الجزء السادس

1.8K 118 13

#رماد
بقلم فردوس عبد اللطيف
الجزء السادس.  حقيقيه
وصلت لمكتب عضو مجلس المحافظه .....
لكيت شباب
رماد صباح الخير
صباح النور
رماد اريد رعد منتسب هنا
ها رعد انقل
ها وين ممكن رقم تلفونه
منعرف رقمه
رجعت بالطريق مكسوره حزينه...زين ليش رعد اشبيك؟
شجاي يسوي وين وعوده وين كلامه انت زوجتي
ومن ترجعين من مكه حا اجي اتقدملج....وين راح هذا الكلام
واني امشي بالشارع واسال نفسي هالاسئله
شفت رعد كبالي متوجه علي
ماصدكت عيوني.   رعد
رعد هلو رماد الولد اتصلو بي وعرفت انتي جايه وجيتج ركض
رماد ما اعرف شوصفلكم شعوري فرح,شوق،حزن،عتب
رماد وينك
رعد امشي نكعد بمكان ونحجي
كعدنه بحديقه
رماد كول رعد شعندك
رعد.   بعد ما سافرتي فاتحت اهلي بموضوع خطوبتنه
لكن ابوي. رفض
واني قررت اقطع املج بي لأني بصراحه مو كد كلمتي
طلعت ما اكدر اقنع اهلي!!!! لهذا السبب غيرت خط تلفوني وكلت خلي تنساني
رماد.  ماشاء الله والله عفيه عليك ياحسافه
بس انت كلتهه  على نفسك اني مو كدهه
كمت ومشيت بس احس اريد اركض وما التفت للوراء ما اريد اشوفه جسمي كوله يرجف الدمعه انحبست لاهي طالعه ولا هي واكفه بس ما اشوف شنو كبالي كل الي اشوفه من رجعت من اول لقاء كان بينا وكنت فرحانه وضحكتي ماليه الروح واليوم نفس المكان ونفس الطريق ثاني لقاء النه
رجعت حزينه مصدومه مكسوره
يعني هاي هي انتهى كولشي ...حتى الساعه ما انطيتهيا كنت ماخذتهه وياي هديه جبتهه من مكه.  مايستحقها اصلا
مرت الايام واني نفس رقمي لكن هو كال غيرت رقمي
كرامتي ماسمحتلي اخذ رقمه الجديد لان هو نهى كولشي
لكن رقمي بقى نفسه اذا هو رايدني حايتصل بي من جديد
مرت  الايام ببطئ مر شهرين على فراقنا وكلما يتصل بي رقم جديد اكول هو وتالي أنصدم مو رعد
حاولت أتعرف على غيره لكن ما كدرت أنسا عايش بداخلي بذكرياتي من قهري صرت اشكي وابجي واسولف للكل حتى امي عرفت بعلاقتي بي
اشتاقيتله بجنون ما اكدر أنسا ....قررت ارجع له كلفت شخص يجيبلي رقمه لكن بعد معاناة كدرت احصل رقمه
وكانت المفاجئة
اتصلت.   الووووو
رعد.  هلا برماد
رماد زين ماناسي رقمي
رعد.  صدك تحجين رماد لتضنين بيوم نسيتج عايشه بروحي وكلبي ....بس بيا وجه اتصل بيج
رماد.  يعني ماكو أمل ابوك قافل
رعد.  اي حبي والله قافل واني هم قافل وكتله ما اتزوج وابقى اعزب طول عمري
رماد.  رجعت علاقتي برعد والتقينا بمكان رومانسي بحياتي ما أنسا ....بس مابي أمل  مجرد أشواق مكبوته تعبنه منهه ولازم نظهرها
رماد.   رعد وتالي اشلون
رعد.  اصبري رماد يحلها الله ولج يوميه هالمنوال ...هو مصمم يريدلي بنت عمي اسمهه سرى وكلشي منتهي بس اني جاي أتهرب وكتله ما اريدهه وان شاء الله يغير رايه ويوافق عليج
رماد مشكلتي احبه ومجبوره اصدكه وانتظره وروحي فداه
بوقتها صارت عندي علاقات مع بنات من خلال الشات والتعارف وعرفت انو قضيتي والبكاره ممكن يصيرلهه حل
وعرفت ان بنات مارين بنفس تجربتي ومسويات  عمليه  البكاره ومتزوجات عادي بعد ما خضعن لعمليه ترقيع
رجع الأمل بي واستمريت بعلاقتي مع رعد وكنت مصممه انو ما استسلم ولازم أتغلب على الالم واعيش الحياة
امي من خلال اتصالاتي برعد شكت بي او بالأحرى اني من طبعي ما اضم عنهه شي من طفولتي امي كانت تراقبني على طول واجهتني
