الجزء السادس
توفت ديما وبقينه بس مسولها فاتحة مثل تقاليدنا اجاهم كم شخص ولالطم ولاشي بس دزوها للكنيسه وبعدين دفنوها يعني حتى محد لبس اسود بس اول يوم عجيب غريب احنه تقاليدنا تختلف سمر دتحجي ويه ماري سمر اخذت فهد بحضنها وبقت يمه بغرفته يومين متخلي يطلع هو عرف والدته ماتت بس وجود سمر بقربه هون عليه الحزن فهد حمامة انتي صرتي ماما مو سمر باوعتله شجاوب هذا الطفل شحجي بقيت اسولفله قصه بنيه اخذوها من حضن امها وحرموها من ابوها ودموعي تنزل حجيتله قصتي للطفل محنت اعرف ذياب جان كاعد يسمع لحد ماغفى وكمتاريد اعوفه واطلع جان يدخل ذياب ليش هيج تسولفين الهذا الطفل متشوفي كلبه معصور على والدته انتي شنو معندج احساس باوعتله واني من حرمتني من اهلي ومن ريحة امي ومن حضنها شنو معندك احساس شوكت يخلص عقابك الي شوكت توفي الدين البركبتك لاخوك المرحوم وتعتقني باوعلها من تسوين الي طلبته مج والدتي سمر مصدومة شنو والله نحوم السما اقربلك اني اتقزز منك اكرهك اموت منك ذياب حضري روحج باجر نسافر انتي وفهد تروحون وياي مابقيكم هنا عندي شغل بامريكا اسبوع نبقى هناك اشتريتلج ملابس تليق بالمكان مو ترحين لابسه هاي الملابس المخربطه وحجاب ماكو سمرشنو لو تموت مانزع حجابي افتهمت لو لا سحبها من ايدها وخلاهن برى ظهرها وهمس باذنها لتخليني افقد اعصابي صيري عاقله ترى تلحين ديما صدكي سمر دموعها تنزل عوف ايدي توجعني ماشي ماعاندك بس اتركني ايدي نكسرت وكعدت بالكاع تبجي باوعلها ابقي لابسه الحجاب ماجبرج عليه وطلع شنو من بشر هذا حيوان هسه رمضان العالم صايمة بقى يومين عالعيد اتمنى اعيد يم اهلي دخلت ماري بايدها جنطه هاي من السيد ذياب ملابس ونطيني ملابسج القديمة طلب مني احركها سمر لويموت مانطي هاي ذكرياتي بيها واهلي وريحتهم بيها امشي طلعي مانطيهم طلعت الجو ثلج والدنيا كلش بارده تتمشى بالحديقه سمر ورجليها اخذتها على مكان شجرة زرعتها هيه وديما مرة قبل لتسوء حالتها تذكرت ديما من كلتلها الشجرة هاي حتبقى واني اموت جانت تعرف نفسها تموت كعدت يم الشجرة وبجت تذكرتها شلون تعاني وتبجي وتذكرت كلامها من كلتلها لتبقين سجينه اله تحرري منه طلعي من حياته نهايتج مثل نهايتي اذا بقيتي يمة سمر تصيح وينج يوم وينك يابة وينك حمودي ليش تخليتو عني شافت ذياب فوك راسها تردين اهلج اهلج دفنوج ليش متفهمين اهلج باعوج ولاسالو عليج سمر انته جذاب واحد حقير جذاب ماريد نهايتي مثل ديما اعتقني عوفني اروح سحبها من ايديها بكل قوته تعاي شوفي وسحبها للمكتب كعدي صاح عليها بصوت عالي فتح اللاب توب مالته فتح صفحة الفيس وطلع صفحة اخوها احمد تعاي شوفي تعزيه من اصدقاء اخوج بياتريخ باوعي من طلعتي منهم نصبو فاتحتج سمر مصدومة جذاب دخلت على صفحة صديقاتها نفس التاريخ تعزيه وحداد على روح سمر دفنوني بالحياه دفنوني اهلي ليش سحب الابتوب منها يلا روحي نامي كامت تريد توكف الدنيا فترت بيها ووكعت شالها قاس ضغطها هابط عرف هيه صايمة ولسه مماكله شي شالها لغرفته وخلالها مغذي يباوع عليها شكد دتعاني ولسه حتعاني يباوع عليها شكد حلوة شكد ضعفانه اكيد لان متاكل بس نايمة وتنتفض بين فتره وفتره من كثره البجي خلاها بحضنه ونام اول مرة يحضنها صارلها ٧ اشهر يمة اول مره يحضنها حضنها وبقت نايمة دخلت والدته وشافته هيج حاضنها ويلعب بشعرها كلش طويل وسرح ام ذياب جنك وكعت وحبيت يمة ذياب تدرين بيه من قبل شهر كتلج حبيتها بس ماريد اتقربلها اصلا هيه تكرهني يامه عاقبتها وضربتها ياما حبستها بغرفتها بالبرد يامة عفتها بدون اكل ايام ياما ضربتها بالحزام لسه اثرة بظهرها والدته غير معاملتك وياها لاتخسرها بعد الوكت مافات فهد يحبها ومتعلق بيها ذياب ماكدر انيى اخوها قاتل اخوي احسها