#بقلمي_اية_الراوي
طبينا للصالة وكعدنا ....كال
شوفي رشا اني اعرف سبب موافقتج ولدج وبس وهذا الشي ماكو احد يأخذج علي ....واني مقدر تماما هالشي .....انتي محروگ قلبج على زوجج ....بس ترة اني هم محروگ قلبي اضعاف على اخوية الي هو اقرب اخ الي وانتي تعرفين هذا الشي .....بس انتي امام الناس زوجتي وملزمة مني بواجبات ...تعرفين نحاستي بالنسبة للملابس وترتيبهن ونظافتهن وكويهن وهالامور ولو اعرفج مرتبة ....وانتي تعرفيني اسبح باليوم مرتين واكثر بعز الشتا ....الصبح اني متعود اتريك يلة اطلع ضروري وهذا الشي اريدج تتلتزمين بي ....هذا كلشي بالنسبة الي وماكو شي خارج عن ارادتج وعد ....
اوك .....اني حاضرة لكل طلباتك ....وما اقصر ان شاء الله واشكرك على تفهمك ...بس اني اسود ما انزعه حتى يكون عدك علم
وين ونومتي اكو غرفة خصصت الي .....
اكو غرفة حمودي بيهة سريرين وكنتور ثلاث بوب تكدر تستقر بيهة قصي جان ينام بيهة اميرة دخلتلك غراضك بغرفتي هسة اخليهة بغرفة حمودي ....
خوش تمام لعد اريد اسبح ممكن تحضريلي ملابسي ....
ان شاء الله .....رحت سحبت الجنطة مالت ملابسه وخليتهة بغرفة حمودي ....طلعت ملابس بيت وملابس داخلية وخليتهة بالحمام وبرنص ....جنت اصرف عادي رغم جنت احس بتأنيب الضمير اتجاه خالد وحمزة بنفس الوقت .....
رحت نمت جنت تعبانة رشيت من عطر خالد على ملابسي ونمت ما اعرف انام الا اذا اشم عطره .....
كعدت على حمودي يفعس على رجلية ديصعد يكعدني
ها حبيبي شكو اليوم نشاط كاعد من دون ما اكعدك .....فدوووة لهالوجه
ماما عمو حمزة يكول خلي ماما تكعد راح تجي بيبي وامورة ....
اوك حياتي كايمة ....تنهدت تذكرت واقعي الجديد .....لبست دشداشة سودة ردن وذبيت الشال من دون لف على راسي ....
صبحت علي جان بالصالة طبعا سابح من الصبح ....عفية عالوسواس ....وكام حمودي يجر بية يريد اسويله حليب ...اخذته ورحت للمطبخ اسولف ويا واشاقي ....وحسيت حمزة واكف ومتنجي عالباب رفعت راسي ...
هسة اسوي ريوك بس اكمل لحمودي ....ما اتأخر ..
ريوك راح تجيبه امي ....بس ممكن تغيرين ملابسج وتلبسين شي ابيض مو علمودي عمتي راح تجي وما اريد تغثج ....
عادي متعودة عالمغثة مو جديدة علي .....
رشا ما احب العناد ممكن تغيرين من تطلع ارجعي لملابسج هاي وبعصبية ...
متت قهر نغثيت ....من اول يوم گلب هاي شنو ...
شوي وندگ الجرص ....عبر دايطلع وهو ماشي طبي بدلي ما احب العناد كلتلج ...
رحت ادردم ....اتمنى اتولاه وابسطه ....لبست كلابية معلگته اميرة بيضة خمطت كلبي .....
طلعت من باب الغرفة واذا صوت عمته تهلهل ...
وجع شنو ما عدج بس الهلاهل شنو هالاحساس المرهف
طبيت للمطبخ سلمت على عمة واميرة وعمتهم وبالكوة تبوس اووووي عساس ميتة عليج
من الهوسة كعد زيودي بدلتله وطلعته حياتي يكيف عالشقاوة ...طلعت اميرة محضرة الميز وكلشي مخلية علي ....
كعدنا وطبعا عمته يمه اخذ هو حمودي يمه يطاعمه واني زيودي اني ملتهية وية زيد واوجه بحمودي وهاي عبالك جانت حاطة عينها علي واخذتها منهة تبسمر وتبسبس وياه وخبصتني يابةةةة شفسكانة ....
كملنا وكمت اخذت الجهال دا اغسللهم واكفة بالحمام وجتي عمتهم ...اني كبل كلتلها عمة فد دقيقة واكمللهم ....
يعني انتي دتكولينا انتي سبعة تستعرضين هالشي عساس همج اطفالج مو مهتمة بشي ثاني
رفعت راسي متعجبة !!!!!!
صفنت اردلها لو لا ....شوي كلت بگلبي وعليش ما اجاوب اشو لا هي عمتي دا اكول تسويلي مشاكل هي باجر تسافر ...
استعرض ليش شنو شايفتي بنية اول مرة تتزوج وكاعدة اتملوك لعيالي اذا ما تذكرين مرتين متزوجةة واذا مقهورة علي زوجي اول وحدة افرحلهة واخذت ولدي وطلعت ....
طلعت واذا بوجهي حمزة !!!!!!وجهه متغير منتجي على الحايط ...اكيد سمع كلشي ...رفعت حاجبي وهزيت راسي انو شكو ....ما جاوب ....
اووووي لعبانة نفسي ....رحت على اميرة مرتبة المطبخ خطية هالبنية شتحملت ضيم وياي ....
رجعت غيرت لزيودي ونگ باب الغرفة واذا عمتي كعدت تلعب وياه واني اغيرله وتحجي حلو وياي .....سبحان الله شنو هديتي ذيج علية وكمتي تجرين ناعم ....بس ما سألتني عن اي شي صار بيناتنا اني وحمزة
كعدنا بالصالة وهم هي بصفه وتبسبس ضجت كلش مو غيرة بس اكره تصرفات المكيودات .....شوي وكامو
شكد لحيت نسوي غدة ونتغدة سوية ماكو ....طلعو وحمودي جلب يريد يروح وياهم بلكوة جره وقنعه وطبينا بس وجهه معبس .....عرفت راح يرزل
يتبع
