نغمة سوداء

Part 4

صحيت ع اصوات مو مفهومه ..
الممرضه واهلي يحجون ..

فتحت عيني السقف ابيض ..
اني بلمستشفى شكد صارلي ..

اجتني امي وحضتني هيه وميان ..
متمدده ع الفراش مثل الميته مالي القدره ع شي ..

- كلتلهه بصوت ناصي .. ماما شصار ويايه ؟
- بعدين نحجي ، بلبيت
- ليش ، اريد اعرف هسه ؟
- كتلج بعدين نتفاهم

رجعت غمضت عيني وكتلهه .. شوكت نطلع ؟
- شويه ونطلع

اجه بابا ويا اخواني ..
اذكرت وجوهم من انتحرت ميان نفسهه ..
يالله شكو ، شصاير ؟!!

- جود .. يله ماما امشي نروح
- اي هسه

كمت ع كيفي ..
وكفت دخت ردت اوكع ..
لزمت ايد امي بسرعه ..

- تكعدين ؟
- لا ماما عادي امشي

وصلنه للبيت وصعدت لغرفتي ويا ميان ..
نمت بدون ماحس ع نفسي ..
ونسيت امي والسؤال ..

كعدت الصبح احسن ..
نزلت امي وميان كاعدين يتريكون ..
وماكو الباقين بلشغل ..

- صباح الخير
- صباح النور ، تاكلين ؟
- لا مالي نفس

كمت ورحت للصاله وبعدين اجتي ميان ..
احاول اخليهه تحجيلي ماتقبل ..

تخبلت من التفكير ..
فكره توديني وتجيبني ..

رحت جبت موبايلي وفتحت نت ..
شفت رساله من جمانة دازتهه البارحه ..

" هلو حبيبتي شلونج اخبارج ... واليوم ... ولج النتائج اليوم تطلع !!

خررب هسه وكتهه ..
فكرت بدرجاتي ناصيه لو عاليه ..

معدلي ومستقبلي  شنوو ؟؟
فزيت ع عيطة ميان ..

- ماما اليوم راح تطلع النتائج

- اجتي امي .. صدك ؟؟
- ايي ماما ..

- اندارت عليه ميان .. ليليان اليوم راح يتحدد مستقبلج هييي

راحت تحضن امي عبالك اني ناجحه وطالع معدلي عالي ..
باوعت ع امي مثل الضايجه ..
اووف شكو شصاير ..

رحت يمهه لزمت ايدهه وكتلهه ..
- تعاي احجيلي ماما شكو ، شصاير ويايه ؟؟
- ماكدر
-ماما شبيج ماتكولي شكو يعني قابل ؟!!
- نشوف نتيجتج ونحكم
- امري لله

صعدت وانتظر شوكت تطلع النتائج ..
اعصابي ع نار ..

منا اريد اعرف معدلي ..
ومنا اعرف شبيه وليش هيج ديصير ويايه ..

طلعت النتائج بليل ..
جنت ادور واجتني رساله من جمانة..
سكرين شوت لدرجاتي ..

عبالي اكثر طلعن اقل ..
عادي متعودين ع كلشي بلعراق العظيم ..

طلعت معدل ٨١ ..
فرحت لان نجحت رغم الي جان يصير ويايه ..

نزلت بسرعة للصالة ..
شفت بابا ومراد موجودين هم ويا ماما وميان..
يباعون فلم ..

- ماما هاج الموبايل وشفي شبي !!
- مبروك حبيبتي ، ان شاء الله تنقبلين جامعة زينة
- الله يبارك بيج تسلمين

- اجتي ميان وحضتني .. مبروك ، يوم الالي
- ان شاء الله ، ماما يله كوليلي شكوو !!

باوعت ع بابا واندار ..
ضليت اباوع عليهم ..

- حبيبتي ليلو ماريد اخرب عليج فرحتج هسه بعدين نحجي ع الاقل مو اليوم، ماشي ؟؟
- ماما اذا صدك تحبني احجيلي

ياريتني سمعت كلامهه ..
وما سمعت الي كالته الي ..

صعدنه بلغرفه اني وياهه وميان ..
كعدنه وبدت تبجي وميان تحاول تهدئهه ..

- ماما لخاطر الله كوليلي شكو تره مليت
- باعي راح اكولج شكال الدكتور بس مو تضوجين ، الي كاتبه الله هو المقدر بعد ومحد يكدر يغيره
- - ماشي بس احجولي
- ميان .. احنه نحبج هوايه ليليان
- واني هم حبي ، ماما اسمعج

- خلت راسي بحضنهه .. تدرين الدكتور شكال ؟
- شكال ؟
- مداكدر اصدك ، شلون هيج صار وانتي مابيج شي ومامسويه شي غلط
- يمه شكو خوفتيني
- هو ايجوز غلط التحليل ، انعيده الباجر ونتأكد
- يا تحليل ؟!

- كامت تبجي اكثر وتبوس بيه .. ماكدر حته اكولج
- شتكوليلي؟
- تذكرين عمتي شلون ماتت ؟!!
- لا
- ماتت لان جان عدهه سرطان بلدماغ
- مفهمت
- هذا الي راح يصير وياج

- فتحت عيني وكمت بسرعه واصيح .. شلون !! هاي كاعده تحجين ويايه ، اني ، شلون يصير بيه هيج ، ماعندي اعراض ولا اي شي لسرطان انتو اكيد غلطانين ،، لازم تكونون غلطانين اني بعدني صغيره ..

كامت تبجي ميان ويا امي ..
شمرت كلشي اشوفه كبالي ..

اجه بابا ومراد يحجون ..
اختنكت عفتهم وسديت الباب بقوة ..

نزلت جوه ورحت للطرمة ..
كعدت ع المرجوحة بلحديقة مو جبيره ..

اريد اعيط ، غصه بداخلي ..
شلون هيج ، كمت ابجي ..

اني ماستاهل اموت وليش ..
ياربي شنو هذا الامتحان ..

اكيد غلطانين بلتحليل مو معقوله اموت اني ..
ابد ماعندي اعراض شلون طلعت هيج النتيجة ..

تمددت وباوعت للسماء ..
ضليت اباوع ع النجوم واحاول اعدهه ..

كافي شبيه تخبلت ..
شكاعده اسوي بروحي ..

هو الباجر اروح احلل واخلص ..
واكيد راح تطلع النتيجة سلبية ..

🌹🌹🌹

شنو رأيكم ؟؟
غامضة موو 🤔🤔
اعرف 😁
تعتقدون صدك ليليان مريضة وراح تموت ؟😔
احبكم 😘😘