قطة حطمت اسوارى

اتفاق الافاعى - 13

....قصــه....( قطــــه حطمــــت اســـــوارى )....

اسئلة كثيرة تدور فى العقول عن سبب زيارة حامد وعائلته وخصوصا خطوبة هانى المفاجئة

اجتمعوا على الافطاريتحدثون فى امور عادية حتى قال فاروق
فاروق:جهزتى اوضة الضيفة ياام عماد
فاطمة :جاهزة يا حج مع انى مش عارفة ايه حكاية العروسة اللى ظهرت فجاة كدة
جاسر:هى غريبة الحكاية دى عمره ماقال انه عايز يتجوز ولا بيحب ولا حاجة
فاروق:قلبى مش مطمئن حاسس ان الحكاية فيها ان على العموم هما قربوا يوصلوا ساعتها هنعرف كل حاجة
بعد قرابة الساعتين وصل حامد وعائلته وكانت نظراته لجاسر وسلمى نظرات غير مريحة
فاروق:اومال فين هانى وخطيبته ياحامد
حامد بخبث:على وصول يا حج
جاسر:بس غريبة يعنى هانى يخطب فجاة كده ......هى مين ياعمى
حامد:لالا دى مفاجاة بالذات ليك انت ياجاسر
جاسر:ههههه اشمعنى
حامد:دلوقتى هتعرف
امسكت سلمى بذراعه :جاسر عايزاك بره
جاسر:حاضر........طيب عن اذنكم ياجماعة
امسك بيدها وخرج الى الحديقة امام عيون حامد وزوجته وابنته جاسمين التى كانت تنهش الغيرة قلبها عندما رات سلمى هى كانت تعرف انه تزوج ولكن كان باعتقادها انها ليست بجمالها ولكنها كانت اجمل بكثير
جاسر:ايه ياحبيبتى فى ايه
سلمى:اناعرفت هانى خطب مين
جاسر:عرفتى ازاى
سلمى:من كلام عمك اما قال هتبقى مفاجاة ليك انت بالذات
جاسر:قصدك مين؟
سلمى:قصدى جودى
جاسر:ايه ....لالا معقول طيب ازاى وليه
سلمى :مش عارفة دى احساسى
جاسر:حتى لو هتفرق فى ايه ياحبيبتى الطيور على اشكالها تقع وهما عاملين زى بعض
بعد قليل حضر هانى ومعه .......جودى
هانى :ازيكم ياجماعة وحشتونى
نظر اليه الكل بصدمة عندما راو جودى معه
فاروق:مين دى ياهانى
هانى:اقدملكم جودى خطيبتى
حازم:مش جودى دى ......
هانى:قصدك كانت خطيبة جاسر مش كده .....بس دلوقتى بقت خطيبتى اومال فين جاسر
اتاه صوت جاسر من خلفه :انا اهو يا هانى
التف اليه رائه مع سلمى يدخلان من الحديقة
هانى:حبيبى يا جاسر.........يا جماعة انا جاى النهاردة عشان اعتذر لجاسر وسلمى عن كلامى معاهم اخر مرة واسلوبى مع سلمى واتمنى انها تسامحنى ....وجودى كمان جاية تعتذر ليكم عن اللى حصل قبل كده ......ها قبلتم اعتذارى
نظر اليه الجميع مندهشين من حديثه الذى لايعقل
فاروق:ايه رايك يا جاسر
نظر جاسر لسلمى :والله انا اللى يهمنى انه يعتذر لمراتى على عمله وقاله قبل كده
هانى:وانا موافق
اقترب من سلمى :انا اسف يا سلمى انا عارف انى زودتها معاكى اوى انا اسف
مد يده ليسلم عليها امسك جاسر بيده:معلش مش بحب حد يسلم عليها بايده
هانى :حقك ياسيدى .......انا اسف يا سلمى
سلمى:خلاص يا هانى حصل خير
جودى:وانا كمان يا جماعة بعتذر عن اى سوء تفاهم حصل قبل كده
فاروق:خلاص يا ولاد .....حصل خير
ام عماد شوفى حد يطلع حاجة جودة فى اوضتها
جودى بغيظ"اسمى جودى يا عمو مش جودة
فاروق:ماشى يا ستى ......ماشى يا جودة
