بارت 2

15.2K 673 31
                                    

#بقلمي_اية_الراوي

بابا اني بس عندي استفسار ....هو بالنسبة لدراستي شنون ؟

حبيبتي منو اجة يم دراستج .....اني ناوي اخذ كلام منه يخليني اطمئن على دراستج ....بعدين بابا احنة قررنا الزواج مو هسة بعد ما تتخرجين ...

لعد بابا علويش نسوي خطوبة هسة لمن زواج ماكو .....بابا اني اخاف يأثر هذا الشي على دراستي والا اني شعدي وية الولد

لالا بابا احنة ما يصير نفرط بولد بمواصفاته ...بعدين انتي ليش من هسة خايفة من شي ماكو اله اي وجود ....

اي بنتي شكلتي .....

ممكن اخذ وقت اكثر  افكر بي ....لو اعتبر هذا الموضوع محسوم ....وموافقتي تحصيل حاصل

ما مقبولة منج رشاوي اني بنتي حبيبتي اجبرهة على شي والله مو هذا عشمي بيج

اسفة بابا حبيبي بس والله احس ماما كلش متحمسة وراح تقنعك وتقنعني غصب

لالا بابا اخذي راحتج وفكري ...بس ارجع واكلج الولد خوش ولد ...

ان شاء الله بابا .....

كمت واني اشوف بابا لاول مرة معجب بشاب بهالوقت وبأدق التفاصيل يحجي عنه .....صراحة اني عجبني من مواصفاته انو يحب الهندسة ويطبق حبه بشغل حلو ...لان بابا كالي بيته هو باني والتصميم روعة وكثيرين بعد ما شافو تفقوا وياه على شغل .....وشغلة الخ عجبتني بيه الاسم ...😍😍 اني احب اسم خالد ...

اجت امي من برة وساعدناها بالعشة اني ورنا وكل شوي تذب حجاية تريد تعرف شحجيت اني وبابا واني اغلس ....

كملنا عشاء وكملنا تنظيف المطبخ اني ورنا ورحت للغرفة ورة خمس دقايق امي صارت فوك راسي .....

اي عفية برشاوي الوردة الي خلت عقلها براسها وسمعت النصيحة

ماما الي يسمعج يكول مجنونة اني ....ههههههههههه

اذا ما وافقتي على هذا الولد تثبتين انج مجنونة صح ....

راح افكر واطيكم الجواب بس فدوة ممكن مجال شوي ....

اي مو هوة تصميم  دترسمي جنابج ....راح اطيج مجال يومين ثلاثة .....

لا ماما فدوة فد اسبوع هيج لان عدي امتحانات وما اريد يصير شي قبل ما اكمل امتحانات الكورس ....

هسة بس كوليلي اكدر اعتبر اكو موافقة مبدئية عالولد

امممممم ان شاء الله ....

كامت ماما وبوستني وتكول مبروك يا عمري ان شاء الله يوم افرح بيوم عرسج ....وراحت .....

اني ورنا وحدة تباوع للاخ ونضحك ....

لج رشا مو كتلج امي راح تفوز بهالمعركة ....

خرررب والله ماما ولا الاف بي اي ....شنو رايج انتي بالموضوع فدوة رناوي انصحيني ....

مفخخه غيرت حياتي حيث تعيش القصص. اكتشف الآن