بارت 18

11.9K 525 3
                                    

#بقلمي_اية_الراوي

كومي يلة اريد انام تعبان .....

روح هسة اجي اريد اقفل واطفي الاضوية .....

من كل عقلج اخليج تطفرين .....روحي اني اقفل واطفي .....

طبيت للغرفة واني بين الوم روحي بين اكول هو هم ما اله ذنب اذا فعلا ديحجي ...
اجة فرحان وجهة يضحك.....نام على السرير ونمت يمه بس ما نطاني كلبي ادنو كلش .....بس هو سحبتي يمه ....كال ادري انتي شكد فگر ....

صحيح جان حضنه دافي بس مو بدفئ حضن خالد .....هدوء خالد حياة الي ....هذا على ادنى تصرف بارد يخلي كل عضلاته تتشنج ........فعلا مثل ما حجة اكتفى بالحضن. ما حاول يطور هالشي ....كعدنا الصبح على حمودي يصيح عمو ليش هنا اليوم مو يمي ....فتحت بالگوة ...وحاولت اغير الموضوع وياه مثل الي حسيت بمعاتبته الي ....وتبعدت عن حمزة

حمزة .....منو يجيب مي طيب لعمو العطشان ...

بسرعة تقشمر حبيبي وراح....

تقرب يمي وكال رشا زحلگته دا اكلج،ترة لازم يتعود هالشي اني زوجج جان هسة لو بعد سنة ...

ما جاوبت لان ما عدي اي جواب .....

اول ما فضيت اتصلت برنا وحجيتلهة الي ديصير وشنو رأيهة ...

والله رشا الرجال ما حجة شي غلط .....طبعا شرعا اله حق وما الج حق تمنعيه خوما انتي غشيمة ....

هااا هسة جبتي هالموضوع وحجيتي وين حجيج بس سند الي ولولدي ويزوج ....

اني ما انكر هالشي ...بس من حجيت جنت ما اعرف هو رايدج الج ورغبة بيج انتي ....توقعت مثل سبب قبولج قبل ....والله الي اشوفه تطي فرصة مثل ما طلب والله اعلم ....

اي مو هي بهالسهولة السالفة ...

شبيدي اني يا اختي ....كولي الله يرحم بحالج ويرزقج مستقبل حلو وياه ....

سديت واني اتمنى كلشي ينتهي بلحظة وما يطور .....

بقينا بس انام بحضنه وهو مرتاح نفسيا حتى احس نشاطه صار اكثر .....تقريبا اربعة خمسة ايام على هالوضع

الى ان بيوم جنت بين نايمة بين كاعدة ....وحسيت بشي مريح جنت كثير مرات اكعد علي من كان خالد بالحياة وهو يخاول يكعدني يمشي حلكه على خدي وبين يبوس بين يتنفس تنفس رقيق ...فرحت تخيلته خالد ....بحيث كلت ما تبطل سوالفك خويلد ....بنفس اللحظة وعيت فتحت واذا حمزة ...دفعته

الي صار حلم لو واقع .....وبدت دموعي تنزل ...

على كيفج على كيفج ....واقع ....ليش الدموع ....اسف خليتج تتخيليني خالد اسف ....حاول يلزم ايدي ....

كمت وكعدت على طرف السرير وابجي بحرگة .....

كعد بصفي ليش البچي هسة غير افهم ....

حمزة ما اكدر....صعبة صعبة كلش انت تريد زوجة اني ما اكدر اطيك مثل ما جنت اطي خالد صعبة والله ....

كام يمسح على راسي ....ويبوس بية كافي اسف اني تجرأت وتسرعت .....بس والله حرمان سنين صار بين ايدية قدري وضعي ....

كمت ما اريد اجاوب لان اني بموقف صعب وهو بموقف صعب ....

مرت الايام وصرت اخاف انام بحضنه خاف يسوي شي بس مجبورة ....بس هو هم كام يحاول ما يجبرني ...

بعد تقريبا 25يوم شال الخيط والجروح لتأمن. .....

بس الكسر بعد عليه ....

اجة كالي ربعي عازميني على غدةواني والولد الي نجو من الحادث .....

طلع اني غديت ولدي ونظفت المطبخ  نيمتهم ورحت تمددت تعبانة شوي ....

غفيت حلمت اني بمكان ما اعرفه ما شايفته كاعدة واجة من بعيد رجال يمشي ما جان مبين كلش تقرب واذا بي خالد .....طبعا اني بالحلم وادري بي ميت ...مع الاسف حتى بالحلم ما عشت وياه على انو عايش ...احجي وياه حبيبي قصرت وياك سامحني ....وما يرد شوي وكام يباوع على جهة ....باوعت واذا حمزة لابس نفس البسة الي طلع بيهة عالعزيمة ....شال ايده وخلاهة بايدي .....وفزيت

اني سنة وسبع اشهر كل يوم اكول اليوم يزورني ....اميرة وعمة شافو ....وعشرات المرات اخليهم يعيدون الحلم الي واسمعه وما امل .....فزيت على رفعت حمزة للفراش دينام يمي .....فزيت مخروعة لاحظ هو هالشي ....

ها عمري اكو شي شفتي شي .....

كعدت ....واباوع بعيوني مستغربة الي شفته ....اريد مي حمزة فدوة ....

اي اي حبي هسة ....هذا شربي ...

شربت وما رتويت ....كال بعد ...اشرتله اي ...

شربته واني احس روحي ترجف .....

ها حبي ....جنتي حلمانة مو ....

شفته ......شفته ....اي اي شفت خالد ....اجاني وزارني بعد ما جان مجافيني .....بديت ابچي بحرگة وشووووووگ ....

اي الحمد لله حبي ياربي خير ....

حتى بالحلم ادري بي ميت وما تهنيت باحساس انو عايش .....اجاني بطوله ....اجاني ابو ضحكة الحلوة .....

الله يرحمه .....خير ان شاء الله

حجيتله الحلم كله بس ما كلتله شفته بي .....

جان ناوي نروح لاهله بنفس اليوم العصر بس .....ما كدرت اطلع الحلم هد حيلي .....اتصلت على رنا وكلتلهة تجيني ....

هو اخذ الولد وراح كالي اخذي راحتج وية رنا ....

اجتي رنا ....وحجيتلهة حتى من شفت حمزة ....

رنا شنو تفسيره فدوة ....قلبي وگف والله ....

ما ادري بس هو والله اعلم .......

يتبع

مفخخه غيرت حياتي حيث تعيش القصص. اكتشف الآن