ضحكوا جميعا وهى تنظر لهم بغيظ نظرلها هانى لتصمت
كانت حنين تجلس دائما حزينة صامتة لاتتحدث الا بالقليل راتها سالى اقتربت منها وجلست بجوارها
مالك يا نونو \
حنين:ابدا يا حبيبتى مفيش حاجة
سالى :لاوالله عنيكى مدمعة .....فى ايه
ادمعت عينيها :ولا حاجة ابدا
وجدتها تمسك رسالة صغيرة قديمة من خطيبها الاول يهنيها بعيد ميلادها
سالى :انتى لسه بتحبيه يا حنين
حنين:لاابدا والله.......بس كانت اخر رسالة بعيد ميلادى من اى حد
سالى:اه صحيح ده عيد ميلادك بكره .......كل سنة وانتى طيبة
حنين:وانتى طيبة يا حبيبتى
فكرت قليلا :طيب هعمل حاجة وارجعلك على طول
قامت تجرى سريعا تبحث عن سلمى تقابلت مع جودى
جودى:هااى سالى ازيك
سالى :اهلا الحمد لله
جودى:ايه هتمشى وتسيبنى كده
سالى:ايه يعنى المطلوب
جودى:ايه ده ايه ده ايه الاسلوب الجديد ده اتغيرتى كده ليه معايا
سالى :وهتغير ليه .....كفاية اللى حصل
جودى بخبث:اه صحيح سمعت ان جاسر بهدلك مش كده برضه
سالى:اخويا وحبيبى وخايف على مصلحتى مش زى غيرى مش لاقية حد يلمها .........عن اذنك
سلمى يا سلمى
سلمى:ايه يا بنتى مسروعة ليه
سالى:تعالى عاوزاكى فى حاجة مهمة بعيد عن الناس
دخلت معها غرفتها :فى ايه يا بنتى مالك
سالى:بصى يا ستى .....بكره عيد ميلاد حنين ......وبصراحة صعبانة عليا اوى وهى بتعيط وحزينة ان محدش افتكر عيد ميلادها وانا نفسى افرحها
سلمى:حبيبتى ربنا يخليكوا لبعض ......بس هو بكرة بكرة
سالى:اومال بكره بتاع امبارح
سلمى:بطلى غلبة .........بصى مشفوتيش حازم
سالى:اه كان تحت من شوية ليه
سلمى:هقولك بعدين
خرجت تبحث عنه وجدته مع العمال يتحدث معهم راها صرف العمال وجاء اليها
ايه يا سلمى واقفة كده ليه
سلمى:عايزة منك حاجة وانت الوحيد اللى تقدر تعملها عشان انت عايش هنا
حازم:خير تحت امرك
سلمى :هقولك
كان جاسر يجلس مع عمه فاروق يمضى بعض الاوراق ويتحدثون فى امور العمل خرج يبحث عنها لم يجدها اتاه هانى
ايه واقف كده ليه بتدور على حاجة
جاسر:اه سلمى مشوفتهاش
هانى:اه كانت مع حازم من شوية
التف اليه بغضب :نعم واقفة مع مين
هانى:بقولك مع حازم كانوا بيضحكوا جامد مش عارف ليه
تركه وبحث عنها وجدها تاتى من بعيد مبتسمة :انتى كنتى فين
سلمى :ابدا بتمشى
جاسر:مع حازم
سلمى:لا عادى قابلته فى الجنينة فى حاجة
جاسر:ولا حاجة بس انا مش بحب كده يا سلمى
سلمى:يعنى ايه
جاسر:يعنى متقفيش مع حازم والضحك والهزار ده مش عندى
سلمى:ايه يا جاسر انا لو كلمت حازم بيبقى اودامك مش من وراك
جاسر:ودلوقتى كان اودامى ووافقين تضحكوا وتهزرو مع بعض
ارتبكت سلمى:عادى يا جاسر كنت بساله على حاجة
تركته وصعدت غرفتها وبعد قليل صعد الغرفة وجدها تتحدث فى الهاتف ثم اغلقت عندما راته
جاسر:فى ايه قفلتى ليه
سلمى:ابدا كنت بكلم دانية
جاسر:انتى متاكدة
سلمى:ايه يا جاسر هو فى ايه
جاسر:سلمى .......انا
سلمى:انت ايه
جاسر :ولا حاجة

