#بقلمي_اية_الراويقررت اجاوب بموافقة .. ..بس هسة ماكو اي شي يستجد ....الى ان تمر على الاقل السنة الاولى على وفاة خالد
اطاهم قصي جواب وامي مثل الي رتاحت بس عمتي رجعت على طبعها بتشمر الحجي والمغثة عساس اني الي ردت السالفة
ورة تقريبا شهر بعد مرور السنة ....جانت الدنيا صبح قريب العشرة جنت هسة منيمة زيودي ...ودا اكوم انظف ....وصوت الجرص ....طلع قصي واذا عمي وحمزة .....
طببهم للاستقبال ...واجة كالي طبي سلمي ....حمودي كيف علمود جده وجانت يسمي حمزة بابا مرات اني انقهر كلش بس هو هم بمقام ابوه
بين الحياء بين القهر لان دريت اكو شي راح يصير ....
طبيت سلمت سلام عام
السلام عليكم وسلمت على عمو شونك عمو ....
دا اكعد وكال حمزة شون صحتج ام حمودي .....
جمدت تفاجئت وبصعوبة جاوبت .....
بدأ عمي يحجي بالموضوع وفهمني انو حمزة الي فتح الموضوع وهو اولة من غيره بولد اخوه ....
قصي من نفتح الموضوع اخذ حمودي ووداه بالصالة عالتلفزيون لان يشوش على الحجي
حمزة ما حجة كلمة يسمع للحجي مثلي ....شوي وعمو سألني شنو كتي عمي .....
شفت ماكو مفر من الموضوع لازم احجي ...
عمو اني بالنسبة الي لو ابقى كل العمر على ذكرى خالد اشوفها قليل بحقه ....بس حسب الي دينحجي انو اكو اطفالنا وما الهم ذنب لذلك فكرت بالموضوع حتى لا يجي يوم ويصير شي خارج عن ارادتي واحسب مقصرة ..... ولدي همة سبب قبولي
حجيج كله صحيح .....وحتى اثبتج احنة فكرنا بالموضوع علمود ولدج راح اسجل جزء الگاع الي بيتكم علي باسم محمد وزيد واسمج .....
لالا عمو اني ما اريد خلي باسمهم اذا هالشي يرضيك .
اي عمو هذي هديتي الج لانج ما فشلتيني وطعتيني بهالموضوع ....
طبعا حمزة ما علق ابدا يسمع وبس ....
اني شكيت مجبور لان ما حجة ....
عمو كال اني بالنسبة الي شغلي تم بقت شغلات النسوان هاي عمتج واميرتنا يجن يسوها ....خوش عمي ...
ما قصرت عمو ...الله يحفظك النا يارب ...سلمو وطلعو وحمزة ما حجة واني نقهرت علي والله حسيته مجبور
ثاني نهار عمتي جتي مكلوب وجهها واميرة خطية اول مرة ورة وفاة خالد شوي وجهها بي روح ....
عمتي .....حمزة شاب بعده .....ويستاهل احلى البنات ....بس هذا امر الله ....
اسمع وابلع لخاطر عمي بس خطية خاطره عزيز عدي ....
اميرة اخذتني للمطبخ وتعتذر وتكلي قدري وضعها ....هم حمزة بعده شاب ....وعاندها الا جهاز كامل الج كاي عروس وهي نقهرت بالزايد
اعرف والله عبالج اني ما مقهورة عليه ....بعدين انتي قنعي بلكي بلا جهاز ترة الله وكيل هذا الاسود ما انزعه بيوم .....
اتفقنا على اخر الاسبوع يجون نعقد .....
اني يقترب اليوم ويزيد قهري ومغثتي بس بعد ماكو رجعة
اميرة عزمت عمامهم وخوالهم واكو وحدة جيرانا قريبة جانت شوي مني عزمتها حتى يصير خبر للجيران ليش حمزة راح يسكن بيتنا ....
اجة يوم العقد ....الي كضيت الليلة الكبله بچي للصبح ...
يتبع
