بعد م قفلت قالت لي شهد باسل دة قال امس عندو سماعه وقعت منو في بيتكم هنا ،انتي مطبخكم اتحرق امس متين؟؟؟😳قولته ليها شنووو😨يعني الأمس طفى النار الكانت مولعهه في البيت كان صاحب باسل😳قالت لي انا البسأل فيك وبعدين مالك مخلوعهه كدة🐸بقيت اتمتم قولته ليها لا م م ماف شي 😰قالت لي اها لقيتي سماعهه واقعه في بيتكم ولا لا؟قولته ليها م عارفه والله كدة دقيقه اشووف المطبخ 💔مشيييت المطبخ سبحان الله لقيتها واقعهه قدام الباب وزول شافها ماف💔شلتها قولته ليها ياها 😪قالت لي حأكذب عليهو اقول ليهو م لقيتها اشوفو هيعمل شنوو😂💔💔تنزيل وبت خالتها لبسو وبدو يتمكيجو ،طبعا انا قاعدة بعاين ليهم ساااي،بت خالتها قالت لي تعالي امكيجك😍قولته ليها بررري م دايرة الشايفني منو زاتو😂قالت لي كيف يعني حلاتك ماشاءالله ياخ😂❤ضحكته وسكتهه ،قالت لي طيب تعالي اعمل ليك ايلاينر😘طبعا انا اساسا م عارفهه الأيلاينر دة شنووو😂قالت لي تعالي اقعدي اعملها ليك،قولته ليها بري م عايزة واللع،تنزيل قالت ليها دي متخلفهه ساااي😪بت خالتها قالت لي حلفتك ياخ تعالي اقعدي عجبتني عيووونك وعايزة اعملها ليك مسكتني قعدتني🙈قالت لي غمضي علشان تطلع ظابطه 😘طبعا انا غمضتهه وخاايفهه على عيوني وارمش سااي😂بعد مسااافهه قالت لي افتحي عيونك ووااااي فظيعهه ظبطت فيك ظبطهه علشان عيونك واسعهه😍تنزيل قالت لي هيييييينا ي شهد انتي دافنهه نفسك بالحياة،😂💔😪بعد م خلصو لبس ومكياج تنزيل قالت لي بت عمها خلينا ناخد لينا صورة قبل م نطلع😍وقعدو يتصورو وانا بعاين ليهم😂 ،تنزيل قالت لي تعالي خشي في السيلفي 😏قولته ليها لا م عايزة اتصورو وانا بصلح توبي الوقت داك ،بت خالتها قالت لي تعالي ياااخ،😍تنزيل جرتني قالت لي اصلا سخيفهه خلاص 😒اتصورتهه معاهم صورتين شكلي كان اوووفر صراحهه ،كنت لابسه توب لونو اصفر 😂قولته ليهم لو خلصتو ارح نطلع ياخ😒ونحن طالعين كنت خااايفهه من اللقى باسل في وشي بس الحمدلله الصيوان كان قافل 😍ولسؤ حظي اول م دخلنا بالباب الكبير لقيناهم شايلين صواني الفطور وطالعين 😭واول زول لقيتو في وشي باسل اصلي م رفعته عيني وعاينته ليهو عااااد بعد موقف امس دة تاني بقدر اعاين ليهو😭بعد م الفطور خلص امي قالت لي امشي فتشي شفق اختك دي شوفيها وين💔طلعته الشارع وبقيت اسأل في الشفع ،وكل شافع اسألو عنها بقول لي لأ م شوفتها ،عاااد شحتفتني شحتفهه بقيت لااافه في الشارع والبسألو منها كلو بقول م شافها،،،فضلته واقفه في نص الشارع ،فجأة لسمع ليك صوت شفق اختي بتقول لي ثثثثثهد،😍اتلفتهه لقيت باسل شايل شفق وشفق شايله في يدها بنات لعااب في يدها وتاني شايله لبها كيس في يدها...