اندهشت من تصرفاته الغريبة واليوم التالى استئذنت منه ان تخرج مع سالى الى المنصورة اراد ان يذهب معها رفضت واصرت ان تذهب بمفردها ركبت سيارة سالى وبعدها بقليل خرج حازم خلفهم مما زاد تفكيره انه يوجد شئ غريب بينهم ولكن كيف وسالى تخرج معها وقف هانى بجواره:هى ايه الحكاية
جاسر:حكاية ايه
هانى:يعنى سلمى خرجت وبعدها بشوية حازم هو فى حاجة
جاسر:لاابدا هى رايحة تشترى حاجات مع سالى
هانى:اه وحازم خرج وراهم ليه......مش غريبة شوية عن اذنك يا جاسر ......خلى بالك من مراتك يا جاسر سلام
تركه فى حيرة شديدة تكاد تفتك بعقله ظل هكذا حتى غربت الشمس واتوا سويا
كان جاسر فى غرفته يدخن سجائره بشراسة دخلت سلمى اختنقت من رائحة الدخان حتى انها سعلت بشدة
ايه ده يا جاسر حرام عليك افتح الشباك ده الريحة صعبة اوى
فتحت النافذة ليدخل الهواء ليحل محل دخان السجائر اعتدل فى جلسته ينظر اليها بتفحص :كنتى فين
سلمى:ماانا قلتلك كنت مع سالى بنشترى حاجات
جاسر:حاجات ايه وهى فين الحاجة دى
سلمى :ايه اه ماانا ملقتش حاجة عجبتنى فرجعنا
جاسر:كل المدة دى ملقتيش حاجة تعجبك
سلمى :اه اعمل ايه بقى عن اذنك هدخل اخد دش
تركته فى حيرته حتى انتهت ونزلوا سويا انشغل الجميع بالاحاديث الجانبية اما حنين كانت حزينة صامتة كانت بهيرة تنظر اليها وقلبها ينفطر عليها حزنا والما
اشارت سلمى لسالى وخرجا واحدة تلو الاخرى واختفوا مدة
جاسمين:اومال فين سالى يا طنط
بهيرة:مش عارفة والله كانت هنا دلوقتى
هانى:اه وسلمى وحازم كمان اختفوا ......روحوا فين ونظر لجاسر نظرة ذات مغزى معين
حاول جاسر ان يخرج وجد باب الحديقة مغلق من الخارج
ايه ده الباب مقفول ليه
فاروق:من امتى الباب بيتقفل
جاسر:اهوو مقفول
حاول كثيرا ان يفتحه وجد سالى تاتى من بعيد لتفتحه
جاسر:ايه من قفل الباب
سالى :ههههه انا ولوسمحتوا كلكم تتفضلوا بره فى الجنينة
جاسر:ليه فى ايه
سالى :مفيش كلام الكل يخرج وحالا
حنين:طيب معلش مليش فى الجو ده انا داخلة انام
اسرعت اليها تدفعها بالكرسى :ده انتى بالذات مش هتدخلى اومال لبسة الفستان الحلو ده ليه
فاروق:ما تفهمينى يا بت يااروبة انتى فى ايه
سالى:مفيش كلام الكل يطلع بره وفورا
خرج الجميع مندهشين وكانت الحديقة مطفئاة الانوار حتى قالت سالى:افتح يا سمسم
انتفتحت الانوار وارتفعت اصوات الموسيقى العالية ونزلت صورة كبيرة لحنين من فوق البيت واصدقاء سلمى يرقصون حولهم حتى حملوا حنين بالكرسى يرقصون بها وسلمى تظهر فجاة وضعوا حنين فوق احد الخيول وتورتة كبيرة بها صورة حنين وضعت امامهم
حتى اتت سلمى تغنى لها وهى تمسك برباط الخيل
happy birthday to you

