البارت9&10&11 الأخير

2.9K 252 122

امنت بالحشد ٩
زينب الموسوي
في مقوله للامام علي عليه السلام اشد من الموت فقد الاحباب
وصف بليغ لحياتي كل ساعه عندي امل يتصل ويگلي مااسافر واعوفچ كل دقيقه اشوف تلفوني يمكن صامت يمكن في رساله من حيدر كل دگت باب اتصور امه جايه عليه اعتذرت عن الدوام كم يوم لزمت القران والصلاه والدعاء بس اريد ارتاح الحسره بگلبي موتتني ودي اطلعه لگلبي واكله كافي باقي يوم على سفره كافي ياترى هو مثل حالي
السبت باليل اتصلت بيه باخر قطره من كرامتي مجاوبني وديتله رساله
حتى لو راح تسافر ابقى انتظرك وباب كلبي مسدود عليك ومستحيل افتحه وتطلع منه تگدر تنساني بس مااگدر انساك دير بالك على اعز شي بحياتي دير بالك على نفسك والله ماندمانه على الاربع سنين بس ندمانه على كل يوم راح يمر بدونك خلي رقمي لاتمسح يمكن بالغربه تحن لشخص يسمعك حتى لو بعد خمسين سنه اجاوب اتصالك روح الله وياك يااغلى ماعندي تذكر من تراهنت وياي تنسين توم كروز وتخليني احبك فزت بالرهان حيدر
گول عني لزكه ورطه ماعندي كرامه مستعده اعيش بدون كرامه بس انت يمي تذكر الاغنيه الي سمعتها الي لحسين نعمه وكتلي احفضيها
گلي شگلت وش قررت وك ياگلب
ناوين عل الغربه يتركونه غرب وك ياگلب بس المطر يمحي الاثر لاسچه ظلت لادرب وك ياگلب
شوف حفضتها
سافر حيدر ومافكر حتى بجاوب رسالتي وبعد يومين غير الفايبر والواتس اب والفيس
تغيرت كل حياتي بعده تحولت من انسانه تؤمن بالحب الى انسانه تكره كلشي اله علاقه بالحب واهاجم الناس والمرضى تحولت الى دكتورمهند ثاني اصيح واعيط على المراجعين بدون سبب وابتعدت عن اهلي وصديقاتي
كنت راجعه من الدوام لگيت رفقه تضرب ابنها بشكل وحشي ركضت اخذت الولد منها وصحت عليها
شبيچ تخبلتي الولد شعليه روحي طلعي قهرچ بالراح وعافچ استوعبي عافچ راح تركچ افتهمتي راح بعد ميرجع غير ارقامه وسد الفيس افتهمتي افتهمتي سافر
كانت امي وابوي ورفقه واكفين ويسمعون صياحي عرفوا اني مدا اقصد ظافر انهاريت وكعت بالكاع اخذتنا امي بحضنها اني ورفقه واثنينه نبچي باليل اعتذرت من رفقه وحلفتها متضرب جهاله مرت عليه ست اشهر اصعب من الموت الضحكه مااعرفها وكل يوم ادگ على ارقامه الجواب نفسه الرقم غير مستخدم
فد يوم كان جايبين جرحى من الحشد الشعبي وطبعا من يدخل جرحى الكل يتحول لانقاذهم واسعافهم اني كنت واكفه ولازم الموبايل واتفرج صاح دكتور مهند حظرتچ خطار عدنا امشي انجري شوفي ربيعه بياغرفه وساعديها ربيعه كانت كبيره الممرضات رحت عليها كانت تضمد ولد شاب من الحشد وياه صديقه واكف ملابسه كلها دم شافتني گالت تعالي ديريله دم الولد نازف هواي
واني رايحه اشوف غيره
كنت گالبه وجهي عليهم اخذت كيس الدم ودا ابدي بشغلي صديقه حچى
