الـدخيل

بارت ٣٣

-

٢:١٦ الظهر

يفتح عينه بسرعه حاس بشي صلب تحته، يستوعب، و يلتفت بسرعه حوله، و يوقف من مكانه، يلقى نفسه بممر الشقه، يفرك عينه، و يشهق من الالم و يسند نفسه على الطوفه، يستوعب انه جدام باب نايف، و يتنهد بتعب، و يدخل ايده بجيبه يتأكد من الفلاش و يلقاه موجود و يتنهد براحه

-

"وينه الحين؟" يسأله علي و يرفع فهد جتفه، عارف اهوا وين، و شايف لما يطلعونه من الشقه، لكن ما كان يدري انه نام بممر شقق

"شلون ما تدري؟" يصرخ عليه و ينفتح باب الشقه، يقوم علي بسرعه و يلقى طلال داخل للشقه، و التعب واضح عليه، و ما يقدر يمشي

"حيوان انت؟ اهبل؟" يصرخ عليه علي، و يقلب عينه طلال شايف فهد يطالع فيه، و يبعد طلال عينه عن فهد و يطلع بعلي

"سالفة نايف و خلصت منها! و هذا اهوا الفلاش معاي و ححرقه و اخلص" يرفع جتفه ببرود له و يروح لغرفته لكن علي يرجعه مكان من جتفه

"شايف انك تبيع جسمه له اهوا الشي الصح؟" يرفع حاجبه

"ما بعت جسمي لاحد العمليه كانت قابل بمقابل و اعطاني اللي ابيه و اعطيته اللي يبيه.. على الاقل لمره وحده سويتها برضاي" يشدد على اخر كلمه، و يدز علي من جدامه و يروح لغرفته

"شنسوي فيه هذا؟" يسأله علي و يطنشه فهد راجع للصاله يقعد فيها، لكن وقف بسرعه مار جدام علي و يروح لغرفة طلال، يفتحها و يلقى طلال قاعد على سريره و بايده الفلاش

"خير؟" يرفع حاجبه له و يسكر فهد الباب وراه و يقرب له

"تحس ان اللي سويته صح؟" يسأله بهدوء و يرفع طلال جتفه ببرود

"فهد لا تحاول انك تصحي ضميري.. لا تحاول" يهمس له بابتسامه مستفزه و فهد مو فاهم شنو اللي غيره

سحب كرسي المكتب و قعد جدامه و طلال يطالعه ببرود، و واضح منغث من وجود فهد جدامه

"طلال بس قول لي وش اللي غيرك؟" يسأله و يبتسم طلال رافع حاجبه له

"صرنا نتكلم سعودي والله" يضحك و فهد حاس انه تحت تأثير مخدرات او شي

"عطاك شي تشربه؟ تشمه؟" يسأله و تعلى صوت ضحكة طلال و علي اللي يسمعهم من الباب مستغرب من اسلوب طلال

"لا ما اعطاني شي غير الفلاش ذا" يوريه  و يطلع ولاعه من الدرج جنبه، و يحرق فيها طرف الفلاش و فهد يطالعه بهدوء

"بس قول لي شاللي صار علشان يغيرك جذي؟ شاللي خلاك تتجنبني و تكرهني؟ فليله وحده!" يسأله و يرفع طلال راسه له مستغرب من سؤاله، و يحط الفلاش على جنب

"ليش تحبني؟" يسأله بجديه و فهد تفاجئ من سؤاله لكن ابتسم بهدوء

"لانك-" يرد فهد لكن يقاطعه طلال بسرعه