ام رماد.   شوفي بنتي ترى لا تشوفيني ساكته اعرف كولشي تعالي احجيلي خلى افتهم لا تستغفليني
رماد ماما والله يريد يخطبني بس ابوه
ام رماد وانت صدكتي
رماد يوم راح احجيلج كولشي واريدج تساعديني اني تعبت
ام رماد. ولج انطيني اتصل بي
ام رماد.  الووو مرحبا
رعد اهلا تفضلي
أم رماد.  ماما ابني اني امهه لرماد انت شنو نهايه علاقتكم
رعد.  خاله والله احبهه وأتمنى ابوي يوافق واتزوجهه وصدكي خاله ماراح أتخلى عنهه مهما مر الوقت
ام رماد ابني هاي يتيمه وحرام اذا نيتك تلعب بمشاعرهه
رعد خاله والله نيتي وياها صافيه وأريد اتزوجهه بس انطوني وقت. بلكي اقنع ابوي
رماد.  صرت اتصل برعد عادي كدام امي انرفع الحاجز الي بينا
رماد ماما فدوه اروحلج اريد أقابله والله مشتاقتله
ام رماد ولج يايمه اخاف يضيعج هذا مامرتاحتله
رماد فدوه يوم اروح للمركز يم ايناس وبالباب يجي اشوفه
رحت يم ايناس واجه رعد وطلعنه لمكان واول مره اشوف عيونه وانتبهلهه عيونه رومانسيه اخذني لمكان خاص اول مره اتقربله حضنه الدافئ عيشني بعالم ثاني
كان يوم جميل جدا بس مثل ماكلت مابي أمل صحيح هو وعدني مراح يتخلى عني وابو مصيره يتقبل حبنه ويرضى بالأمر الواقع
بعد فتره خمس اشهر والحال نفس الحال لكن جهاز رعد مغلق اوووف ياربي ليش مغلق.  يوم يومين عشره شهر
انوب انفتح الموبايل بس تحويل المكالمات
زين ليش رعد هيج يسوي بي ؟ بعد ما تدمرت اعصابي جتني رساله من رعد. (رماد اني تزوجت)
كافي ا ذا تحبيني صدك انسيني
الله.   الله
صدمه جديده.  الم جديد
والله تعبت عساها بحظك وبختك ان شاء الله
اني ماحجيت لامي لكن بعد مرور كم يوم امي عرفت بزواج رعد
ام رماد.  كنت متوقعه هذا الشي يضحكون عليجن وأنتن مصدكات اكليهه هسه
عشت ايام حزينه افكر برعد عايش حياته يضحك ومتونس وياكل ويداوم وصار عنده زوجه يتقرب منهه ويحبها
واحتمال هسه زوجته حامل ويحبهه
واني مثل الجثه بلايه روح بدون هدف بس استمريت اتصل بي بعد فتره جاوبني
بقينا نتكلم كأصدقاء على اساس والحقيقه مستحيل بعد الحب تجي صداقه وبدأ يشكولي من زوجته انها طفله مو مثل ماكان يتمنى وهو مايحبها بس ماكدر يكسر كلام ابوه وعمه
مرت الايام واني بديت اصحى على نفسي واكول ليش اتصل برعد وليش اسولف وياه قررت اقطع علاقتي بي
اتصلت بي رماد رعد اني تزوجت
رعد ها اكول مختفيه مبرر رروك اخذتيمن
رماد واحد اقاربنه
رعد ها اشوكت
رماد صار 20يوم
هو صدك وفعلا اني بديت اقتنع بالكذبة
ابقى فتره ما اتصل بي عود اني متزوجه ومن يتصل هو ما اجاوبه عود زوجي يمي وبديت أتعود ابتعد عنه بس مانسيته
زوجته صارت حامل وفرحان بيهه اني هم كلت خلي اكذب
والفتله قصه على اساس اني حامل واوهمه اني ملتزمه بزوجي الوهمي وبديت ابتعد عنه وكدرت شويه شويه ابتعد
علاقتنه شبه انتهت وكلامنه مابي معنى
بعدهه بشهر ونص كنت رايحه مع امي لعرس وخطبتني صديقه امي لأقاربهم من كربلاء كان اصغر مني ب 4سنوات وماعنده شهاده
حسن اسمر طويل شكله جذاب جدا وأنيق يشتغل اعمال حره
هذه فرصه لازم انسى رعد واتعلق بحسن هذا نصيبي وتقدملي بالحلال وفعلا شخصيته وشكله يشجع أتعلق بي
ومن لبسنه الحلقات تعلقت بي سألته عن فرق العمر كال مو مهم المهم اني حبيتج من اول ما شفتج
للحكايه بقيه بقلم فردوس عبد اللطيف f

رماداقرأ هذه القصة مجاناً!