#مذكرات_مراهقة
للكاتبة ميار الشمري
الجزء الثالث
نور ،،،،بلش الدوام وعجزت ادور على خط حمودي اخوية كالي اني ادورلج على خط ورة يومين ويجيني حمودي لكتلج خط توب
وجيرانة ووياج بنات هم من المعهد 2 بس رابع وترحون وتجون سوة
نور ،،،جيرانة منو ؟؟ مفهمت
حمودي،،،ياسر ابن ابو ياسر
نور ،،،،لدكولي المطيرجي الي مكابل السطوح وكاعد؟؟؟
حمودي،،،اي ياسر ترك من المدرسة لان صار 3 سنين بالسادس ومينجح راح يشتغل خط بسيارة ابوه والولد صديقي واني اعرفة وراح نأمن عليجن وياه
نور ،،،سكتت بس بداخلي خفت ياربي شكد اكرهة وماارتاحلة
وفعلا كمنا نروح ونجي وياه جان طول الطريق ميرفع عينة عني وينزل البنات ويوصلني اخر شي لان يم بيتة يظل يذب حجي بس جنت ماارد ابد ولابستة جان حتى الكروة مياخذها مني والبنات انتبهن عليه واكثر من مرة يكولولي ميشيل عينة عنج وبيوم الي مداومين يظل يسأل عليج ومهتم بيج
لبست الوضع كلة وجنت مركزة بدراستي
انور ،،،فتح محل موبايلات واجهزة الكترونية لانه ايس من التعين
جان رومانسي انور ودائما يسوي لخطيبتة حفلات ومفاجأت وعلاقتهم حلوة كلش تمنيت لو بيوم من الايام اعيش قصة حب مثلهم
تعاملة وياها كلامة ودلعة الها واهتمامة جان انور يختلف عن اخوتي الباقين
طبعا بهل فترة كثرت جيات صلاح علينا وانور هم بيوم الي ميمرلة صلاح للمحل او للبيت يروحلهم هو ويبقى يتعشى ويتعلل يمهم
خلصت الثاني ونجحت للثالث مهعد وتخرج صلاح طبية وعمي ذبحلة وسولة عزيمة جبيرة جمعوا كل اقاربنة بيها
جانوا بيت عمي عكسنا 3 بنات وصلاح الوحيد الهم واصغرهم البنات الجبيرة استاذة جامعية متزوجة ببغداد والاثنين الباقيات متزوجات بالخارج
جانوا بيت عمي شايفي وممصدكين لانه الوحيد واجاهم على 3 بنات والنوبة طبيب فجنت اسمع دائما بنات اقاربنا يكولون صح هنيالها الي تاخذة بس الله يعينها على خالتي امة لان متعلقة بي كلش
المهم بيوم العزيمة جنة كليتنا كاعدين بالغرفة البنات ودنسولف
فأخت صلاح نادتني حتى اساعدها استغربت ليش اني من دون البنات كمت ورحت وراها دخلنا للمطبخ وجان كلشي كامل وكفت يمها مااعرف شأسوي بلشت دردش وياية طبعا هية جانت كلش جدية معروف عنها مو اجتماعية كلش
جانت تسألني عن دراستي وشنو راح اختص جنت احجي على قدر السؤال حسيت اكو شخص بظهري وهي كل مترفع راسها تبتسم ودنك اني ملتفتت بس ارتبكت
صلاح ،،،هلا نورة شونج
نور ،،،جفلت ورجعت ليورة
صلاح ،،،اسم الله الرحمن خوفتج شنو ههههه
نور ،،،صار وجهي احمر وضحكنا سلم علية وجان راح ياكلني بنظراتة باركتلة على التخرج
وسألني عن دراستي وظل واكف شوي
كالت اختة صابرين بمكر تريد شي صلاح
صلاح ،،،ها اي همس اريد مي اشرب
صابرين ضحكت ايدي دسمة نورة بلا امر عليج
نورة ،،،اي عادي باوعت يمين يسار شفت كلاص على الكاونتر ويمة دولكة المي صبيت
صابرين ،،،لا حبي مو هذا ....قاطعها صلاح لا اوك ماكو اشكال اخذ الكلاص وكلي يسلمو وطلع
صابرين ،،،ضحكت من كل كلبها بس مجنت اعرف شبيهم وليش تضحك
