الجزء الثاني

2.4K 126 19

#رماد
بقلم فردوس عبد اللطيف
الجزء الثاني. حقيقية
انتبهت على قناة فينوس تعرض شريط مسجات وأرقام بالتايتل
عجبتني الفكره وثبتت فتاة بابل. اخذت رقم شخص كان لقبه ماجد المهندس...
اتصلت بي
رماد. الو مساء الخير
صالح. مساء النور
اني بنت بابل اسمي رماد من الحله
واني صالح من ديالى
رماد طالبه بكلوريوس علوم نفسيه واجتماعية مرحله 2 وعمري 20 سنه
صالح. خريج قانون وعمري 28سنه
رماد. ليش لقبك ماجد المهندس
صالح. لأني أشبه ماجد المهندس
رماد اها يعني هيج حلوووو
صالح. اي
رماد ربي يحفظك
أرسلت مسجات اطلب اغاني وأرسل تحابا للمشتركين الآخرين
صالح نفس الحاله يرسل تحيه بالقناة ويطلب اغاني ويهديهه
صار ولعنه بالقناة مثل المرض عيوني مبحلكه عالشاشه مثل الادمان
بحيث كانو يسمونه ملوك الجات من كثر اشتراكاتنه
قوت علاقتي بصالح وتعلقت بي وحبيته وهو حسب كلامه هم حبني صرنا عشاق علاجات والكل يعرفونه
كنت اكعد الصبح على صوته
صالح. صباحوووو كعدي روحي لكليتج
رماد. صباح الأنوار يروحي كعدت
وبالليل ما أغفى الا على انفاسه وهو يكلي ولج صار الفجر واحنه نسولف
رماد. يالى حبي تصبح على خير
اخوي. بعد ما تخرج من السادس قدم عالكليه العسكريه وانقبل وداوم
يجي مجاز كل خميس وجمعه من كل اسبوع
صرت اشوفه قليل وبعد ماكو مشاكل
غرفتي وحدي انام وحدي امي كانت ترفض ابقى وحدي بالغرفه لكن كنت اعاندهه وتعصبها حتى اخذ راحتي بالليل كوله اخابر صالح
طبعا الاتصالات تحتاج أرصده والأرصدة تريد فلوس لذلك كنت اظطر اسرق من امي حتى اشتري أرصده الي ولصالح
ام رماد. رماد كنت مخليه خمسين الف بالجزدان اشو بس خمسه وعشرين وين صارت
رماد يوم والله ما اخذت منج
ام رماد لعد منو بالبيت غيرنا اني وياج
رماد اسهل حل عندي كان اجيب القران واحلف بالقران كذب
اني ما اخذت فلوس من امي وهي تسكت
مرت الايام والأشهر وصارت سنه واني وصالح هذا وظعنه
امي عرفت بعلاقتي بصالح وظربتني واخذت الموبايل مني
ما عندي غير اني اسرق منهه فلوس
هي كانت تحاول بكل الطرق تخفي فلوسهه عني لكن كنت ابحوش والكيهن وسرقت منهه فلوس ورحت اشتريت موبايل
بالسر من وراها اخابر صالح وكنت اشحنه عند الجيران وهالشي يسببلي مشاكل وإخراجات هوايه
هاي الاحداث كانت بالعطله الي نجحت بيهه من مرحله الثانيه الى الثالثه وصرت بالثالث بالكليه واني على تواصل مع صالح
بعض الاحيان صرت اسرق فلوس موبايلات من الطالبان حتى ادز أرصده لصالح واني هم اتصل بي
ما اعرف ليش هيج سويت ؟؟؟؟؟
بس جان مثل الادمان شي تعودت عليه وما اكدر اعوفه
كنت فنانه بالسرقه محد يلزم علي شي او يشك بي واذا صار اي شك عندي الحلف بالقران شي كلش سهل تعودت عليه
بكل بساطه ادك عالقران واطلع ولا كأنه ما مسويه شي...
والحلف هذا هدم حياتي ودمر كلشي بي
والقران اخذ ثأره مني. كلشي ولا القران
كلشي ولا اليمين الكاذب الزُّور كلشي ولا هالطريق
ترا الثمن غالي بعدين لازم يندفع
اخوي بدأ يشك بي من ينزل مجاز يشوف امي ما مرتاحه
هي ما تشكيله مني بس هو حس انو ماكو تفاهم بيني وبينهه
وحاول يلغي هالمسافه الي بينا وسجلنه سفره لايران
10ايام سافرنا وكانت الأجواء جميله جدا ...
بس اني فكري كوله يم صالح وحاولت اتصل بي من ايران عن طريق مكاتب الاتصال بس مجاوبني ....
واني كنت خايفه لا اهلي يحسون بي
بعد ما رجعنا من ايران...
بدأ اخوي يراقبني وعرف بعلاقتي بصالح
اخو رماد اسمه رياض
رياض ولج من زمان كنت شاكك بيج ومنين هذا صالح
رماد. من ديالى
لزمني من شعري ونزل راسي جوه وبوكسات ويحرك براسي
