يا ليتني كنت فصلية

البارت 2

البارت 2
اغتصاب شنو ولج
اي اغتصاب شبيج متعرفين الاغتصاب
اعرفة بس شنو الحلو بي وبالفصلية وصدك شنو الفصلية هاي اني سامعة فصيلة الدم بس 😂
اووووف يا دردر شسولفلج على الفصلية هاي السعادة بحد ذاتها
شلون يعني ولج غير تشرح شلعت كلبي
شوفي حبي الفصلية يأخذوها العشاير بالفصول من تصير بين العوائل طلابة ( مشكلة ) يأخذون بنية منهم فصل
اي وين الحلى بالموضوع غير اموت روحي يأخذوني لبيت عدنا وياهم مشكلة هو اذا اكو احد ميحبني ابيت ما اطبله
اي مو واكعة بيدج تصيرين فصلية ياريت اني اروح
شبيج صدك تحجين
شوفي طلعنا احنا منعرف شلون تعيش الفصلية
شلون بلة 🤔
تعيش مدللة عيني
جذذب
اي والله
دسولفلي عفية
لج دك الجرس راح تجس سة نضال الحقنة بعدين اكلج
شوكت لج هذا اخر درس
معليج اكلج والله
( وياريت ملحيت )
خلص الدرس واني الفضول موتني اريد اعرف
ها ولج احجي
مو عندج فيس
اي عندي اكو فصليات بالفيس ( تعالوا لو صدك الفلصيات مدللات ليش من نشوف فصلية وافتخر   فصلية شيخ الشيوخ   فصلية وبكيفي )
لا ولج ادخلي على الكاتبة **************** ( تشفير مابيه حيل ينغلق حسابي مثل هذاك ) واقري قصتها فصلية *****
اليوم اقرة واشوف
اي ولج شوفي القهر
رجعت للبيت تغديت ودخلت لغرفتي بالمناسبة عندي اخ واحد خلص جامعة ويدور على الشغل واني بصف ثالث متوسط
امي تشتغل خياطة وابوية موظف بشركة الكهرباء
دخلت على الفيس وبحث عن الكاتبة ودخلت صورة شيخ يخبل وبنية منفوخ حلكها وعيونها ساحرة شفت الاعجابات والتعليقات بالالف صدك هاي ليش ما ادري اني حرامات وعود فرحانة متابعة اخبار الفنانين الاتراك
بديت اقرة
البارت الاول
هلاووو اسمي نور عمري 16 سنة
كلت هلة اسمي درة 15 سنة
كملت بيضة وشعري طويل وغيوني عسلي
اني هم بيضة وعيوني بيهن لون والله شوية مو كلش سود
وشعري نص بي مجال 😍
اقرة واقارن الى ان وصلت الى اخو نور يسوي حادث ويموت اخو الشيخ وتروح نور فصلية ( طبعا هم يدكون ويلطمون اول)
تروح وتأخذ ملابسها وتطب بالعباية وتاكل شكم كفخة وجلاق
وبيها تأكل ترافيل ودولمة
ويشتغل الدلال مال شيخ حتى يشد عكالة وتركصلة ويأخذها لاربيل يونسها واني اقرة ومتخبلة معقولة 😳
بقيت كاعدة من ل2 ل8 بليل ممتحركة الا مخلص الشحن
اريد اقرة اسوي واجباتي ما اكدر كل بالي بالشيخ وعطرة
وعيونة الحادة ودشداشة الجوزية وحزامة والمسدس
وبالضرب والسحل ياربي اصير فصلية يارب
ثاني يوم شفت زينب ولج شنو هاي ما اصدك ياخبيثة ليش مكتلي من البداية 😒
لج والله صدفة وشفت القصص وبقيت اقرة وارجع ليورة
( صدك ليقرة هل القصص يرجع ليورة اخلاقيا )
بس شنو يا زنوبة تخبلت على الشيوخ معقولة اكو هيج
ياربي اصير فصلية
اني هم يارب 😍
(تصويت البارت)