Part 3

10.2K 566 53
                                        

انتظرنه فترة طويلة ..
بعدين يله طلع الدكتور ..
كدروا ينقذوهه ..

امي كامت تبجي من الفرحة ..
والكل فرح ..
حمدت ربي لانها عاشت بفضله ..

شويه وطلعوهه واخذوهه لغرفة..
ضلينه اني وامي يمهه ننتظرهه تكعد ..

خفت عليهه ..
اخاف يتهجمون عليهه بالاسئلة ..
شراح تحجي وتكولهم ..

صحت ميان وامي ضلت تبوس بيهه ..
وتسألهه شلونج وليش هيج سويتي بنتي ..

ضليت اباوع عليهه ..
مثل الي فقدت الاحساس مادري متعوده ع هذا الشي ..

- باوعت عليه وكالتلتي بصوت ناصي .. ليليان !!
- هياني حبيبتي ، شلونج ؟
- بخير ، اريد احجي وياج كلمتين
- اي احجي ..

- اندارت ع امي .. ماما اكدر احجي ويا ليليان بوحدنه ؟ بس دقيقه
- ليش ؟
- شويه بس احجي وياهه ..
- حروح احجي ويا ابوج واخوانج

طلعت امي وتقربت ع ميان ..

- شكو ميمو احجي ؟ شبيج ، ليش هيج سويتي
- ليليان اريدج تساعديني !
- اكيد حبي بس دحجي شكو ؟
- اني مصيبتي جبيره بعدين احجي وياج
- عزه بعينج شمسويه ولج ؟
- ما مسويه شي بس .. بعدين اكلج
- اوك شلون راح اساعدج وشراح تكولين الهم ؟!
- ماعرف ساعديني انتي بلسالفه
- واني شمعرفني خلي افكر

دنحجي وطبوا امي وابويه واخواني ..
اقرب منهه ابويه وحضنهه وهو يعاتبهه ..

- ابتعد عنهه وكال .. فهميني بنتي ليش انتحرتي ؟ احنه مقصرين وياج بشي ؟ شكو ميان احجي حته نساعدج احنه اهلج ..

اخواني يحجون ويا امي يحاولون يفتهمون منهه ..
ضلت تباوع عليه مثل الطفل ينتظر من امه ادافعله ..
تقربت منهه ولزمت ايدهه ..

- عوفوهه تره ميان هسه نجت من الموت وتعبانه نفسياً وجسدياً ،
بعدين نحجي بهلموضوع ،
الي صار صار بعد وجان ميان اتحاسبت ع خطيئتهه واتحملت العذاب ، رجاءاً بعدين نحجي خطيه هيه تعبانه وانتوا هم ..

- حجت امي .. اي عيني بنتي بعدهه مريضه ، بعدين نتفاهم..

بابا صحيح عصبي بس متفاهم ومو متهور ..
يشبه اخويه مراد ويسمعون اكثر شي كلام امي..
ولكن عكس جود ..

جود ، هم رزن بس اذا عصب مايعرف احد ..
هادئ كلش وبعدين تبدي العاصفة ..
وراء كل هدوء عاصفة ..

الكل سكت ، محد حجه شي..
همه يحبوهه مراح يأذوهه بلفعل او الكلام ..

باتت كم يوم بلمستشفى وبعدين طلعناهه للبيت ..
ومر اسبوع وهيه ماحجتلي شي ولا احد فتح وياهه الموضوع ..

اتكضي وكتهه بلغرفه واني اشتغل ويا امي ..
واني حالتي هم نفسهه ..

احجي بين يوم ويوم ويا جمانه  ..
ماردتلي خبر ع حالتي ..

قررت اني احجي ويا ميان ..
بسالفة الانتحار ..

- ميونه تعاي سولفيلي ، ليش حاولتي تنتحرين ؟
- ليلو ..

لزمت ايدي وكامت تبجي ..
اخذتهه لحضني واهدأ بيهه ..

- شبيج حبي ليش تبجين شصاير ؟
- ولج اني حياتي انتهت
- شكو !
- باعي راح احجيلج بس وعديني مراح تكولين لأحد ولا لأمي
- اكيد بس احجي

سكتت ورجعت تبجي ..

- اممم صديقتي سرور
- اي شبيهه
- لو اشوفين شسوت بيه بلمدرسه
- شسوت بس كوليلي غير اطيح حظهه
- هو اني حظي الفكر يا هيه
- ليش ؟

رفعت راسهه وحضتني ..

- تذكرين من اجيت بيوم النتيجه ضايجه
- اي
- سرور اندعمت كبال عيني ليليان
- ماتت !!
- لا اتكسرت بسببي
- شلون بسببج انتي شعليج ؟

- جنت اشاقه وياهه ودفعتهه شويه ليوره بس والله بدون قصد ،
ضلت واكفه بمكانهه ومادري منين طلعت سياره ودعمتهه ،
ولج هيه صديقتي من الابتدائية سوه وهسه ولا كأنو نعرف بعض ،
هيه حته اقرب الي منج ،
هيه اختي فعلاً ،
احساس ماجنت احسه وياج وهسه عافتني اتكولي كله من وراج ،
صحيح وياهه الحق بس اني مو قصدي والله ،
خسارتهه تعني خساره حياتي هيه كلشي اليه ..

كامت تبجي بصوت عالي وبجيت وياهه ..
حضنتهه حيل وتكلي .. والله مو قصدي ..

ضلت تحجي لحد مانامت ..
اطمأنيت عبالي اكو شي ..

بس مو معقوله هذا السبب يخليهه تنتحر ..
احاول بعدين احجي وياهه مره ثانيه ..

كلت من تطلع النتائج وراهه احجي وياهه ..
اريد ارتاح اول شي من السادس العله ..

وراهه جنه كاعدين بيوم بليل ..
متجمعين كلنه نباوع فلم ..

طفت الكهرباء ..
احس همسات حاره بأذني ..

كلبي كام يدك سريع ..
وحرارتي صعدت ..

ماسمع كلام بس صوت عالي ..
احاول اشوف ماكو ضلمه ..

اريد اكوم ماكدر احس نفسي تشنجت ..
طكت روحي وعيطت بأعلى صوتي ..

اجوي عليه وعلكوا الضوه ..
ماحس ع شي اتخربطت اوضاعي ..

التموا عليه ويضربون بيه وماحس ع شي ..
اريد الصوت الي بأذني يروح وارتاح ..

ماعرف وين اخذوني وشوكت و وين ..
هذا جان اتعس يوم بحياتي الي راح يغيرهه ..

ايغيرهه لأسوء مرحلة اعيشها ..
او سيئة لأي شخص يعيشهه مثلي ..

حسيت بيهه حياتي صدك انتهت ..
انتهت وهيه اصلاً منتهيه قبل ..

🎵🎵🎵🎵🎵🎵

انطوني آرائكم ..
احبكم 😘😘
سحر 💎

نغمة سوداء حيث تعيش القصص. اكتشف الآن