الجزء الخامس

2K 118 8

#رماد
بقلم فردوس عبد اللطيف
الجزء الخامس.   حقيقية
رماد ....كنت اسولف مع رعد بدون هدف مجرد اقضي وقت فراغ وياه كنت خاليه من المشاعر حتى مشاعر صادقه ماعندي
رماد. انت من وين
رعد اني من بابل.  وانتي
رماد.  بنت ولايتك
رعد يااااااعيني شنو اسمج
رماد اسمي رماد وانت
رعد اسمي رعد
رماد تشرفنا بيك وعاشت الأسامي
     شنو شغلك
رعد اني منتسب بالشرطه (حمايه شخصيات اعضاء مجلس المحافظة)
رماد.   اني خريجه تربيه
رعد متعينه
رماد لا
رعد. وين جنتي تداومين بجامعه بابل
رماد.  اي
رعد.  زين والي يعينج
رماد.  لا بربك
رعد والله اني بحمايه عضو مجلس المحافظة ....تعاليلي لمكتبه وجيبي وياج مستمسكاتج واني انطيهيا ....وهم نشوف صاحبه هالصوت الملائكي
رماد.   اوك افكر. ان شاء الله خير
مر اسبوع على تعارفنه الكلام الي يدور بينا كلام عادي
يحجيلي عن عائلته ووضعه واني هم أناقشه بامور عامه
من خلال كلامنه حسيته مرتب ...مثقف رغم هو خريج متوسطه ..بس هادئ ورزن وطيب ومؤدب وأتعدى حدوده أبد
مرت الايام ورعد يلح انطي معامله التقديم للتعيين بلكي احصل وظيفه ...بوقتها كان عندي هديه فستان لإيناس صديقتي اريد أودي الهه الهديه مني لإيناس بقيت اتوسل بأمي
حتى اروح للجامعه والتقي بايناس
لان بعد التخرج اهلي ميقبلون اروح للجامعه
بالتوسل يالى قبلت امي ورحت شفت نوسه اسم الدلع لإيناس
كنت مشتاقتلهه موت
رماد ولج انوسه اني ميخلوني اطلع انتي تعالي لج حا اتخبل ضايجه كعده البيت ممله
ايناس.  لج والله صعبه مجاي الحك اني هم مشتاقتلج
رماد انوسه ماكو تعيين منا منا
ايناس.  لا وين اكو تعيين بس جاي ادور
رماد شوفيلي وظيفه وياج
ايناس.  هههه خلي الكي لنفسي اول
ودعت انوسه وطلعت من الجامعه اتصلت برعد
رماد الو صباح الخير
رعد.  صباح العسل ياعسل
انت موجود بالمجلس اريد اجي هسه
رعد هلا وغلا تعالي موجود
رحت لمكتب عضو مجلس المحافظة
من وصلت للمكتب دخلت تلكاني رعد كان وسيم جدا
رماد صباح الخير
رعد ...صباح النور
بلحظه وبنظره منه حسيت بشعور ما اعرف اوصفه
والأكثر هو تفاجئ بي وصار يتغزل ويسمعني كلام غزل
رعد معقوله انت بهالجمال وهالاناقه تدرين ماكنت متوقعج هيج حلوه معقوله هيج حظي حلو واتعرفت عليج
رماد. اتشرفت بمعرفتك لكن شعوري تجاهه تحول الى إعجاب ويمكن اكثر...انطيته المعامله ورجعت للبيت بس رجعت انسانه ثانيه ....مليانه حب وتفاؤل وسعاده
يمه يمه شنو هذا رعد يخبل يخبل فدوه لكلبه دخل بكلبي بسرعه
بالليل اتصل بي رعد يمه كلبي رِن ويه رنه التلفون
الوووووو
رعد. هلو كلب
رماد هلو اشلونك
رعد لج انت شسويتي بي ليش مكتيلي هيج مواصفاتج بيهه جاذبيه تدرين من شفتج صدك اتمنى اسولف وياج طول الوقت
رماد. صدكني رعد اني قبل ما اشوفك كنت مجرد صديق اقضي وياه وقت فراغي لكن من شفتك تغيرت مشاعري اتجاهك وأحس بنفس شعورك
وبدت قصه حب جديده بحياتي صار رعد هو كلشي بحياتي
اكعد الصبح على كلمه صباح الخير منه وأنام واغفى تالي الليل على انفاسه
بصراحه رعد مختلف عن الي عرفتهم لانه كان شهم حتى باتصالاته غمرني بحبه وحنانه واشواقه
رن تلفوني ايناس صديقتي
