#بقلمي_اية_الراوياني هبطت الي اعرفه من يعدلون العظم يوجع .....
بدأ يشتغل واني دموعي تنزل وهو جنابه يضحك علية ويكوله متزوج طفلة .....
كلت بگلبي وجع عليش هالضحك قابل دتجبس بحايط ....
كملنا بعد ما متت وجع .....طلعنا وطول الطريق ما حجة بس يستغفر ....واني زاد قهري فوك ما فطرلي ايدي وهمات ما اعتذر ....وصلنا نزلت من دون حجي ولغرفتي ذبيت نفسي عالسرير ....وكلت دا اشوف شيسوي ....
فد نص ساعة وسمعته اجة كبل ما يفتح الباب سويت نفسي نايمة ما اريد احجي بشي مقهورة كلش منه .....نام يمي ويحرك ايده على خدي .....
فتحي عيونج اعرف بيج كاعدة ....اني اسف ولو ما يفيد الاسف بس قدري وضعي اكو واحد هسة متزوج من الي يحبها والله يرزقه بطفل وتجيه مرته تكوله اريد انزله ما اريد منك طفل. .
واني مغمضة .....اني ما قصدت هيج انت ما خليت تفاهم بيناتنا كمت تصيح وتضرب هاي مو اول مشكلة ....تذكر كبل اشهر شسويت من طردتني من السيارة ....وكمت احجي واحجي وهو ضاج وكام كال ما منج فايدة بالنقاش وطلع ....اني متت قهر وقررت اروح لاهلي كمت شلت جنطتي وكلت اطلع من باب المطبخ لان هو بالصالة صوته .....
وصلت يم باب المطبخ دافتحه وصاح بأعلى صوته رشاااااااا.....اني مثل الصاعقة تفرغت بية وكفت بگاعي ....اجة وزم ايدي الثانية ....بحيث نرفعت على اطراف اصابعي وصرخ كافي شغل مراهقة وين رايحة بالليل. .....اني ما جاوبت بس داخلي رعب منه الظاهر بين على عيوني لان من ركز بيهن فلت ايدي وعافني وراح ......رحت للغرفة وكرهت تصرفاته هو مو كال بعد ماكو خوف .....ليش ديصرف هيج
بقيت بالغرفة فد ساعة ونص وهو ماكو ....درت جسمي وخليت ايدي على مخدة كانت كلش توجعني ....شوي ودخل اسمعه يبدل ملابسه ....شوي واجة يمي اني ما تحركت كلت بلكي يعتقني كافي صياح......ما احس الا خلة ايده جوة راسي وسحبني اله ....طبعاا وجعتني كلش ايدي صحت اخخ....
العفو حياتي اسف .....وجعتج ....
ما جاوبت ....
ممكن نحجي ترة اني طبعي هيج بعدج ما تعرفيني اني شكد هادئ شكد مو اضيع هدوئي من اصير عصبي .....ليش خفتي مني ....شفت الرعب بعيونج ....ترة والله اني ما جنت متوقع هالشي يصير بس قدر وصار .....
اني ما توقعتك هيج قاسي وسهل عليك الضرب ....
والله مو سهل بس الشي الي دتحجي صعب رشا والله صعب وهسة وبعد اكلج اني كلش اسف ...
نمت على ايده وما نگلبت لان بعدني بداخلي رعب منه خفت يبين بعيوني وينقهر ....اني دائما هيج العصبي استر منه وهذا اكبر خطأ .... لاني جبانة
حسيت عليه سحب ايده يمكن خدرت جنت بين نايمة بين كاعدة تقربت كلش علي وغفت لان ابدا ما اعرف انام الا بحضنه حتى لو زعلت منه ....كعدت واذا الوقت متأخر اباوع هو نايم ....شفت الساعة واذا قريب التسعة ....كعدته يرد بالگوة كال دزيت لصديقي ياخذلي اجازة ما نمت زين ...