انزل يا جميل في الساحة
و اتمختر كدا بالراحة
ا نا اقد عينيك مع ا ني
نظرت عنيك د باحة

مالك طالع بالعالي
يا مالي قلبي ليالي

امرك يا جميل

happy birthday to you

يا وعدي على الايام دي
من غير ما نحس تعدي
تاخد اكتر ما بتدي
و انا و يا الايام وحدي
يا قمر الليل
يا قمر الليل الوردي
شاور للنجمة تهاد
امرك يا جميل

ياربيع الحلم الاخضر
ان كان عالصبر رح اصبر
هات ايديك و افتح قلبك
الدنيا حتسهر جنبك
يا بحر ملوش
يا بحر ملوش نهاية
قلبي ملاح و حكاية
سنة حلوة يا جميل
سعادة وفرحة تملكت الجميع خصوصا حنين التى بكت بشدة وبهيرة تنظر اليه وتبكى بفرحة
ظلوا يرقصون على نغمات الموسيقى وسلمى تغنى لها وجاسر ينظر اليها بحب وعرف الان انه ظلمها عندما رائها مع حازم وعلم الان اين كانت
كانت تغنى لها وجدت جاسر يضمها ويقبل جبينها تحت نظرات هانى وجودى الحاقدة وفرحة فاروق وبهيرة
كانت مفاجاة للجميع وفرحة لاتوصف ظلوا هكذا مدة طويلة حتى جلس الجميع يتناولون التورتة وفرقة سلمى كانت تشاركهم الفرحة واصر فاروق ان يقيموا اللية عندهم احتفاءا منه على ما فعلوه لحنين وفرحة عينيها التى افتقدتها من زمن
صعد الجميع الى النوم دخل جاسر وسلمى غرفتهم امسك بيدها يقبلها:انا اسف
سلمى:على ايه يا حبيبى
جاسر:اقولك ولا هتزعلى منى ونرجع نتخاصم تانى وانا بصراحة مش حمل زعلك منى
سلمى:جاسر فى ايه قلقتنى بجد
جاسر:بصراحة .......انا كنت فاكر ان فى حاجة بينك وبين حازم ......سلمى انا اسف
نظرت اليه مصدومة :انا يا جاسر
جاسر:حقك عليا حبيبتى غصب عنى والله سامحينى الغيرة كانت مسيطرة عليا بدرجة صعبة اوى خصوصا انى عرفت انه كان متقدملك قبل كده
سلمى:ويعنى ايه ما كتير بيقتدموا ويترفضوا يبقى اى واحد يشك ان مراته كانت لها علاقة باللى هى رفضته يا جاسر
التفت تبكى التف امامه يمسح دموعها :حقك عليا بس احنا مفيش زعل عشان خاطرى يا سلمى
نظرت اليه:يا جاسر انا عايزاك تعرف حاجة واحدة بس ...
جاسر:اللى هيا ايه
سلمى:انى ........انا بحبك انت وطول عمرى ما فكرتش انى احب غير لما شفتك اول مرة حسيت انى مشدودة ليك ليه معرفش غصب عنى كنت بفكر فيك ولما تجوزنا ومع انه كان غصب عنى كنت فرحانة انى هبقى معاك ......ولو كنت عايزة حازم زى انت ما بتقول كنت طلبت منه الفلوس عشان اخلص الديون ومضطرش انى اتجوزك بس انا ......كنت مبسوطة وانا معاك
كان يستمع اليها مندهشا فرحا من حديثها امسك بيدها يقبلها ثم حملها على السرير وجلس بجوارها :
انا بحبك اوى يا سلمى بحبك لدرجة انى بخاف حد يكلمك ولا يبصلك انا عمرى ما عرفت الحب غير معاكى والحمد لله فى الحلال مراتى وحبيبتى وام ولادى ان شاء الله بس بصراحة كده انا مش هقدراصبر لحد ما نجهز الشقة
سلمى:يعنى ايه
نام بجوارها يضمها:يعنى اول ما نرجع مصر هتبقى مراتى بجد خلاص هتعترضى تانى
نامت على صدره :لا مش هعترض تانى يا حبيبى

