Undercover Maid [COMPLETED]

Part 31

WALA sa pinggang pinupunasan ang isip niya kundi sa nangyari kagabi. Naaalala niya kung paano siya napahiya at kung paano niya kamuntikan nang ipagkanulo ang sarili. They were about to kiss again last night. She felt him move to cross the distance between their lips. Ngunit limang segundo na siyang nakapikit ay wala pa rin siyang nararamdaman. She went red to the roots of her hair when she opened her eyes. Tinulugan siya ng loko!

Buti na lang at mabait pa rin sa kanya ang pagkakataon. Hindi niya alam kung saan sila makakarating kung nagkataong hindi ito lasing na lasing. She felt so stupid. Lately, tila hindi na niya hawak ang damdamin niya.

Nang nakaraang mga araw, parati itong wala. Umaga pa lang ay umaalis na ito. Hindi na ito halos kumakain sa bahay at hindi siya nito tinitingnan man lang. At tila ikinabigat iyon ng kanyang loob. Iniiwasan siya ito at alam niyang gawa iyon ng ipinangako nito sa kanya upang hindi siya umalis hanggang sa dumating si Mila. Pero bakit tila nagdaramdam siya?

Tinatablan na rin ba siya sa karisma ng babaerong iyon? Nahawa na ba siya sa kahinaan ng mga artista't modelong babae nito? Natigilan siya. Napakagat-labi nang maisip ang kapatid.

Tulad din marahil iyon ng nadarama ni Larissa para rito. Ngunit hindi siya gaga para sulatan ng pangalan ng lalaki ang dingding ng silid.

Siguro nga ay babae lang siya na humahanga sa pisikal na kaanyuan ng isang lalaki. Jett is undeniably gorgeous. Pero hanggang doon lang iyon. Hanggang doon lang ang kagandahan sa pagkatao nito. Kaya hanggang doon din lang ang damdaming nadarama niya para rito ngayon. It was nothing but mere physical attraction. Hindi lang niya kaagad naramdaman dahil galit siya.

Galit siya kay Jett. Ito pa rin ang demonyong sumira sa buhay ng kanyang kapatid. Hindi niya ito mapapatawad. Kaya dapat ay sinusupil na niya anumang nararamdaman niya para rito.

Pero paano niya pagkakatiwalaan ang sarili ngayon? Kung pagbabasehan ang dalawang beses na halos pagpaparaya niya rito, talo na siya. Now she was starting to hate herself, too.

She was distracted for four days now. At dahil doon ay hindi pa siya nakakaisip ng plan to make him stop womanizing—permanently. Gusto niyang magkaroon ito ng commitment sa iisang babae lang. Oo at hindi na ito nagdadala ng mga babae sa bahay ngayon. Pero alam niyang oras na tuluyang makalimutan ng press ang eskandalo ay babalik uli ito sa nakagawiang pambababae nang sabay-sabay. Anupaman, malabo nang magtagumpay siya sa loob ng may dalawa pang linggong pananatili sa bahay nito.

Bahagyang bumigat ang loob niya sa isiping iyon. Aalis na siya roon sa loob ng ilang araw at hindi na niya ito makikita at makakasama. Ngunit tama lang iyon. She had no other business with him other than the story. There should not be any other reason to get involved with him.

Muntik na niyang mabitiwan ang platong hawak nang biglang sumulpot si Jett sa kusina.

"Sorry sa pang-aabala," pormal na sabi nito sa mahinang tinig. Napatingin siya sa wireless phone na tinatakpan nito ang ibabang bahagi. "Hindi ko matanggihan. Granny wants to speak with you." At iniabot nito sa kanya ang hawak na telepono.

"B-bakit? Hindi n'yo pa rin sinasabi sa kanila ang—"

"Shh!" saway nito dahil bahagyang napalakas ang tinig niya. Itinago nito sa likod ang telepono. "Do you think I don't want to do just that? Ngayon pa lang umaayos ang pakiramdam ng lola ko. Baka kung ano'ng mangyari sa kanya. Actually, ngayon pa lang sinabi ni Mama kay Granny ang akala niyang tungkol sa atin. Kay Papa lang niya sinabi ang tungkol sa iyo last week dahil alam nilang sasama ang loob ni Granny dahil boto ang matanda kay Lindsay. I'm sure they did the telling now to perk her up by knowing I have someone new to marry. So please, answer it." Muli nitong iniabot sa kanya ang telepono.

"Pero baka lalo lang siyang umasang—"

"Ako na'ng bahala doon. For the meantime..." Nakikiusap ang ekspresyon nito. Napipilitang tinanggap niya ang tawag.

"H-hello?"

"Hija! Ikaw ba si Leigh? I'm Jett's granny. Tawagin mo na lang din akong 'Granny.' Nice to meet you, Apo," mabagal ngunit may siglang bungad sa kanya ng matanda.

"Ah... nice to meet you din po... G-Granny," alanganing bati niya at muling napatingala kay Jett. There was something in his eyes as he looked down at her. Pinigil niya ang pamulahan ng pisngi sa titig nito. Umiwas siya ng tingin. Naramdaman na lang niyang humakbang na ito palabas ng kusina.

Nagsimula nang magtanong at magkuwento ang lola ni Jett. Naalala tuloy niya ang lola niya noong nabubuhay pa.

"Oh, I love that grandson of mine. Alam mo bang these past few days, tuwing umaga ay naririto lang iyang batang iyan at inaalagaan ako. At bago iyan umuwi sa bahay niya galing sa laro ay dumadaan pa muna rito. Kahit wala akong sakit ay bihirang hindi ako dalawin niyan kahit ayaw niyang makita ang ama niya dahil parati siyang pinagagalitan," paputul-putol ngunit masayang kuwento ng matanda.

Parang hinaplos ang puso niya sa mga sinabi nito. Ang halimaw niyang amo? Sweet sa lola nito? At base sa mga narinig niya ay mukhang mahal na mahal nito ang abuela. Kagaya ng pagmamahal niya sa sariling lola. Nabigla siya sa natuklasan sa katauhan nito. May maganda rin pala itong side. Doon pala ito sa abuela tumutungo nang mga nakaraang araw na umaalis ito. Inakala pa niya na may pinupuntahan itong bagong babae.

"Please take care of my grandson, Leigh. Alam kong may pagkaloko sa babae ang apo ko but believe me, he is a very loving man. At alam mo ba? Sinabi niyang hindi na siya nambababae ngayon. Nagbabago na daw siya. At hindi iyan nagsasalita sa akin nang hindi niya tinutupad. And when his mother told me about you just today, naisip kong ikaw pala ang dahilan ng pagbabago niyang iyon. You don't know how thankful I am to you for making him a better person. Thank you so much, Apo."

Napamaang siya. Hindi na mambababae si Jett? Alam niyang hindi siya ang dahilan ng pagbabago nito sa romantikong paraan gaya ng sinabi ng lola nito. Marahil ay dahil sa eskandalong. Puwede rin na dahil sa pagkakasakit ng lola nito. Kung anuman ang rason ng pagbabago nito ay hindi na mahalaga sa ngayon. She would dig that up later for her story. Hindi siya makapaniwala. She had accomplished her undercover job successfully.

"Granny, don't worry. I'll take care of him..." Nasabi niya tuloy dahil sa tuwa sa sinabi nito.

"Thank you, Hija. I expect you to visit me... us here on Sunday. Para naman makilala kita at gayundin ng ama ni Jett. Marami pa akong ikukuwento sa 'yo tungkol sa apo ko."

Naglahong bigla ang saya niya. Kailangan na naman nilang magpanggap? Napangiwi siya.