قولته ليها بي غضب مشيتي وين انتي😡قالت لي ثوفي حالي (خالي)اشترى لي شنوووو😍 طبعا انا مغيووظهه منها لأني فتشته لمن رجولي وجعوني😪قولته ليها الليله اصبري لي بس😡طبعا انا بتكلم معاها بالاسلوب دة وهو لسه شايلها،،طلع نظارتو وقال لي هاااا عايزة تعملي ليها شنوو يعني؟؟قولته ليهو إنت مالك مش اختي😡وهي زاتها متعودة تمشي مع أي زول 💔قال لي لكن انا اي زول😊قولته ليهو سمح انت منووو؟ياخ انا غضبانه وم شايفه قدامي قولته ليها شفق انزلي سرعهه تعالي هنا سرعهه😡نزلت جاتني مسكتها من يدها ودخلته بيتنا ،هو اتغاظ مني غييييظ لمن ملامح وشو اتغيرت 😂😢بعد م دخلته البيت ي دوب حسيت على روحي ،قولته لنفسي انا ليه اتصرفته معاهو كدة😢اسي حيقول عني شنووو؟؟مع انو تصرف بسيط بس كان شبه جارح ضميري أنبني💔دخلته اوضتي شلته ورقه وقلم كتبته في الورقه معليش وختيت نقطه وطبقتها صغيرة قولته ليها تعالي ي شفق😒قالت لي ثنووو؟؟قولته ليها الورقه دي اديها لي خالك الاشترى ليك البنات ديل سمح؟😒قالت لي فيها ثنووو؟قولته ليها انتي مالك ومال الفيها لو م اديتيها ليهو بكلم ليك يمه بقول ليها شحدت الراجل عشان كدة اشترى ليها بنات طبخ😡😒قالت لي خلاث ثمح شالتها وجرت طلعت...وانا قلبي دة عايز يطير من الخوف ،قولته الليله كان ادتها لي زول غيرو انا اقبل وين 😭😭😭😭😭😢شويه كدة شفق جات راجعه قولته ليها اها اديتيها ليهو؟قالت لي اااي،قولته ليها هو زاتو ؟قالت لي اديتها ليهو هو ثااااتو❤قولته ليها سمح قال ليك شنووو😢قالت لي ولا ثي 😁قولته ليها اها فتحها؟قال لي ااااي فتحها،،فتحها وم قال ليها شي يكون فهمني غلط المفتري دة😭😭😭😭لكن الغلط غلطي انا البخليني اتشالق واعتزر ليهو شنووو انا المتخلفه الهطله ليهو حق يفتري 😭😭😭😭😭انفعلته انفعال واتحرقتهه على كلمه معليش والنقطه الختيتها معاها😂💔😭يعلم الله مسسخ علي العرس حردتو عديييل لدرجه انو الناس دقت دلوكهه وغنو وهججو وانا ابيت اطلع 😭💔العصر كدة طبعا عندنا عادة الجلد عاااد الناس دي ملت الشارع وبدو يتجالدو ،انا طبعا طلعته زمن الجلد بس ،،فاطمه قالت لي صحبان العريس واحد فيهم اتجلد ماف 😨قولته ليها ي بتي هييي ديل خوافين ساااي اسي دي اشكال بتحملو الجلد دة؟ديل ناس البسكويتهه جرحتني،😪قالت لي بري منهم سماحهه على الفاضي سااااي ماف اااي رجالهه لكن الحمدلله الما اتجلدو عاد انا باسل دة ي شهد كان اتجلد يمكن تجيني نفسيات والله😢قولته ليها اساسا م بتجلد دة خواف ومفتري ساااي 😒طبعا م كان عندهم حفلهه بالليل،والعريس واصحابو مسافرين على طول،،بعد المغرب كدة قامو متحركين انا كنت واقفه في شباك المطبخ حقنا واعاين ومتلهفهه ومنتظرة باسل يطلع بي فارق الصبر علشان يطلع،م عارفه بس كنت عايزة اشوفو كنت متضايقهه بجد،طبعا تنزيل واخواتها كانو مسافرين مع اخوهم 💔انا واقفه والناس دي بتودع في العريس