على كيفچ وياه خويه فدوه لهذا الوجه الحلو صدگ ملائكه رحمه
خو ماكو شي
خير اختي اكو شي غلط
ترى سامعينها سولافك لاتطكطگهن علينا
لاخويه ماعندي سوالف اطكهن عليچ بس احنا اخوتچ وندافع عنچن حتى تعيشن بكرامه
ومنو گالك احنا نريد نعيش خلونا نموت ونخلص ورحوا عيشوا حياتكم بتركيا بالمانيا واحنا النا الله
اف عليچ تموتن واحنا موجودين چا المن جابتنا الامهات
اگلك ليش مافد مره تشغل طكت والماطكت ونكعد ندبچ
صار اشغلچ اياها وحتى الجرحى هم يصير عدهم حماس
شغلها بالموبايل
اخويه ترى هذا مستشفى مو جبهه
وهذا الدم على هدومك شنو مجروح انت
لا هذا شلت ابو كرار على جتفي وماتركته وهذا دمه على هدومي
وابو كرار شلون تصوب
قناص تلث ايام مطلع روحنا ابو كرار گال لو روحي لو روحه وگف ضرب ابو كرار بچتفه وابو كرار ضربه طشر راسه
بيه بخت لو ميت هسه كرار ابنه ظل يلم قواطي ويبيع قابل الحكومه راح تهتم بيه وتنطيه راتب
خويه انتي شكلچ مضروبه بوري من الحكومه
دروح انت والحكومه
طلعت ورحت لغرفه ثانيه بقى الولد يوميه رايح جاي على صديقه ويختلق الاعذار حتى يسولف وياي وارد عليه رد يسكته
خويه اليوم مامريتي علينا
محتاج شي صديقك اذا محتاج گول
انتم غير تمرون تشوفون المريض
لا الي يريد شي يدز المرافق الي وياه ونجي
زين والي ما وياه مرافق شلون يموت بمكانه
هو وين اكو واحد اذا مو وياه خمسه سته هسه اجي اشوفه
رحت دخلت الولد كانت درجة حرارته عاليه انطيته ابره ومضاد للالتهاب سالني ابو كرار انتي شسمچ
طيبه
اسم على مسمى
اگلكم انتم حشد لو زواحف انت مو متزوج شبيك بعد
واني شگلت هو سوال
وجاوبناك وكافي وانت مو تكول حشد متروح تلتحق
مجاز يومين وتخلص اجازتي
تراهن انتم معركه مطابين بالخلفيات ويجوز ضاربتكم شضيه من بعيد ومخلصينها نت وسوالف
جاوبني احنا مطابين معارك تعالي شوفي التلفون طلع مقاطع معارك
خوش فلم هندي مقطع واحد دازه الك وانت تدزه لغيرك
لچ باوعي زين هسه اني اطلع شوفي منو هذا
اي صدگ يمه عزا هاي شنو حرب من صدوك
اخذت التلفون من ايده وظليت اباوع نفس ااحلم الي عندي انفجار وحرب ويطلع البطل شايل البطله هذا المقطع الي اتمنيت اعيشه بس البطل مالتي انهزم وعافني وگعت دموعي بدون امادري انتبهت الولد يگلي
شبيچ خفتي لعد لو اراويچ الاقتحام البيوت وكلها دواعش
انطيت التلفون وگتله الله يحميكم
بعد عندي مقاطع اوديها الچ على الفيس
طريقه جديده للزحف وكم وحده غيري دتوديلها هاي المقاطع
اختي بس وانتي اذا تريدين
لا شكرا شايفه هاي السوالف بالافلام
بس هاي حقيقه مو فلم
وانتم تحاربون لو تصورون
نحارب واحد بينا يصور هاي ايام منريد ننساها ومثل ماالدواعش يبثون مقاطع تخوف الناس احنا نصور الشجاعه والبطوله
الله ينصركم عليهم

امنت بالحشداقرأ هذه القصة مجاناً!