مجتبى قال ليها خلاص انا بتصرف ......مشى سريع البيت كلم امو و ابوهو انو عايز يخطب و كدا ......دي منو سعيدة الحظ دي .......اسمها مودة انتو بتعرفوها مودة بت محمد ود اسماعيل مصطفي ......امو وقفت علي حيلها دا كلام شنو يا ولد دي لاقيتها وين دي كمان ......معانا في الجامعة يا امي و بالصدفة عرفت انها بتبقى لينا .......امو قالت ليهو نحنا ما صدقنا ابوك مرق منهم عايز ترجعنا لي نقطة الصفر ولا شنو ......يا امي حرام عليك انا عايزها .....انا غايتو ما موافقة ولا ببارك ليك ......ابوهو قال ليهو انت ما عارف امك مشكلتها مع أهل ابوك مستحيل توافق ......لكن يا ابوي دي رغبتي انا دا ليه انتو بتقيفو في طريق سعاددتي .....
اعمل البريحك انا ما عندي مشكلة اقنع امك .....في اللحظة ديك احمد صاحبو جا داخل وقفو النقاش و سلمو عليهو .....مجتبى ساقو لي غرفتو قال ليهو عايز استشيرك في حاجة .....اانا عايز اخطب مودة .....مودة منو .....مودة قريبتنا الفي الجامعة .....اصلووو ما معقول هههههه ......احمد انا جادي ياخ خليك معاي انا لازم اخطبها في اقرب وقت ......ليه يعني ما تنتظر تخلص الجامعة والله تاني تبقى ليك في رقبتك صرف زي الصرف ......لالا ياخ ما انا مضطر اني اخطبها عشان حيتزوجوها خلال شهر .ّ.....هههه دي شنو قصص الافلام الهندية دي يعني اتخطبت حتخطبها كيف اسي ......لازم ياخ انا اخطبها اسي انا بحبها و غير كدا في حاجة حصلت هي المخلياني مصر اكتر .......شنو دي الحصلت .....انا ......دنقر بي خجل ......انا ......انت شنو يا عمك ......عملت معاها موقف ......موقف شنو يعني ......اممممممم ......اوووع تقول لي وصلتو مراحل عميقة .......اعمق من عميقة زاتو ......ههههههه مجتبى عملتها كيف دي بالله ......ياخ انا في شنو وانت في شنو ......ما تقول لي بعد الحصل دا عايز تتزوجها ......اي طبعا عشان استرها .....يا حنين قالها احمد بي استهتار ......مالك ياخ دي شنو الحركات دي .......انت يا زول فارة ولا شنو قالها احمد و هو باشر بي اصبعو السبابة علي جانب راسه ......كيف يعني يا ا حمد ......انت ما جادي طبعا دي مفروض تقول لو بقت اخر واحدة ما اتزوجها .....ليه ياخ حرام عليك .......لانها لا تصلح ......كيف يعني انا انتهكتها و ......قاطعو قال ليهو يا زول دي بقولو عليها براها سلمت نفسها لانو الراجل غالبا ما بتحكم في مشاعرو و تصرفاتو في لحظات انفعالية زي دي المراة هي البتصد و هي البتتحكم ......ياخ ما ممكن انا اعمل كدا و اجري اخليها في موقف زي دا ....
.براااها جنت علي روحها اولا انتو الموقف دا اكيد ما تم في مكان عام ......اي صاح ......الخلاها تطلع مع راجل غير محرمها لي مكان خاص و يقعدو براهم لحدي ما يقرب منها ما توقفو و لحدي ما ......انت عااارف ياخ دا كلو هي كانت منومة ولا واعية .....لالا واعية .....طيب شنووو ياخ ما تبقى راجل فارة دي خلاص انتهت ما نافعة دي ضاعرة بقت ......حرام عليك ياخ انا ال.......انت اصلو ما بتفكر بي عقلك انت اسي افترض انك اتزوجتها تضمن من وين انها ما تعمل كدا تاني ما خلاص بتكون اتعودت ......لالا ياخ ما قدرت تتحكم في نفسها برضو عشان بتحبني .......و الضمنك شنو تاني ما تتحكم في نفسها مع زول غيرك ......لالا ياخ ما اظن لانو هي بتحبني انا .....لالا ياخ الحب ببرر الغلط العملتو و انت العرفك شنو انو هي بتحبك انت دخلت قلبها ......مجتبى بدا يفكر في كلام احمد صاحبو بدا بشوف انو منطقي اقنعو بي فهمو و رمى اللوم علي مودة براها و حس بي راااحة داخلية انو ما هو الغلط هي الغلطت فقط و هي السلمت نفسها ليه و هي السمحت ليه يتعدى حدودو معاها ......اسمعني يا مجتبى انت زول مسكين و بسيط شديد انا عايز اوريك فكرة تتأكد بي نفسك من كلامي دا ......كيف طيب ؟؟ ......حاول اعمل نفس موقفك دا مع توسل و انت عارف توسل ليها سنين بتحبك لو حسيت بيها استسلمت ليك و ما حست بي نفسها برضو امشي عرس مودة ......لكن انا ما عايز توسل مابحبها. .....حتحبها يا صحبي و بعدين انا عايز اقول ليك كلام الحب و شنو و شنو دا كلام فارغ ساي بعد الزواج بتبقى العشرة و راحة البال هي سيدة الموقف ....
يتبع...