وشغالين ليك زغاريد وغنى،،،في وقفتي ديك منذر جا طالع ووراهو باسل اااااخ بس لو شوفتو حالتي لحظتها 😢كان لابس قميص سماوي وشايل شنطتو في كتفو ولابس نظارة سوداء ،قعد يتكلم مع خالي هاشم مساافه بعدها ركب عربيتو وخلى الباقي واقفين بودعو في الناس،،😭😭😭ايوة انا على قناعه انو م بفكر فيني ولا شايفني اصلا وعارفه انو م تم اسبوع واحد بس مما جا لكن كأنو انا بعرفو من زمااان،وعارفه انو تاني مستحيل اشوفو او تجمعني بيهو صدفه،كلها لحظات بس وعدت زيها زي اي لحظه والمفروض اشيلو من بالي لانو بالنسبه لي زي السراب مهما جريت وراهو م حأصلو،قعدته اتكلم مع نفسي واقول:ي شهد افهمي دة م حيعاين ليك ولا شي وهو زاتو بعد كدة مساافر يعني تاني ماف سبب برجعو بلدنا دي تاني ،يعني احلام اليقظهه الانتي فيها دي خليها 😭💔وبعدين هو زاتو م بعاين للزيك دة ،معقوله يخلي بنات الخرطومالسمحاتت ديلك كلهن ويعاين ليك انتي؟اصلا هو بكون عندو واحدة عشان كدة كل الوقت ماسك تلفونو 😪😢امي جات لقتني قاعدة في الأرض وبحفر في التراب سااي قالت لي ي بت شهد مالك😳قولته ليها ماف شي يمه😔قالت لي في زول بقعد في الارض ساااهي كدة زي الشافعهه😳..شويه كدة بعد م مشو جاتني فاطمهه ،شغاله تصرخ لمن خلعتني اصلا فاطمه دي مجنوهه😂قالت لي وااااااي ي شهد ساافرو خلاااص تاني م حنشوفهم ي شهد م حنشوفهم احيييييي ي كبدي زحي لي اتمردغ في الرملهه دي😭😭😭😭😭قولته ليها ها الهطلهه دي م طول عمرك وشكك في وش الخزين وبله والطيب اخوك اسي الجدة شنوو؟؟😒قالت لي شهد تقلبي علي المواجع انا جاياك تواسيني وااااااي😭😭😭قولته ليها هاك القطعه دي امسحي بيها وشك وطيري بيتكم م فاضيه ليك انا والطيب اخووك لو عرفك حيوريك البكى على اصولو وهيفتح نفسك للبكى البجد😒قالت لي بسسس عليك زاتي طايرة بيتنا لبست نعلاتها ومشت وهي م عارفهه انو انا مقهورة اكتر منها😢💔
بعد اسبوعين من العرس تنزيل جات راجعه البلد ،انا م سمعته بيها جات الا اليوم التاني حوالي الساعه4كدة امي قالت لي ي شهد شيلي الغداء دة وديهو لي ناس خالك هاشم،قولته ليها هم جو يعني؟قالت لي من امس بالليل،،،قولته ليها اهاااا طيب شلته الصينيه وطلعته ،طبعا اول م طلعته إتخيل لي كأنو لسسسه العرس م انتهى ،وكأنو لسسه اول م اطلع بلغى اصحاب منذر قاعدين قدام الباب وبتونسو 😢شويه كدة حسيت على روحي وواصلته مشي،دقيت ليهم الباب فتحت لي تنزيل قالت لي شووووش مشتاقيييين مشتاااقييين وربي😍قولته ليها حمدلله على السلامه ياخ شوق الشوق...قالت لي خبرك ؟