قال ليها وطي صوتك انتي متخلفة ......عبدالله لسة مصدوم و توسل سكتت خلت الكانت عايزة تقولو و تفضح مجتبي ركبت مع مجتبى في العربية و قفلت الباب و مشو ......مجتبى دا منو بتعرفو من.وين .....دا زوج مودة قريبنا اسمو عبدالله ......سرحت مسافة ....يا هوي انا بتكلم معاك سرحتي وين عربيتك خليتيها وين .....جيت بي تكسي ......يعيني انتي و ابوك مراقبتي و لا شنو .....نراقبك يا بيبي لانك ما مضمون ......عبدالله رجع البيت وقفل الباب وراهو و تكل راسو في الباب و هو مخلوع من البنت الشافها معقول دي زوجة مجتبى .......
#فلاااااش_بااااك
قبل 5سنوات ....
ادخل ياخ عادي يا عبودي ياخ كل الناس هنا بتشرب انت مالك يعني. ......لالا يا متوكل حرام ياخ ......ياخ ((Take it easy .....قلت شنو ما فهمتك ......يعني اخد الدنيا بي بساطة. ......بقو قاعدين في المقهى الليلي و رفض عبدالله يشرب تماما...... ياخ دي ام الكبائر كفاية انا جيت معاك هنا خلاص ياخ .......سكت متوكل خلاهو خلاص يا مولانا .......بقى قاعد مقهي في الناس البترقص دي و البنات ...... جات واحدة حلوة شديد و شعرها طويل لابسة ردا جينز و بلوزة لبنية بس في عمرها شكلها صغيرة .......هلا والله هلا .......هلا متوكل كيفك. ......اعرفك علي عبودي صاحبي جا من السودان طااازج .......هلا سلمت عليهو بي يديها الناعمات و ضغطت علي يدو ... ..عبدالله هنا بلع ريقو كم مرة و اتوتر ......قال ليهو دي سودانية معقول ......اي سودانية ماصلة كمان .....ماشاء الله ماشاء الله حلوة حلا ما بتقول سودانية .....البنات هنا بلونو شعرهم و بعملو حركات ما بتعرف جنسهم شنو زاتو .......عاين ليها عبدالله و حس بانو سكران بدون خمرة من اللبس الابساهو و الرقيص البترقص فيهو........يا عبودي مالك مقهي كدي اقعد ياخ ........عبدالله قعد و اتلفت شال الخمرة القدامو و بقى يشرب و يشرب .....يا زول كفاك بتنشق .....مشي يترتح و بقى يتلصق في البت .....دا شنو انت ما بتفهم ياخ زح مني ......انا انا والله حبيتك ياخ ......ههههههه في الثواني دي .......الحب داير زمن يعني ......ههههههه اها يا الحب انت .......هههههه انتي شاربة ولا شنو ......شوووووووية ههههه ......و انت شارب ؟.....انا برضو والله شووووووووووووية اطول من حقتك ......ههههههههههههه لالا انا شووووية شديد ......المهم بقو يتهابلو مع بعض لحدي ما لقو نفسهم في غرفة و عبدالله صحى لقى البت راقدة جنبو و ما لابسة شي اتخلع و خت يديهو في راسو .......صحى البت الجنبو يا بنت الناس يا بت ابت تصحي ......لا حول ولا قوة إلا با لله .......لبس هدومو سريع و جرى .......متوكل قال ليهو كنت وين ......نفسو قايم .....لالا ياخ ما في مكان ......
البت صحت و فاقت ........الحقير التافه الحيوان ......الحيووووواااان الا اكتلو إلا اكتلو ........يابت مالك بتتكلمي براك و دا منو البتتكلمي عنو و الحصل شنو .......سمر زحي من وشي عليك الله ياخ انا تعبانة ......عمل ليك شنو دا .......سرق مني قروش ياخ ......ايوااا .......اها خلاص حتنزلي على السودان للجامعة ......ياخ انا في شنو و انتي في شنو ......مالك يابت متوترة كدا ابوك ماشاء الله قروشو تسد عين الشمس زعلانة علي شوية قروش اعتبريها صدقة هههههه .....ياخ سمر اطلعي و اقفلي وراك الباب ياخ .....
عبدالله .....عبدالله .....نعم نعم ......ضيفك خلاص فات .......انتي ما نمتي ولا شنو ......لالا خلاص ماشة انوم .......دقيقة يا مودة ......اتلفتت عليهو نعم ......خلاص خلاص مافي حاجة .......مرو كم يوم و كان عبدالله مؤجز يوم جمعة فطر مع مرتو و اتونس معاها كويس هي مستغربة فيهو الحصل شنو لي دا كلو ......المساء قالت ليهو عايز حاجة تاني انا ماشة انوم ......لالا شكرا مافي حاجة تصبحي علي خير ......عبدالله غلبو النوم بقى قاعد في البرندا يحضر في التلفزيون و مافي موضوع ......فكر انو يطلع يتمشى بس معقول يطلع يخلي مودة براها ما ممكن الموضوع مخستك ......مودة يا مودة ......امممممم .....انتي متين نمتي لمن غرقتي في النوم كدا .......في شنو يا عبدالله ؟ .......مسكها من يدها قال ليها كنت عايز .......عايز شنو .......بدون ما يشعر حاوطها بي يديهو و قعد جنبها .......مودة جرت نفسها بعيد و قامت ......احم احم عايزين نطلع رايك شنو ......مودة مدنقرة من الخجل خلاص كويس ......البسي اي شي انا بنتظرك برة .......شوية و طلعو اتمشو و بقو يتونسو و يضحكو لي اول مرة في تاريخ زواجهم .....اتذكرو حاجات قديمة مع بعض لكن عبدالله نهائي ما جاب ليها سيرة موضوعها داك زكريات شهر العسل احلى ذكريات بقو بتجاوزوها لانها اتعس ايام حياتهم و أسوأ ذكريات ......رجعو البيت و عبدالله قال ليها انا تعبت من نوم الصالة ......
يتبع....
