بارت 16

12.1K 545 12
                                    

#بقلمي_اية_الراوي

واشوف حمزة مجبسين ايده وجرح برجله بالفخذ ديخيطو وشنون ملابسه مشگگة ....ودم اكو بكثير اماكن من جسمه ..

فرت بية الدنيا وغوشن عيوني نتجيت على الباب .....شافني مصطفى واخذني اكعد على كرسي بنفس الغرفة .....بديت اسمع مو واضح .....حسيت واحد ديقيس الضغط مالتي ويكول هاي شنو ضغطج هابط كلش .....لازم مغذي ....

من كعدت شوي شوي بديت اشوف زين بس هم دور بية الدنيا ....بدأ واحد يخليلي كانيولة .....مصطفى كال ليش مو عصير لو لازم مغذي ....

ايهم ردله لالا ما اعتقد يفيدها هسة قبل فد ربع ساعة شربت وما فادها

اباوع على حمزة عين علية وعين على ايهم وعينه على ايهم بيهة غضب ....

كالي المضمد ....ناخذج على الردهة ....كلتله لا فدوة ما بية حيل امشي ..كل لعد صعدي رجليج ....وخلالي المغذي شوي شوي صحصحت .....وصل المغذي اكثر من ربعه ....وحمزة كملولة تضميد .....ودينقلو لغرفة طبعا المستشفى خاص ....

كلت للمضمد صرت احسن ممكن كافي مغذي ....شاله ....وطلعنا للغرفة ايهم استأذن وتحمدله بالسلامة .....وديطلع وكمت تشكرت منه .....

مصفطى كاله اوصلك كاله لالا اني اطلع كاله لا اني اريد اطلع اشتري شي ناكله متت جوع والله طلعو

سديت الباب وهسة كعدت .....

حمزة ......منو هذا ؟

منو ....ها منو قصد الولد الي جابني ...هذا ولد وياي بالشركة  خطية كلفته والله

ليش وين سيارتج ليش وياه ....

يا سيارتي ما شفت حالي انت ..... قصة طويلة مو مال اشرح هسة

سكت ما عجبه الوضع .....

دك تلفوني ست انوار ام الروضة ......ياااا شوف شون نسيت ولدي .......الووو

الووو هلو رشاوي خير ليش ما مريتي اليوم عالولد

والله ست صار حادث وية عمهم واني المستشفى اعذريني

يااا سلامات  سلامات حياتي .....لعد اني اوصلهم لست سهام لبيت اهلج بطريقي مو مشكلة

اووي ست اني كلش اسفة دا اكلفج اسفة لان اخرتج .....واشكرج جدااا .....

لالا حبي ولدج احفادي حاسبتهم الله شاهد ...يلة حبي عنده العافية مريضكم ...مع السلامة ....

شوي واسمع صوت عمتي بالممر ....اهوووو شيخلصني عاد من لسانهة ......

طبت يمة حبيبي وليدي عرفت لازم يلوحك هالشر ...

طبعا تقصدني بالشر ....اني ساكتة ومدنكة ...

اي يمة حبيبي شنو يوجعك ....وتدعي علي وعلي الي يسوي التفجيرات الا صاح يوم ترة هالهوسة تزيد صداعي ....اريد ارتاح

مفخخه غيرت حياتي حيث تعيش القصص. اكتشف الآن