بارت 9

10.9K 541 15
                                    

جانت اميرة مسوية حفلة وجايبة كيكة حلوة طبعا هي سوت تحسين معدل لان اول سنة معدلها ما جاب هندسة بغداد فجان طالع قبولها ومرينا على محل واخذنالها هدية وجنا متونسين

شكد لحت عليه يظل بس كال عدي شغل ....جانت حتى بنات عمامهم وخالاتهم موجودات .....

ورة ساعتين دك تلفوني .....واذا مصطفى يتصل ...استغربت

الو ...

من دون سلام كال رشا خالد وين ؟

هو بالشارع الفلاني عده شغلة ...ليش اكو شي ؟

ها لا ....يلة مع السلامة

سديته واتصلت بخالد بدگ وما يرفعه اول شي كيفت تلفونه شغال .....

كمت اتصل الى ان يفصل وارجع اتصل وگلبي بدا يوجعني كمت احس اكو شي مو زين

اميرة تتصل على الولد محد يجاوب .....بعد ما بينا روح ....الكل خاف عمة نخطف وجهها .....

حمودي بدأ يبجي ضاج ...اخذته بنت عمهم وطلعت برة جان زيودي عمره اربع اشهر نايم .....

اتصل واندعي يارب خير يارب ....

فوك الخمسين مكالمة وماكو اي جواب .....

مرت ساعة واكثر ومحد يجاوب او يتصل عمي طلع يشوف شنو صاير .....

ما بطلت اتصال ابدااا ....وما مليت بس بديت ادوخ من الخوف
اتصلت ونرفع الخط صحت رد والله جاوب
اسمع صوت هوسة واسعاف وجاوب واحد بس مو صوت خالد

الو العفو منو حضرتك ....هذا الجهاز منين جبتهة

جاوب وصوته مبحوح وشبعان بچي مبين كال اني حمزة ....رشاا خالد راااح ....ويبجي يصوت عالي

اني حسيت الدنيا ظلمة وسودة كمت اسمع مو واضح وعيوني غوشن ....كعدت على اقرب كرسي ....بس اريد اصرخ احجي اكول بس لساني عبالك جبل .....شافتني اميرة هيج عرفت صرخت يوووووم لحگي شمعة بيتج طفت.....

بدا البچي والعياط بكل البيت عمة وگعت كبل ويكعدون بيهة ....اني اريد يغمى علي ولا ابقى صاحية دموعي ينزلن بس صوتي ماكو اريد احجي اصرخ ماكو .....يحجون وياي بس اباوع بعيوني ...
ما بقى شي ما نكلب كل الفرح الي جان بالبيت والاغاني والونسة نكلب مووووت وقهر وحزن الالوان الحلوة الزاهية نلبسن فوكاهة عبي سود .....اجمي اهلي امي مرت معاذ رنا الكل تواسيني واني ما ارد بس بالدموع ....

ما لگوله جثة حتى...جان المحل اللي هو بي اقرب نقطة عالمفخخة هواي ناس ما لكوهة ....جان راكن سيارته بعيد والموبايل جان بيهة ....لگوهة الولد ....

طول الليل نواح والبچي واني ما نطقت بشي ولدي ما اعرف عنهم شي اسمعهم يكولون لرنا اطي حليب قواطي لزيد ....وجه الفجر اباوع شنون عمة ذبلانة وبالگوة خلوهة تخلي جسمها يتمدد....اجتي اميرة كالتلي رشا تعاي صلي الفجر واندعيله ....

اني كدرت انطق جنت اباوع على عمة كلتله اميرة الكل يبجي على خالد صح .....عمة ذبلانة عيونه علي ....

اميرة كامت تشهك وعلة صوتها ومتعرف تجاوب كعدت عمة على بجيهة .....واني اريد اوگف احس رجلية تصگطت

الناس تروح وتجي والي يسولف والي يبچي ....والولد ما لگوله جثة ....بقيت ايام واني اتمنى يكون شامره الانفجار بعيد واحد ساعفه وما يدرون مكانه ......اسمع مرات عمة تگول منفوس هالولد من يوم خطب الى موته .....ما جنت انقهر كمت اصدك بهالشي ....
مر اسبوع الي اجة من بعيد رجع والي يمنا بطل يجي هواي ....
عمي ما شفته .....

طلبت منهم ارجع لبيتي .....كالو يروحن البنات ينظفوا ....مقبلت لان ادري بيهم يريدون يشيلون اغراضه ....وما يدرون اني رايحة علمود اعراضه وعطره على الاقل اشتم عطره .....

بالليل اخذني قصي ورحت اني وماما ورنا واميرة ......من طبيت بچيت بصوت عبالك وقتها وعيت لان ما شفته بالبيت ....مرت ايام سودة ما اذكر منه غير القهر والبچي والغربة

رنا اضطرت تروح لبيتها .....واميرة خطية هلگت من الشيل والحط .....وتستحي لان قصي موجود ورة عشرة ايام ماما حسيتها حايرة شون تحجي وياي وتگلي تريد ترجع للبيت من اول يوم الحادث هي ما وصلت .....

كلتلها ماما تعبتي روحي للبيت رتاحي ....

شنون رشاوي ما اعروفج

يوم هذا عمر مو يوم ويومين قابل تبقين يمي .....قصي موجود واميرة تروح وترجع

اني خايفة عليج ....

لا تخافين اني متت بس جسد ...عايشة علمود ولدي ولة لو علية اتمنى اموت ...

شون اولي وانتي هيج حجيج ....

يوم رحمة لاهلج ماكو شي ....

راحت امي وكل واحد راح لبيته ولحياته وابو بيته موجود الا اني ....تيتمت ....

اكو ناس من يموتون يحس الانسان باليتم رغم مو امه ولا ابوه ...

يتبع

مفخخه غيرت حياتي حيث تعيش القصص. اكتشف الآن