يا ميمتي اجري لياااااا شفت بقلاااااااوة تقطر بالعسل اسمر شحرو مارون وعينيه خضورا مديهم على امو باين سبورتيف و طويل الله يبارك على حتشيبي ههههه 😂😂 كان قاعد و باين متوتر و ماش راضي كان كل شوية يتافف و يرعش في رجلو
مديلتهم القهوة مي هوا مشربش يماه قاتلي ارواحي قدامي وهي خطرا تبوس و خطرة تكبر و تمجد و تمدح فزيني عجبتني ناس ملاح حتى نسمع سي كمال يقول لبابا: سي محمد نتا علبالك بالي اكرم هوا ولدي الكبير و ما عندي غير هوا و اختو الي تزوجت ففرنسا و مقدرتش تحضر .. اليوم جيناكم بالحسب و النسب طالبين يد بنتكم لولدي اكرم
هوا غير قال هكداك حتا نشوف وجه اكرم زاد تكبس و زير على بونيتو
نطق بابا : و حنا نتشرفو بنسبكم سي كمال الطفلة بنتكم
سي كمال : الوغ نقراو الفاتحة على نية التيسير
قراو الفاتحة اومبعد قال سي كمال :انا ما دابيا العرس بعد شهر
بابا : نحنا تحت امرك
تا سامية(تلعب فيها😡):وه ما يكفيناش الوقت باه نحضرو للعرس
تا نجاة(امو): ما تقلقيش مرت وليدي نشاالله فسمانة توجد من كلش بلى متخمي
بابا: همال نتوكلوا على ربي
سي كمال :ونعم الاتكال
زادو قعدو شويا اومبعد راحوا و انا مصدومة حبين يتخلصو مني فيسع رحت لشمبرتي و اطرشقت بالبكا غايضتني روحي و زهري لي ملقيتو فحتى واحد .....
أنت تقرأ
💙 أحلامي 💙(باللهجة الجزائرية)😍
Romanceهي قصة حب من نوع جديد فيها غيرة قسوة حنانة وجيعة ....
