#بقلمي_اية_الراوي
يجوز الله سبحانه يطيج اشارة انو حمزة الي لازم تخلين ايدج بيده وتبدين حياة جديدة ....
اذا انتي تكولين حتى بالحلم تعرفين ميت ....وخلة ايدج بايد حمزة. ....
ارجع واكلج اطي فرصة لحمزة. .....هو هسة حياتج الجديدة ...
بقينا نحجي بين ابجي بين اقتنع واني ما اريد اقتنع ....
اتصل بية كال بالي يمج حبيبتي شون صرتي ...
برحمة الله ....الحمد لله شون الولد ...
زينين طلعتهم عالالعاب الي عالشارع العام ....
ايمتة تجون ....
فد شوية واطلع ...
رنا .....رشا حبي اني لازم اروح ترة ما جنت ببالي اجي اليوم وعدي هواي شغل .....انتي واعية وتفتهمين ....عندج ولدج ومستقبلهم مهم وما يصير مستقبلهم حلو الا اذا تربو بظل رجال يحبهم وماكو اكثر من حمزة يحبهم .....اتقي الله بهالايتام ...انتي مو اول مرة لخاطر احد تبدين مرحلة بحياتج .....هسة لخاطر ولدج ابدي وية حمزة ......والله يوفقج ....راحت
اني بين اكول فعلا هو اني تزوجت لخاطر خالد دا ما يزعل ....وخلفت لخاطره .....هسة راح اغير حياتي لخاطر اطفالي .....اني هم مسؤولة عنهم امام الله وراح احاسب ....
اجوي من بيت جدهم ... ردت اسبحهم بس ما قبل كال باردة ....باجر سبحيهم ....
نمت بحضنه بس هالمرة بغير افكار ....بقى يصبرني وكلي اعوضج واني كد هالحجي ....وتجرأ وباسني من خدي....صحيح ما صديته بس تتشنج كل عضلاتي ....وهو يحس بهالشي ....بس ما جان يمل ...كام ياخذ حقه بلمسات وحضن وبوس بس ما طورها رغم كان يتعب .....بس هم هو ايده مجبسة ....
الى ان يوم كعد الصبح كل روحه تضحك وكال اليوم يومي ....
يعني شنو ما فهمت .؟
لج اليوم اشيل الجبس شحدج تنهزمين اليوم .....
والله عبالي اكو شي .....
هو اكيد اكو شي اني رايح للمركز ....
راح اني جنت خايفة كاي بنية هسة متزوجة .....شتغلت وسةيت غدة سويت وقتها برياني لان هو يحب البرياني وعتنيت بالغدة ....طول يلة رجع .....طب من باب الاستقبال ....استغربت هو دائما من باب المطبخ شوي واجة ....من وراي وحضني اليوم شلت الجبس وراح ينشال همي .....مووو
الحمد لله على سلامتك ان شاء الله بعد ما تشوف شر ....
تعال تغدة ....
ايييي والله روائح تخبل ....اليوم دلال الله يديمه ....
والله انت اليسمع يكول مصومته ....
كملنا ورتبت ونيمت ولدي واتمنى تطلع شغلة اشتغالها بس ماكو مفر بعد
جان بالغرفة رحت دا انام كال