رياض ولج منين عرفتي
رماد. هو يحبني
رياض شحب منج هذا سني واحنا شيعه والدنيا عالكه
كانت بوقتها الطائفيه
رياض ولج شوفي وسمعيني زين اذا ما عفتي راح استخدم غير اُسلوب وياج
رماد ميخالف انت بس اهدا
رياض. شنكول للناس اختي عاشكه سني من ديالى شكول لعمامي ولخوالي ولج انت مال ذبح
رماد سايرته وقنعته اني راح اسمع كلامه واعوف صالح
لكن بعد فتره رجعت سرقت واشتريت موبايل ورجعت اتصل بصالح
بهالفتره صارت خدمه صور دزلي صورته ودزيتله صورتي
زاد تعلقي بي حبيته بجنون كنت اذا ما اتصل بي واسمع صوته اموت
كنت مستعده اسرق اسوي اي شي في سبيل اتصل بصالح
ساءت علاقتي بأهلي امي واخوي الي ما عندي غيرهم خسرتهم وكسرت كلامهم وعصيت امرهم وعاندتهم
وعمود منو. ؟؟؟
صالح كنت اكوله انت تحبّني؟
وشنو نيتك وياي
صالح. طبعا اتزوجج
بس جاي تشوفين الوضع متأزم والطائفيه متاججه
ب 2007 يعني اذا اجي للحله انكتل وانوب اجيب وياي اخوتي واهلي وعمامي واحنا سنه من ال .....
والله يا رماد محد يقبل يجي وياي كلها تخاف
رماد لعد اشلون صالح
صالح. اصبري حبي الله كريم
رماد شصبر بعد صار سنتين وياك اني خسرت اهلي
تدري اهلي يحتقروني صارو ميحجون وياي من نكعد عالاكل يسولفون بينهم ومايخلوني أشاركهم بالحديث وما يهتمولي ولا يسالون عني وهملوني من كلشي
صالح. هسه اخذج منهم ويضلون يتوسلون
اوف شوكت تنامين بحظني اسرقج من الكون كله وتصيرين ملكي حلالي
رماد. كان يسحرني بكلامه ويقنعني ان هو يحبني
بقيت وياه ونجحت للمرحله الاخيره....
وبدينا نحظر مشروع البحث مالتي والتطبيق
....كانت بنيه وياي تعرفت على شاب من صلاح الدين وهم سني بقت وياه فتره واجه وجاب اهله وخطبهاواتزوجو
هالشي اثر بي هواي من سمعت
اتصلت بي
رماد. لعد ذولي اجوي بصدق نيه وانت نيتك مو صادقه وياي انت ما تجي ولا راح تجي....
وقررت اكسب اهلي وارجع وياهم بحب وثقه
تركت صالح فتره وهو ولا اهتم ولا سال عني
وكأنه يريدهه فرصه يخلص
عندي ابن عمتي كان معجب بي بس اني ما كنت مهتمتله
لا بفتره الاعداديه ولا بالكليه صديته وما انطيته مجال
بس من تركت صالح بالمرحله الاخيره من الكليه قررت ارتبط بابن عمتي وهم اكسب ثقه اهلي
بديت وياه ابتسامات بعدين سلام وراها صارت اتصالات بعدهه صارت علاقه بينا
وبحكم القرابه هو عادي يجي لبيتنا ويكعد ويأكل وينام وصديق اخوي اضافه الى انه ابن عمتي
اني ماجان عندي مشاعر اتجاهه بس كلت احاول اقنع نفسي وأحبه
نمير ابن عمتي يدور الفرصه حتى يختلي بي
كلما يشوفني بالمطبخ وحدي يجي يبوسني ويحظني
هذا الشي كان ينرفزني بس هو يكول لا عادي هيج أشياء تحصل بين اثنين يحبون بعض
اني كنت مجبوره اقبل بهالشي اخاف ارفض ويعوفني وما يخطبني واني مبقالي شي عالتخرج كلها كم شهر واتخرج وانخطب لنمير وأكسب اهلي وأنسى الماضي
استمرت علاقتي بنمير فتره لحد ما
فد يوم اخوي كان بالدوام طبعا اخوي تخرج وصار ضابط ودوامه بي خفارات
امي وعمتي طلعن وبقيت وحدي بالبيت كلت خلى اتصل بنمير يجي يمي نكعد بالحديقه وهم أتقرب منه وأتعرف عليه اكثر
لكن قسما بربي ماكانت لي غير نيه ردت بس اعرف طبعه وأحاول افهمه عن قرب وأحبه
هالكلام كان سنه 2009 اتصلت بي واجه
كنت لابسه برمودا وكيموني واني بره بالحديقه كان اكو كراسي كلي هلوووو
رماد. هلووو
نمير. تعالي ندخل جوه
رماد. لا خلي نكعد هنا
جرني من ايدي بقوه ودخلنه للبيت
نمير هو هذا الي نريده
احبج مشتاقلج. وبدأ يتقرب مني
للحكايه بقيه. فردوس عبد اللطيف f

رماداقرأ هذه القصة مجاناً!