صحيت،ضحك قال لي بينك وبين نفسك الكلام دة من قلبك😂😁😊؟؟
يتبع.....