مر يومان لايذكر فيهم اى شئ جديد الا وفجاة تنزل سالى من غرفتها يلتف الجميع اليها وهى ترتدى الحجاب وملابس محجبات محتمشة وانيقة نظروا اليها بفرحة خصوصا جاسر امسك بيدها يدور بها:ايه الحلاوة دى
سالى:حلو كده ياابيه
جاسر:بسم الله ما شاء الله يا حبيبتى زى القمر وشك منور بالحجاب
قبل جبينها:ربنا يبارك فيكى
جودى:ايه ده انتى لسه صغيرة على اللبس ده
فاروق:صغيرة ايه دى عروسة زى القمر وبحجابها بقت احلى واجمل
وضعت سالى يدها حول فاروق:يعنى انا كنت وحشة يا عمو
فاروق:يا حبيبة عمو عمرك زى القمر بس الحجاب واللبس الحلو ده خلاكى احلى واحلى زى حنين كده
جاسمين:يعنى انا وحشة يا عمو
فاروق:لايا حبيبتى مش وحشة ولا حاجة بس الحجاب اللى ربنا كتبه سبحان الله بينور الوش وتحسى بالراحة
جاسر:عند حق يا عمى ....بس ايه اللى خلاكى تلبيسه
سالى :انا من زمان عايزة البسه .....بس بقى مرات اخويا حبيبى خدتنى وجبنا الهدوم دى
اتاه صوت سلمى من اعلى :ايه رايكم بقى
نزلت السلم ووقفت بجوار جاسر وضع يده حول خصرها :حبيبتى متعملش غير الحلو وبس
اتاهم صوت من الخارج:عليا النعمة انت منافق
جاسر:فريد ياابن الايه
فريد:متغلطش احسنلك ....حج فاروق ياحبيبى
فاروق:واد يا فريد ازيك وحشنى ووحشتنى طولة لسانك \
فريد:طيب ليه كده ده انت حبيبى هتيسحلى اودام البشر دول
لفت نظره سالى بحجابها اقترب منها:ايه ده ايه الجمال ده
ابتسمت بخجل فنكزه جاسر:ماتتلم ده انا واقف
نظر اليها باعجاب :لابجد الله اكبر عليكى يا سالى مبروك
سالى:الله يبارك فيك يافريد
ظل ينظر اليها فجذبه جاسر:بقولك ايه تعالى عاوزك
دخلاسويا المكتب يتحدثون فى العمل وكان فريد شاردا حتى اتاه صوت جاسر:مالك يا عمونا فى ايه
فريد:جاسرانا طالب القرب منك
جاسر:نعم مالك يا بنى فى ايه
فريد:ايه عايز اتجوز
جاسر:مين
فريد:سالى اختك
جاسر:نعم وده من امتى ان شاء الله
قام ووقف بجواره :من زمان والله بس بصراحة مكنش عاجبنى طريقة لبسها ومكنش ينفع اقولك ولا حتى اقولها وانا مليش اتكلم بس بصراحة اما شفتها دلوقتى مقدرتش اصبر ......ها قلت ايه
جاسر:فريد انت عارف فرق السن اد ايه بينكم
فريد:ايه ياعم ده انا اصغر منك باربع سنين ....يعنى اكبر منها بعشر سنين مش كتير يعنى
جاسر:انت عارف انا بحبك ازاى ولو لفيت مش هلاقى زيك بس عمى هو صاحب الكلمة انا هكلمه وهرد عليك
فريد:عمك ده حبيبى ...هيوافق على طول متخافش ..........بس سالى
جاسر:انا هسالها اول وبعدين اشوف عمى ماشى يا ريس
فريد:معاك يا معلم
جاسر:والله ولا اللى قاعدين فى غرزة ......يلا نخرج للناس اللى بره
خرجوا سويا ونظروا الى سالى
جاسر:سالى تعالى عاوزك
سالى:نعم ياابيه
جاسر:تعالى عاوزك
فهمت سلمى ما يجرى فابتسمت والتفت وجدت هانى ينظر اليها انشغلت مع الجميع تتفادا نظراته الوقحة لها ونظرات جودى المستفزة
جاسر:سالى ايه رايك فى فريد
سالى:يعنى ايه مش فاهمة
جاسر:يعنى اخلاقه ....شخصيته كده
سالى ":ليه يا ابيه
جاسر:فريد عايز يتجوزك
سالى:ايه انا
جاسر:اه انتى ايه رايك فريد صاحبى واكتر من اخ وانا بحبه وبحترمه جدا بس انتى اختى واغلى عندى من اى حد
سالى :والله ياابيه انا بشوفه محترم وكل حاجة بس عمرى ما فكرت غير كده
جاسر:بس هو قالى انه عايزك وبيحبك من زمان بس بصراحة حكاية لبسك الاول وطريقتك كانت مضايقه
سالى:يعنى هو حبنى عشان الحجاب مش عشانى
جاسر:لايا حبيبتى فريد عايزك انتى بس لما لبستى الحجاب حبك اكتر وعايز يمشى بالحلال وبالاصول واى راجل فى الدنيا يهمه ايه غيران مراته تبقى انسانة محترمة ومتربية يعنى هو مش غلطان انا مش هاخد ردك دلوقتى فكرى براحتك وبعدين نتكلم
