من صار حملي خمس اشهر عرفت بية بنية ....اني فرحت لان حبيت يكون عدي بنية .....وحمزة فرح كال راح اسميهة رشا ....
شون يصير ....شنو الام والبنت نفس الاسم شطلعت هاي ....
اي اني اخذت عهد على نفسي اذا الله رزقني بنت اسميها رشا ....وهذا امر محسوم ....
الله يعيني على عنادك بس ...
عرضت عمته عليه يعيش بالاردن ....هو اول شي حيل تردد ....بس من قدم السي في مالتي ومالته ونقبل بشركة اردنية سعودية معروفة واجورها محترمة .....شوي لان ....
اني ايدت الفكرة لان مليت مليت من الموت والقهر والتفجيرات ....واريد احافظ على ولدي وزوجي ...حتى ولو الموت بكل مكان ....بس الحالة النفسية مهمة بحياتنا .....
جبت رشا يكولون تشبهني معرف ....
بس هي مثل الاستنساخ عن ابوها بالعصبية والمزاجية ....
رحنا للاردن واستقرينا ....حمزة ما حسيت ولو لثانية اكو فرق بتعامله مع ولدي من خالد ورشا ....جانو يسمو بابا لامظن زيد من بدأ يحجي جان يسمي بابا وحمودي اخذه منه .....وراحت بابا ....
بس من رحنا دنسجل رشا بروضة حمودي حبيبي لاحظ اختلاف اسم الاب ....فسألني ماما ليش رشا اسم ابوها حمزة واني وزيد خالد ....
حاولت اوصل الفكرة اله بأقل الاثار النفسية .....جان اكو اطفال وياه بالمدرسة عراقين اثنين همات ايتام ....والمعلومة ما اثرت بي هواي ....يمكن لان ما يذكره او يمكن لان شاف اكو مثله معرف ....بطريقة بريئة نقل المعلومة لززيد،.....
من صار النزوح واحداث الموصل بيت عمي اهل سارة زوجة معاذ نزحو .....فعرضت عليهم يكعدون بيتنا ....اول شي عراضو لان بيت ايتام ....بس حبيت تكون كعدتهم صدقة جارية عن خالد لان هو بيته ...احسن من يدفعون اجار ...
قصتي من القصص الي موجودة في كثييييير من البيوت في العراق هنالك الملايين من الارامل والايتام .....
يمكن اني احسن من هواي ارامل ....اكو ارامل من دون راتب ولا معيل .....ووضعهم بالويل .....
ما اكول الا الله ينتقم من الي جان سبب كل المآسي.....
والله يرحم كل ضحايا التفجيرات .....
اكو هواي ناس من تشوف الضحايا من غير طائفة تكول ....اييييي محد كاللهم يأيدون فلان شي .....احب اكللهم والله ما يروح بالتفجيرات غير المكاريد ....من كل الطوائف وهذول ليروحون مو مجرد رقم ينكال بنشرات الاخبار لالا .....هذا فرد من عائلة يحب اهله ويحبو وراح يفتقدو ويبجون علي ايام واشهر وسنين ......
بس يبقى اكو شي اسمه الايمان بقضاء الله وقدره .....
والحمد لله على كل حال ......
اية الراوي .....