قولته ليها الحمدلله دقيقه خليني اوصل صينيه الغدا دي اول بعدها اسلم عليك زي الناس😂بعد م سلمته على امها دخلنا اوضه تنزيل قعدنا نتونس مسااافه وسألتها عن العرس في الخرطوم وتفاصيلو وكدة،قالت لي العرس سمح لكن الخرطوم تووف عليها م سمحهه جوها ممل لدرجه 😪قولته ليها ي بت هاا بطلي افترى الخرطوم بحالها جوها يكون ممل😒قالت لي والله الخرطوم سماحتها اسم بس لكن لا سمحه لا شي ،،قولته ليها بتغشي في منوو انتي والله الخرطوم دي الناس بتزحف ليها زحف عشان تمشيها انتي افضل مشيتيها نحن ولا بالغلط م شفناها الا في خريطه كتاب التاريخ😪قعدت تضحك ،قولته ليها اها صورتي العروس؟كان صورتيها اديني اشوفها،قالت لي سمح هههه،قولته ليها اها طلعت سمحه؟قالت لي اصبري الشفقه تطير ي بت😂💔فتحت الصور وقعدت توريني فيهم قولته ليها عاااد ماشاءالله سمحه سماحه منذر حظو ياخ،،،قالت لي م شوفتي شي اخواتها احلى منها❤وقعدت توريني في صور اخواتها عاااد ماشاءالله حوريات بس،،واللبس دة مبالغه شي فساتين قصيرة وفاكين الشعر واخر مكياج.قولته ليها عاادي هناك بمشو كدة؟😳ضحكت قالت لي اااي عاادي زول بسألهم ماف وبعدين الحفله كانت في صاله 😂شويه كدة جابت صورة جماعيه ،،،ضحكت قالت لي ديل الشله الفاشله هههه،قولته ليها اصحاب منذر😊تاني جابت صورة اول م شوفتها قلبي عمل شححح كان فيها باسل وتنزيل ومعاهم واحدة من اخوات العروس ماسكهاهو من كتفو ،تنزيل قالت لي باسل ياخ😍😂قولته ليها حلوة 😊وانا من جواااي اتغظتهه غيظ😪قالت لي بالمناسبه شكى لي منك،قولته ليها بخلعهه انتي جادة ليه مالي😳قالت لي قال انتي هرشتيهو،طبعا ضربات قلبي زادت،قولته ليها انتي جادة؟😳قالت لي ي بت مالك مخلوعه كدة بسم الله ؟؟؟جاتني حاله من الفرح كدة م اتوقعتو يكون متزكرني اساسا،قولته ليها بي لهفهه اها قال ليك شنووو😳؟؟؟قالت لي قال انو هو ساق شفق اختك السوق وانتي هرشتيهو،،،قولته ليها تاني م قال ليك حاجه😢؟قالت لي لا،،،طلعته مشيت بيتنا وانا جواي ملخبط م بين فرحانه ومحتارة 😢
تنزيل بعد م انا طلعته منها رسلت لي باسل قالت ليهو ي سجم،،،قال ليها ااااهلييين بي ناس البلد 😍قالت ليهو خبراتك؟قال ليها الحمدلله خالو هاشم والوالدة كيفهم؟قالت ليهو الحمدلله وانت❤قال ليها الحمدلله بس لسه م اتأقلمت على جو الخرطوم فاقد جو البلد ههههه😂قالت ليهو طيب اخد بعضك وتعال على طووول وم ترجع تاني😂قال ليها لو في طريقهه م حأتردد ههه اها الحاصل معاك شنوو ؟؟قالت ليهو ماف شي غير انو م عندي موضوع،وقبل شويه كانت معي المتنرفزة😍قال ليها هههه قصدك منوو م فهمت؟قالت ليهو اي اتثاقل😒رسل ليها ضحكه قال ليها بجد؟😂😂قالت ليهو باسل😏قال ليها اهااا اتزكرتها طيب كويس اها وبعدين دة في حد زاتو موضوع هههه❤قالت ليهو انت بتكابر مالك؟😒قال ليها اكابر؟؟؟قالت ليهو انت البت عجبتك م تكااابر😒😒😒😒....
معليش ياخي اليوم دة م لقيت فرصهه اكتب ولا حرف والله ي دوب مسكته التلفون والله اسفهه بجد😢
يتبع.....