تركها وخرج نظر اليه فريدبلهفة فابتسم له ولم يتحدث
جودى:هو انتوا لسه محدش يعرف انكم متجوزين ولا ايه ولا هتفضلوا مخبين
جلس جاسر بجوار سلمى وضعا يديه على كتفيها:ما الناس كلها عارفة هنخبى ليه ان شاء الله مااحنا معاكم اهوو والكل عارف ان سلمى مراتى
هانى:مش كل الناس تعرف ماانت روحت الحفلة بتاعت ادهم ومقلتش انها مراتك
جاسر:كان غباء منى بس باذن الله اول ما نرجع مصر هعمل حفلة كبيرة واعزم الناس كلها واقول للناس كلها ان سلمى مراتى
حامد:هو فرح هاشم امتى
جاسر:الشهر الجاى ان شاء الله
فاروق:ربنا يسعده.........هو مجاش ليه يا فريد
فريدمرضاش قالى عشان ياخد اجازة شهر العسل براحته الاستاذ بيخطط عشان ياخد الاجازة بمزاج
بهيرة:عقبالكم يا ولاد
فريد:اللهم امين يا بيرى يا حبيبتى انتى
نظر اليه جاسر ان يصمت حل الليل وبدات سلمى تشعر بالنعاس :عن اذنكم يا جماعة انا طالعة استريح
جاسر:على فين يا حبيبتى
سلمى:معلش قايمة من بدرى وعايزة انام مش هتتطلع معايا
قبل يدها امامهم"وراكى على طول يا حبيبتى
فاروق:اتلم يا واد انت مش اودامنا كده
جاسر:ايه يا روقة مالك اللى غيران مننا يعمل زينا
فاطمة:هههههه كبرنا يا جاسر يا بنى
جاسر:كبرتى مين يا طماطم ده انت قمر منور اهوو
فاروق:هو انت مش مكفيك مراتك جاى عندى ليه
جاسر:لايا سيدى انا مراتى مالية عينى بس بحب اعاكس طماطم حبيبتى
سلمى:طيب بعد اذنكم
نظر هانى وجودى الى بعضهم بقلق لاحظه فريد وحازم ونظروا الى بعضهم دون ان يتحدثوا
دخلت سلمى غرفتها القت بجسدها فوق السرير ثم قامت تبدل ملابسها دخلت الحمام لتستحم وارتدت ثوب الاستحمام والمنشفة فوق راسها وخرجت تمشط شعرها وارتدت ملابسها وصعدت السرير اغلقت جفونها وعندما بدات تدخل فى النوم شعرت بشئ حول قدميها فتحت عيناها مذعورة وجدت ثعبان على قدميها يمتد الى جوارها على السرير
نظرت اليه غير مصدقة ثم صرخت بشدة وهى تبكى سمع صراخها الجميع جرى جاسر بسرعة دخل الغرفة وجد الثعبان وهى ترتعش وتبكى
جاسر:سلمى .......اهدى يا حبيبتى
وجد الجميع يصعد فاغلق الباب لانها كانت ترتدى ملابس النوم اقترب منها بهدوء وهى تبكى خائفة مذعورة حاول ان يمسكه
سلمى:جاسر بلاش هيذيك
جاسر:اهدى انتى بس ياحبيبتى .......اهدى خالص
اقترب بهدوء امسك به فصرخ بها:قومى يا سلمى
قامت مسرعة وهو يمسك الثعبان ويضع راسه تحت قدميه :"البسى هدومك بسرعة وافتحى الباب
ارتدت ملابسها وحجابها وفتحت الباب وجدتهم يقفون امامها
جاسر:حازم تعالى
حازم:فى ايه
جاسر:تعبان كان على السرير
نظر اليه حازم :خليك دايس برجلك اقترب منه وبسرعة امسك فم الثعبان باحكام وحمله وهو ينظر اليه
ايه اللى يجيب تعبان زى ده هنا
جاسر:يعنى ايه مش اراضى زراعية اكيد تعابين
حازم:بس ده مش تعبان اراضى ده تعبان صحراء يعنى حد جابه هنا
جاسر:ازاى يعنى حد قاصد يعمل كده
فاروق:ده اكيد .....نظر الى سلمى وجدها تبكى مذعورة
خد بالك من مراتك وانت يا حازم .......هات التعبان ده وتعالى ورايا
خرج الجميع اسرع اليها يضمها وهى تبكى :خلاص يا حبيبتى ربنا ستر
سلمى:جاسر انا عايزة امشى من هنا انا خايفة اوى
جاسر:يومين بس يا حبيبتى وهنمشى اطمئنى بس زى ما فرحتى حنين والكل لازم افرحك انا كمان
سلمى:يعنى ايه
جاسر:بكره تعرفى دلوقتى تعالى ننام
سلمى:لا ليكون فى حاجة تانية هنا
قام يبحث فى الغرفة فلم يجد شئ فنظر الى النافذة"انتى اللى قفلتى البلكونة
سلمى:"لا .كانت مقفولة اما طلعت
نظر اليها بحيرة اومال التعبان دخل هنا ازاى