.يا زول معقول اعمل موقف زي دا مع توسل ما بقدر .....طيب ليه قدرت تعملو مع غيرها ...... لالا القصة ما كدا ....القصة زي ما انا قلت ليك و بس ......مجتبى بقى يفكر في كلام احمد صاحبو و فعلا قال توسل بتحبني من زمان و كدا انا بس كنت رافض حبها لي دا تماما ......
مرت زي فترة اسبوع كدا و مودة بتتصل بي مجتبى و هو ما برد عليها و بقى يقفل منها تلفونو نظرتو ليها اتغيرت بقت صورتها جواهو مهزوزة ......و بقول والله لو البت مربية صاح ماكان طلعت معاي و حتى لو طلعت ماكان سمحت لي اعمل معاها موقف زي دا ......مودة بي غادي داخلة في النار و هي عروس و محبوسة بدل وشها ينور بقى مخطوف و القلق كل يوم زائد جواها حست انو مجتبى غدر بيها و ما عارفة تتصرف كيف جاتها فكرة سريع اتصلت بي عبدالله .......الوووو عبدالله كيفك ......اهلا اهلا بي عروسنا و الله والله يا بت عمي انا عندي كلام كتيير عايز اقولو ليك بس لما اجلو العقد قلت مافي داعي إلا بعد العرس عشان ما نكون دخلنا في حرمة ......عبدالله انا والله بي صراحة .......يا مودة لو عندك كلام يفضل انك تقوليهو لي بعدين بعد اجي اسوقك من ابوك و قدام كل الناس ......مودة غلبها كلو كلو و عبدالله كمان مندفع بقى يلمح عن مشاعرو و احاسيسو .......هي لسانها اتربط حست بي انو عبدالله زول طيب شديد رغم انو ود عمها ما كان في بينهم غير القرابة و الجيرة بس اكتشفت الجانب الجديد لي عبدالله بعد كانت عايزة تقول ليهو ما عايزاك و ما دايرة اتزوجك و غصبوني عليك ......في نفس الوقت مافي مفر تعمل شنو و مافي زمن لي اي تصرف و الناس حواليها و شغالين فيها تسمين و حكحكة عشان تطلع يوم عرسها نجفة ......
في اخر ايام للعرس مودة بقت ما بتنوم من الخوف و التوتر إلا جسمها المرهق ينومها غصبا عنها .......مصدومة في مجتبى الاتخلي عنها بعد قال انو حيتزوجها و حيسترها و ندامانة و سافة التراب على ثقتها فيهو ....انعل ابو الحب و انعل ابو الرجال كلهم قالتها مودة و هي بتعضي في اصبعها بي ندم .....الله ينعلك انتي يا مودة الله يكتلك دا شنو العمليتهو دا معقول صدقتي انو حيتزوجك مسحيييل تلقاهو ما صدق خلص منك اخد العايزو و مشى حسبي الله .....باقي للعرس اسبوعين و يوم عن يوم مودة بتفكر تنتحر و لا تعمل في نفسها حاجة ......مجتبى اتصل بي توسل قال ليها انتي وين عايز اقابلك قالت ليهو كنت بعمل شوبينق اسي راجعة البيت قال ليها خلاص انا بجي عليك اوصلك وصفي لي وين انتي .......انا معاي عربية ما بقدر اخليها و امشي خلاص خلينا نتلاقى المساء ....
.قال ليها خلاص تمام نتلاقى في الكافي الفلاني .....خلاص تمام يلا باي ......دقيقة توسل ما تجي بي عربية عشان انا ح ارجعك ......استغربت في الاول بس قالت ليهو تمام خلاص كويس ......توسل مشت سريع البيت جهزت ليها حاجة تمشي بيها ......لبست بنطلون اسود و تونك طويل بي احمر و اسود و فكت شعرها و طلعت بدري .......و هي بتقرب من الكافي قلبها بدا يدق و هي مبسوطة اول مرة مجتبى يعملها و يطلب يلاقيها براهم كدا في كافي و عقلها بفكر ياربي عايز يقول شنو معقول الفي بالي ......وصلت قبليهو بي شوية و دخلت الحمام ظبطت مكياجها و هدات شوية و طلعت لقتو وصل ......سلم عليها و هو بعاين ليها في عيونها خجلت دنقرت ......كيف اليوم .....الحمدلله بخير كيف ا نت .......الحمدلله بخير ......شنو العزومة المفاجأة دي ......كنت عايزك في موضوع ......اللي هو ......طلب النادل جيب اتنين hot chocolate لو سمحت ......مشي النادل ......انا عايزك تكوني صريحة معاي يا توسل ......دنقرت شوية قالت ليهو موش لما اعرف الموضوع هو شنو .......انتي بتحبيني ؟؟ ......توسل اتخلعت و اتوترت ......قال ليها باين من عيونك ما تدسي. .......توسل بقت لا قادرة تضحك لا قادرة تزعل و بقت تتلفت و خجلانة شديد .......انا خلاص قررت اتزوجك يا توسل .......توسل بقت ما قادرة تتكلم و لا تصدق .....طيب و انت ؟ ......انا شنو .....مشاعرك ناحيتي شنو ......والله انتي ماشاء الله مافيك كلام بت عيلة و حسب و نسب .....طيب اذا قلت ليك انا ما موافقة ......ليه يا توسل ......انت عايز تتزوج حسب و نسب ولا عايز تتزوجني......لالا ما قصدي يعني بالاضافة لي اعجابي بيك ......يعني مجرد اعجاب ليس إلا .......مجتبى كلمة بحبك و حب دي ما قادرة تتطلع منو .......ايوة بس يعني اكيد الحب بجي شوية شوية ......ايوة صاح اذا كدا موافقة ....بس مودة موقعها شنو ......لالا مودة دي انسيها زي ما انا نسيتها .....ايوا كدا اتفقنا. .....
يتبع....