رماد الوووو هلو انوسه
ايناس.  هلو حبيبتي رماد اكولج اكو مركز اطفال توحد محتاجين موظفات من اختصاصنه بعلم النفس تعالي نقدم اني وياج
رماد ماشي زين كتيلي
ايناس.  بس ترى الراتب قليل والدوام تعب والأطفال شبه مجانين صعب التعامل وياهم
رماد.  صدك تحجين انوسه شنو من وظيفه هاي
ايناس.  يامعوده بس خلي نطلع من جو البيت تعبنا
رماد اي والله صدك نوسه بس اني ما اكدر ابقى لل 4 العصر
واني بيتنا بالنواحي واتاخر والدنيا شتا بسرعه يصير ليل واخوي ميقبل
مرت الايام اوف شلون تخلص والوضع نفس الوضع ماكو تغيير
رعد.  الو رماد
رماد هلو رعد اكولك شخبار التعيين
رعد رماد انسي التعيين
رماد ليش
رعد بصراحه حبيبتي اني من شفتج قررت اخطبج واني ما اقبل زوجتي تشتغل لان اغار عليج حياتي
رماد يمه فدوه لكلبك بكيفك رعودي
اخوي بوقتها قرر يبيع بيت ابوي الثاني الي بالولايه ونتقاسم فلوسه.   بعنا 150مليون واخوي اشترى قطع أراضي اله وباسامينا كذلك واشترى سياره ورمم بيتنا الي ساكنين بي حاليا
وانطا مبلغ لامي وسجلنه زياره لبيت الله الحرام (عمره)
ورتب وظعنه اتصلت برعد
رماد هلو حبيبي اشلونك
رعد هلو كلب الحمد لله
رماد رعودي اخوي سجلنا عمره وتحدد موعد سفرنه
رعد منو كلج ترحين بكيفج
رماد. فدوه وين رايحه عمره لبيت الله
رعد ولج ما اقبل شنو ترحين انت الهوى الي اتنفسه
رماد حبيبي اني راح اشتاقلك خاف ما اكدر اتصل لان امي وياي بس كلبي وروحي وياك واول طلب راح اطلبه من رب العالمين هو ان يجمعني بيك
رعد ان شاء الله حبيبتي ترحين وترجعين بالسلامه وان شاء الله من ترجعين راح اتقدملج واخطبج
اجه موعد السفر وسافرنه اني وامي يوم 2/4/2011
الأجواء روعه بالبدايه رحنا على سوريا وزرنا السيدة زينب ع وبعدها توجهنا للمملكة ألعربيه السعوديه كانت بلاد راقيه امشي وتتجول ب ارضها وانا منبهرة بالبنايات والجمال والنظافة بقينا فتره -12يوم ...السفر متعب لكن جميل وممتع
صحيح احنا مسافرين قبل لكن شعور حلو من تروح لبيت الله الحرام تحس كانك تمسح ذنوبك لما تكون بجوار بيت الله الحرام
يا الله راجيه رحمتك وعفوك وتوفيقك يارب يارب
هناك نسيت همومي وبقيت استغفر ربي يمكن يسامحني ويعوظني كملنه ورجعنا من رجعت كنت مشتاقه لرعد لان بصراحه تعلقت بي كثير كنت  اتصل بي بس ما حصَّلته اشتاقيت ارجع لبيتي لبلدي ولحبيبي واهلي واجوي الاقارب والاصدقاء والبيت هوسه والناس طابه طالعه
اني فكري يم رعد
مرت على علاقتنه 4اشهر
لان اتصل بي وجها زه مغلق يوم يومين اسبوع كلبي نار عليه يغلي
وزعنه الهدايا الي جبناها للأقارب والأحباب
رعد جبتله هديه ساعه يد انيقه وجميله جدا
اذا تلفونه مغلق وين هو ؟
مرت الايام وصار شهر ماكورعد
صار لازم اروح اشوفه قنعت امي اروح لإيناس للمركز اويديلهه هديتها وافقت
رحت وشفت نوسه وحجيتلهه كلشي
ايناس.  شتنتظرين رماد روحيله للمكتب مو يريد يجي يخطبج روحيله
رماد فكرت كلت هاي فرصه اني طالعه وبعد ما احصل مثلهه
طلعت من ايناس رحت فورا لمكتب عضو مجلس المحافظه
للحكايه بقيه   بقلم فردوس عبد اللطيف
شتتوقعون ليش رعد مختفي بعد ما وعدهه بالزواج

رماداقرأ هذه القصة مجاناً!