من كعدت الصبح ...... شفته متصل اربع مرات الفجر وباعث مسج ...يعتذر لان صار عده ظرف وما اتصل ....جنت مطفية كلش ...سحبت الغطى ورجعت نمت ....ورة فد ساعة كعدت على صوت الموبايل ....بالگوة جاوبت ..
الوو
الوو صباح النرجس بعدج نايمة ...
هههه صباح النور ....تعبااانة ما بية حيل اكوم ...
فدوة لكتكوتي نمردتي بالحلفة مو ...
اي والله كلش ....بس صدگ شنو هاي كتكوتي ....قابل اني طفلة ....
انتي طفلتي وما يهم عمرج ...
هههه اكبر طفلة بالعالم ..
اني اسف البارحة ما اتصلت بيج بالليل بس هذا المسودن حمزة اخوية طالع لاربيل من دون ما يطينا علم ونخبصنا نتصل وجهازه مغلق ....وين يلة فتحه وكال اني باربيل ...امي كلش خافت وتخربط وضعها ..
اوووي سلامتها ...ليش هو مو اجة للحفلة ...ايمتة كدر يطلع لاربيل ...
هو هذا المخبلني من دون مقدمات ....نلكاه بالشمال ...يلة اهم شي هو بخير الحمد لله
الحمد لله ....سلملي هلى عمة ...خطية نقهرت عليها ....
شوي وسديته وكمت ...حجيت لماما ..وكالت يااا لعد لازم اتصل على عمتج اسال عنها ...
والله تصلت وشوي سدته ....اجتي مكلوب وجهها ...
شكو يوم اكو شي ...
لا بس عمتج تخربط ...على منفسوف هالولد كل حفلة مصيبة ذيج بنتكم وهاي ابنا ....ادري قدر شنو داعي هالسوالف ...والله نغثيت ....
يبوووو ....والله عرفت راح تذبهة براسي ...حسيتها گوية هالمرة
انجبي ...عمتج هاي بلة حجي زايد ...مرة جبيرة وميصير تتطاولين
فهمت يمعودة ...اني اروح اشوف شي اكله احسن من هالمغثة عالريگ ..
مرت ايام العطلة وجان يجي خالد ويااابة شكد جان حنون وهادي فعلا ....باخر يوم بالعطلة كالي باجر اجيج للكلية ...اني تفاجئت ...
تجي للكلية ليش ...
شنو ليش حبي غير دا اشوفج ...اني ما صدكت يبدي دوامج دا اشوفج برة ...عمي مسوي علي حصار كلها بالبيت ...
هاااا ....مو حبي ماكو عدي اي مجال والله خاف عبالك اني من هذني الي كاضيها كافتريا وهالسوالف ...الله وكيلك كلها دراسة واستنساخ .....طبعا اني جنت اضوج من خطيب وحدة يجي عليها للكلية احسهة لواكة ....وما اكدر احجي اخاف يزعل عاااا
اي ادري حبي دراسة ومعرف شنو لعد تلعبون ....بعدين اني ما راح اطول ...
زين ليش ما تاخذني وترجعني مو احسن
شنو ما افتح الوجه خايفة ينصبون عليج البنات ربعج
هههه ...شنووو والله انت ...بس افهمني حبيبي ..