صابرين ،،،جان صلاح موسوس بطريقة فضيعة بحيث ادواتة الخاصة كوبة خاشوكتة خاصات ومياكل ولا يشرب بغيرها فجنت اريد انبه نور شو هو كال ماكو اشكال ضحكت لان اخذ الكوب وطلع اعرف بي ماراح يشربة
صلاح،،،حسيت روحي ردتلي من شفتها شمرت ال صدقة للزيتوني الي راح ياخذ منج حتة على كولة المصريين جنت احب اشوفها كدامي مااعرف ليش واحس من اشوفها كلبي يدك بسرعة شي ماصار وياي سابقا ابد اني طبعا ماحبيت ولا عشت اي تجربة سابقا
صح الي زميلات وصديقات دفعة وعلاقتنة كلش حلوة كزمالة او صداقة اقرب للأخوة لكن ماجربت ادخل بأي علاقة حبيت الي ارتبط بيها فد يوم اجرب اي احساس حلو بالدنيا وياها جنت اتمنى ارتبط ببنت تشبهني بنفس نظافة القلب والتفكير حسيت نور تشبهني كلها براءة وطيبة وكأنها طفلة وهذا الشي الي شدني الها اضافة الى انها بنت عمي واجمل بنت التقيها بحياتي
طبعا اني الي طلبت من صابرين تجيبها على جهة وحرامات مجنت حاب اطلع من المطبخ بس مكدر نفسي متتقبل اشرب بكوب شرب منة اي شخص غيري
او بغير كوبي فطلعت حتى اطشة لأن مردت افشلها لنورة من بعد ماصبتة
نور،،،مجنت اعرف شأساعدهم كاموا ياخذون الاكل للديوانية وانور وصلاح وحمودي صلاح كل شوية تجي عيني بعينة جان حباب وطيوب ومو متكبر وشايف نفسة مثل ماجنت ماخذة عنة فكرة
بيومها جان الاهتمام بية من بيت عمي غير وخالتي ام صلاح صح حبابة كلش وتحبني بس بيومها مارفعت عينها عني وكل شوي تبوسني وتمدحني
مرت الايام وكثرت جيات بيت عمي علينا جنت سابقا من يجونا شنو لابسة سواء تراكسود او برمودة او حتى دشداشة استقبلهم عادي لزوجة عمي بيها
امي كامت من يجون دكلي نويرة كومي غيري ملابسج وهدي شعرج اكول شنو القصة هو منو جايينا هو بيت عمي
مجنت اعرف عمي مفاتح اهلنا بموضوعنا اني وصلاح
كمنة بكل مناسبة بالاعياد وغيرها
نلتقي اني وصلاح ونسلم عادي ونتبادل النظرات
بفترتها تغيروا بنات عماتي علية وبعد ميحجون كدامي اي شي وخاصة عن صلاح او عن بيت عمي
بلش الدوام الثالث ورجع حمودي اجرلي نفس المطيرجي شكد حجيت وياه نشوف غيرة بس مجنة نلاكي ولان جيرانة جانوا مرتاحيلة لان يعرفوه
ظل ياسر بنظراتة وازعاجاتة واطور كام كل ميوصلني للبيت يشمرلي رقمة واعوفة وانزل لو يحاجيني مااردلة والمصيبة جان الكل يحلف براسة وخاصة حمودي وجنت كل مندور على خط منلكة
قرب زواج انور وبلشنا نجهز اله
وجان كل فترة يجي صلاح يتعلل يمنا او يتعشى حئيت نفسي كمت احب اشوفة او اسمع صوتة واحب نظراتة الي كمت من اشوفة يدك كلبي
ومرة من المرات طلعت امي ومرت اخوية لسوك يشترون نواعم للعرس وظلينا اني حمودي بالبيت كاموا كل شوي اصدقائة يدكون عليه الباب كلي نور اني راح العب طوبة مع الولد كدام بيتنا واهلنا على جية هسة
نور ،،،يلا ماشي روح راح اسد الباب
راح حمودي وكعدت اشوف مسلسل تركي بالتلفزيون صارت الدنيا مغرب واهلنا مااجوي ولا حمودي بين
اندك الباب ومسمعتة جنت على التلفزيون كاعدة بدأ يندك الجرس صحت من ورة الباب منو !!!