هيه لازم تدفع الثمن ام ذياب كامت طلعت وصلت يم الباب اذا بعد ضربتها اني حذرتك ارجعها لاهلها غصبن عنكوطلعت ذياب بقى يشم بشعرها فرت لكيته محاوطها بايده ونايم طفرت مرعوبه سحبها قوي مكدرت تقاوم ايدي ضعيفه هو اقوى منها استسلمت ورجعت نامت ودموعها تنزل سكته صبح الصبح وطلعو فهد وسمر ويه ذياب سمر لبست بنطرون جينز وبدي اسود وحجابها مانزعته بس جانت كلش مرتبه بيهن ام ذياب طلعتي سمر ثانيه وين جنتي ضامة نفسج بالدشداشه وضحكت سمر طول الطريق متحجي وياه بس تلعب ويه فهد وصلو لشقه كلش حلوة مكانها عالبحر تخبل وبيها بلكونه تشوف منها الناس والبحر منظر روعه بدلو وتغدو وطلع قبل ليطلع بالليل اخذكم افركم انتي وفهد هسه لتطلعون ابقو هنا عافهم وطلع اخته وخطيبها هم جانو هنا خطيب اخته علاء شافها واكفه بالبلوكنه عيونها وطولها وشعرها جانت ملابسه حجاب عبالك لوحة هو عندة هوايه بالرسم طلع فرشاه وعالسريع رسمها بقت واكفه لحد ماكعد فهد واجةحضنها وشالته جتي خطيبته شافته يرسم بيها ليش اني عمرك مافكرت ترسمني وهاي الخدامة ترسمها باوعلها علاء هاي زوجة اخوج مو خدامه كافي تتهجمين عليها مممم لازم عاجبتك مو عافها وراح اني رايح انتي ابقى باوهامج بقو اسبوع بامريكا تونست سمر نست روحها فصليه وطلعهم ذياب لهواي مكانات واخذلهم صور وفهد ميفاركها ابد اذا بجت يبجي عليها وابتسمت يبتسم الها سمر تعلقت بي وبدت تنقهر على حالته كل مايوكع وتجي حالة الاغماءتتذكر شرطهم تجيبله اخ الفكرة وحدها تخوفها وترعبها رجعو للبيت ورجعت الحياتها مال الخدمة والتنظيف والقهر ام ذياب تحجي ويه بنتها انتي شبيج ماما صلي على محمد ليش تظلمين البنيه اكلج علاء يحبها والله وكامت تبجي سمر بالحديقه تزرع بشتله اجته ساره اخته سحبتها من ايديها وضربتها راجدي بدون مقدمات سمرمصدومة ساره عندج علاقه بخطيبي مو اكيد لان هو راسمج ومعجب بيج وكاتب عالرسم The broken angel سمر اذا مكسوره اني فماكو احد يداويني وامشي منا لافقد اعصابي عليج باوعت ذياب كدامها ساره ركضت عليه تمثل تبجي هاي الخدامة الحقيره عدها علاقه بعلاء شوف شكاتب عليها وراسمها علاء يحبها ذياب عيونه كامت تتطاير شرار باوع السمر عرفت راح يضربهاسمر والله ماعرف شتحجي شوكت شايفته خطيبج ليش تتبلين عليه ذياب صارت كباله ديما والفيديوات مالتها من هيه تخونه بحضن غيره وفقد اعصابها سحلها من شعرها وبده يضرب بيها بالحزام وبعدين طلع حبل وربط ايديها وسحلها بالكاع من الحديقه لغرفتها والكاع كلها شوك مال زرع ملابسها تملخت من الكاع وضهرها ورجليها دمايه ورجع ضربها بكل قوه ساره خافت راحت صاحت لامها كلتلها ماما ذياب كتل سمر امه ركضت بس مفتح الها الباب راسها بقى ينزف لان ضربها بالحايط لحد مانفتح ثقب براسها هنا هيه فقدت وعيها وتون كعد بالكاع باوعلها يمكن ماتت فتح الباب لوالدته وطلع من البيت راح جابلها علاج وضمادات رجع مالكاها بغرفتها صاح على ماري كلتله بغرفه والدته راح الها والدته الله لايوفقك ليش هيج سويت بيها ليش انته مو بشر انته حيوان ذياب بدون كلام بدى يخيط بالجرح براسها وضربها ابره مسكنه ونطه لامه ضمادات كلها ضمدي رجليها وضهرها ووجها ام ذياب حاضنتها وتبجي عليها نقهرت عليها كالت لازم توفقين عالشرط سمر حتى تطلعين من هالسجن وبقت الليل كله كاعده يمها تقرالها ايات وقران كل ماتكعد تصرخ والله ماسويت شي عوفني لاتضربني وترجع تغفى
للحكايه بقيه
أنت تقرأ
فصلية بنت شيوخ
Romanceفتاة يقوم اخاها بقتل شخص فتضطر أن تضحي بنفسها من أجل انقاذ حياته لتبدأ رحلة من الألم والحرمان مع ذلك الجلمود القاسي فهل سيأتي اليوم الذي تتحرر فيه أم تبقى مسجونة الى الابد للكاتبة ودق القريشي قصة منقولة ملاحظة / الوصف غير منقول ?
