بارت 15

11.3K 546 5
                                    

#بقلمي_اية_الراوي

طبينا وطب ورانا .....كال بعصبية

اعتقد ما جان اله داعي هذا الرد ....يوم العلم انتي متعلمة عالمغثة ...

انت همات وعدتني ما اسوي شي خارج عن ارادتي وجبرتني البس ابيض لا تنسى ....

الحجي وياج عبث الظاهر ....

طب لغرفته وركع الباب .....

حمودي خاف كالي شبي عمو ماما ....

ماكو شي حبيبي تعال افتحلك التلفزيون ما تريد تباوع ....

ايييي اريد .....

خلي زيودي يمك حبيبي عدي شغل شوي وانيمه .....

بديت اشتغل اعزل وانظف وحمودي كل شوي يهجم عالغرفة مالته يجيب شي من العابه وساعة وهو يفتح بالباب تفلت منه اليدة مرتين تلاثة يلة يفتح الباب ....ويخلي مفتوح ....

اروح وارجع لمحته نايم على السرير ويگلب بالتلفون مالته .....

كملت سويت غدة وصاحله حمودي اجة كالب الخلقة .....ما يحجي ....

اني عادي عدي گلبي خلصان .....

بعد ايام طلع تعيني بشركة اهلية المدير العام مالتها صديق عمو كلش .....وبديت اداوم  سجلت ولدي بروضة وحضانة وحدة صديقة امي ست انوار .....وهو جان ملتهي بدوامه ما نلتقي هواي .....ما صار اي مشادة بيناتنا بعد ذاك اليوم .....

جان ما يقبل اصيح على واحد من ولدي يضوج لازم شكد ما يخبثون اتحمل ....اي تطور بعلاقتنا مع بعض ماكو ينام بغرفة حمودي واني بغرفتي

صار موقفين كلش نحرجت بيهن .....

مرة جان يوم جمعة وهو بالجامع خلصت شغلي وطبيت للحمام انظفه واسبح واني دا انظف نداريت واذا ملابسي واكعات من التعلاكة ومنگعة ....صحت على حمودي ساعة يلة جاوبني ويروح ويرجع ما يعرف يفتح باب الكنتور صرت عصبية كتله روح لا ابسطك ....

لبست البرنص طوله لجوة الركبة وطلعت وصار حمزة بوجهي شكد نحرجت رغم اني البس مرات دشاديش او تراكات بهالطول  بس يمكن لان مبلل جسمي .....هو سوة نفسه عادي عدهة بس حسيت عيونه لمعت معرف حسيت هيج .....كلش نقهرت لان هيج شافني....

ومرة جنت فاتحة التلفزيون لحمودي واوجه بي علمود يدير باله على زيد وامشي واححي ووجهي عليهم وما احس بنفسي الا لطخت باحد درت وجهي واذا صدر حمزة يممةةةة عزة العزاج رشا هو ضخم واني ناعمة يمه حسيت عبالك متقصد يصير هالشي لان اذا اني ما شفته هو يشوفني ....

يابةةةة كمت اتعذر

والله ما شفتك ترة اسفة اسفة كلش ....شكد عييييب

عادي يمعودة شدعواج ومبتسم ....

صرت اكعد من الصبح اريكهم وابدل لولدي ....واوصلهم للروضة  طبعا اني تعلمت سياقة من حياة خالد ....علمني على سيارته..والسيارة بقت ياريتها هي الي راحت ولا هوة ....فراوح بيهة اوصلهم واطلع للدوام ....وماشية حياتي هيج بس حمزة ما يقبل اي تقصير مرات هلكانة بس مجبورة اخلص شغله لان ما اريد اقصر ويلزمهة علي .....

اتذكر من خالد جان يساعدني ويغلس وتحسر ....الحمد لله ...

الشي الوحيد الزين بيه هو ما يسمح لامه تتدخل بشي وما مسموح تشمر حجي .....رتاحيت من هالفقرة ....

بيوم جنت بالدوام وجنا طالعين على موقع تخطيط .....واحنة هناك دك تلفوني .....واذا مصطفى يتصل؟؟؟؟؟؟؟!!

رجعت بالايام سنة ونص ......تذكرت يوم الحادث وختنكت بالكوة سندت طولي ....طبعا عدي صديقة من ايام الكلية جانت مو كلش صديقتي بس بالشركة صرنا كلش قريبات جانت تشتغل ويانة شافتني مثل الي دخت .....جتي يمي

ها خير رشا اكو شي

هااا لا بس الله يستر هذا حماية مو يتصل هواي بس لا صاير شي ....

يا ستار انتي تفكيرج كبل يروح للشر كولي يا الله

ان شاء الله خير شرايدة اني .....

الووو

الووو هلو رشا وينج هسة ....

اني ؟ ...اني خارج الشركة عدة شغلة ليش ؟ .....اكو شي

ممكن تجين لمستشفى .......

اني هبطت نفس الخنگة مالت يوم موت خالد .....بالگوة كمت اجاوب ونفسي ضاق جابتلي ريم كرسي كعدت والولد الي ويانا نتبهو ...

مصطفى ....حمزة بي شي ؟؟؟؟؟

لا مابي شي تصوب تفجرت عبوة وهو من العصف تصوب مابي شي ان شاء الله ....

شنووووو .....لا اله الا الله اني هالكد شر ما تعرف التفجيرات تأذي الا الياخذوني .....

كولي يا الله ....رشا يلة تعاي يريدج ...

ان شاء الله جاية اني مو كلش بعيدة ....

سديت .....وكامت تزيد الخنگة علي ....بصعوبة اتنفس .....اكو ولد ويانا خوش ولد ....المشكلة سيارتي بالكراج مالت الشركة ....اجينا مو هواي صعنا بسيارات قليلة وسيارتي بقت ....

كال رشا اوصلج ....سيارتج مو هنا ...

ها لالا هسة تكسي اخذ ...

يمعودة يا تكسي شوفي حالتج .....وجهج نخطف شنون تروحين وحدج ....

من هنا من هنا جاب السيارة واستأذن من المهندس المسؤول وطلعنا ......

بالطريق مرتين وكف مرة جاب عصير كال اشربي ضعطج هبط اكيد ....ومرة جاب مي شربت وغسلت ....وكل شوي يكول انزلج يقيسون ضغطج بشي صيدلية

لالا هو احنة رايحين للمستشفى ...

وصلنا الى ان شفت الموت ....طبينا اسحل بروحي .....اتصلت بمصطفى وطلعلي ....

اني وصلت وشبه متأكدة حجي مصطفى مو حقيقي

حلفته مصطفى بالله عليك حمزة شونه

يمعودة شبيج وجهج عبالك طالعة من انفجار زين ...زين والله

ايهم الولد الي جابني كاله اي والله كل شوي اكول هسة تفقد الوعي باعجوبة وصلتها هيج ....

رحنا لغرفة الضماد .....واشوف حمزة ....

يتبع

مفخخه غيرت حياتي حيث تعيش القصص. اكتشف الآن