صلاح ،،،اني نور شلونكم
نور ،،،تلبكت همست هلا صلاح شلونك
صلاح،،،الحمدلله عيني اسأل عنج وين الولد
نور،،،صلاح مكدر افتح الباب اهلي مو هنا
صلاح،،،شلون ؟؟ وينهم ليش وشلون يتركوج وحدج بالبيت
نور،،،بابا بالجامع يصلي وانور اخذ ماما وام فاطمة والجهال للسوك
صلاح ،،،رجعت ليورة زين وحمودي وين ؟؟
نور ،،،جان هنا بس دزوا عليه يلعب طوبة وكال اني هنا العب كدام البيت مااتأخر
صلاح ،،،رجعت وكفت يم السيارة واباوع يمنى ويسرى ماكو احد يلعب طوبة ولا امبين حمودي ضجت وصرت اعصاب على غباءة وشلون يعوف اختة بوحدها بالبيت همست اني راح اكعد بالسيارة انتظر احد يجي واروح طبي نورة لتخافين
نورة ،،،ابتسمت وحسيت بالامان من كلامة همست لاعادي مااخاف
صلاح،،،عفية بالوردة رحت وكعدت بالسيارة كمت اتصل بحمودي مغلق اتصلت بأنور وكتلة هسة تجي للبيت بسرعة
انور،،،،احنا بالطريق جايين خوماكو شي ؟؟
صلاح ،،،لا ماكو شي تعال ونحجي بعد شوي اجوي وطبينا بالحديقة كعدنا انور شبيك عاقد الحاجبين يمعود
صلاح ميصير انور شلون تعوفون اختكم بوحدها بالبيت
ام نور،،،،هذا حمودي فطير ميجوز من سوالفة بس يجي اليوم اعلمة
نور ،،،جنت لابسة دشداشة نص ردن رحت لبست حجاب الصلاة وطلعتلهم مي
صلاح ،،،جان ضايج بيومها ومو على عوايدة راد يروح وجلب بي انور الا يظل على العشة شكد تمنيتة يظل وفعلا الله هداه وظل على العشة
بيومها جنتنا اكلت راسي وهية تبسمرلي على صلاح واهتمامة وشلون ضاج لأن شافني وحدي بالبيت وكالت اكو آنة بالموضوع
نور ،،،والله ماكو شي ولج يلا خلي نلحك نسوي عشة
طلعت اساعد امي برة كدام الحديقة جانت دتشوي كباب وتحجيلي شنو اشتروا وشنو بعدلهم نقص وبعدين حجتلي شلون عاتبهم صلاح لأن تركوني بوحدي لمحتلي امي على صلاح وسألتني شنو رأئي بي وكالتلي هو رايدني فرحت بداخلي كلش
بهالحجي ويطلعون صلاح وانور يتمشون بالحديقة ويبسبسون اتصلت خطيبة انور وانور دخل جوة يحاجيها وصلاح تقدم وكعد يمنا
نور،،،بعد مااكدر ارفع عيني بعينة من سمعت حجي امي
دكت خالتي على امي وبعدت عنا شوي دتحجي بالتلفون ووصتني على الكباب
صلاح ،،،همست ديري بالج دوسين سياخ الكباب وهية حارة
نور ،،،باوعتلة وكتلة لتوصي حريص
صلاح ،،،تعبني خوفي عليج مااعرف يمكن نهايتي على ايدج
نور،،،اسم الله عليك ليش هيج تحجي
صلاح ،،،فدوة ديري بالج على نفسج والله اخاف عليج اكثر من روحي
نور،،،كمت ارجف واني اسمع هالحجي منة ارتبكت
صلاح دنكت نور وصار وجهة احمر همست نور اني اريد اتقدملج رسمي بس اريد اعرف شعورج تجاهي تحبيني مثل مااحبج
نور،،،اثوليت من هالحجي يمة كلبي راح يوكف جان اشيل سيخ الكباب هو وحار بأيدي وشمرتة كبل بالصينية
صلاح ،،،يبوو شاطت روحي احتركتي نور وكف وتقدم علية
اجتي امي واني اهمسلة مابية شي والله ماكو شي
وللقصة بقية ،،،،،،
