فصليه-بنت-شيوخ
الجزء الخامس
ذياب كاعد يباوع على فهد وسمر وشلون يلعب وياها وفرحان مجان هيج فهد قبل لتجي لبيتهم سمر فهد تعلق بيها فجأة شاف فهد وكع وسمر تصرخ ركض عليهم وشال فهد سمر تصرخ شبي ليش هيج وكع جنه نلعب وفرحان والله العظيم ماسويتله شي وتبجي خايفه من رده فعل ذياب شافته يضرب بي على راسه على كيف وينفخ بحلكة شويه وكعد فهد سمر مصدومة شلون تعرف هيج لازم تسويله باوعلها بيش مو تدرين اني طبيب لو حمار كدامج دنكت ذياب فهد من ولادته عرفنه عنده خلل بالنهاع وهذا الشي ياثر على عيونه ودماغه سويناله عمليه من الحبل السري ونخاع امه ونجحت بس كالو لازم عمليه بعد من يصير عمره خمس سنوات وهالشي لازم لو من امه لو من اخوه سمر عرفت امه متكدر لان احتمال تموت واخو منين اله اخو هنا صارت رجفه بجسمي من الخوف تصورته يقصدني اجيبله طفل خفت وطلعت ركضت كعدت بالمطبخ اصلا هو اني مكاني لو اكعد اكل بالمطبخ لو بغرفه البرى مال العمال بس حيل كلبي معصور على فهد حرامات ليش هيج بالليل نزل ذياب ماري وينج تعاي اجته ماري انتي وسمر تغيرون لديما وتحضرون ملابسها التحتاجها لان اليوم موعد الغسل مال كلياتها سمر من سمعته كلش نقهرت عليها تذكرت كل شهر ناخذها يسولها هيج وتجي تعبانه وبس المهدئات تسكتها حالتها حيل صعبه كلت بكلبي معقوله متحس بالذنب اتجاهها حسبي الله ونعم الوكيل صادفت بيها رمضان الانس صايمة اول رمضان الي بعيد عن اهلي بقيت ابجي وينج يوم وينك يابه مشتاقتلكم رمضان اجة واني مو يمكم ليش هيج ليش نسيتوني ليش بقيت ابجي بغرفتي الحد مانمت كعدت على صوت ماري كعدتني تعاي فهد يريدج باوعتلها وين ذياب كلتلي مارجعو لسه باوعت الساعه٢ بالليل اول مره هيج يتاخرون من ياخذوها الديما ماري كلتلي راح يجون اهل ذياب والدته واخته وخطيبها حيل تكأبت اخته اضوج منها والدته مالعا شغل شفتها مرة وحده وجانت حاقده عليه لان اخويه قتل ابوها ضناها بس هيه حيل متدينه وتخاف ربها اكيد متخاذني بذنب غيري وتحقد علية طلعت ورحت ويه ماري للمطبخ كتلها خلي يجي فهود لهنا ماريد ادخل واشوفهم اصلا همةميردون خدامة تكعد يمهم ماري راحت تجيب فهد واني جنت جوعانه جنت صايمة ومافطرت لسه كعدت اكل تفاحة وقطعه توست اجتي ام ذياب تشرب مي باوعتلي ام ذياب ها شلونج سمر شنو صايمة جاي تتسحرين باوعتلها الحمد لله الي جاي افطر وهم سحور من تخلصين تعاي وراي لغرفتي عندي كلام وياج باوعتلها بقلق ماشي شويه ورحت وراها الغرفتها ام ذياب دخلي وسدي الباب وراج كعدي بقت تباوع على سمر بعدين سالتها شنو دياب بالنسبه الج باوعتلها سمر باستفهام شنو شبي ام ذياب اني اسالج شبي شو تصرفاته متغيره وصاير ميسافر ويترككم وحتى قبل شهر كالي ارجعج لاهلج سمر طفرت صدك والله خاله شوكت وكامت تبجي كالتلها قبل شهر وبعدين غير رايه كال لا عوفيها لان فهد محتاجها سمر شوفي خاله ابنج هذا المتوحش لو يموت مايطول اضفري مو يلمسني ولا يحلم اجيبله طفل يعالج ابنه خل يتزوج ويعالج ابنه ام ذياب بس انتي هم زوجته سمر لا اني جاريته مو زوجته ومستحيل اكون زوجته خليني خدامة ارحملي من كلمة زوجته انسان متسلط وحقود ام ذياب بس هو مجان هيج صار هيج بسبب ديما لان تمرضت بسببه تمرضت بسببه سمر اي لان حيوان عيشها بظلم وضرب لحد ماوصلت لحالتها هاي ام ذياب منو كلج هذا الكلام كلتلها دبما حجتلي كلشي المسكينه باوعتلها ام ذياب مكالتلج شنو السبب هيج يتصرف وياها تدرين ذياب جان انسان طيب وحنين بس بسبب ديما صار همجي متوحش ديما تزوجها رغبه لوالده لانها بنت صديقه وحب يامن عليها عدنا بس بعد فتره الزواج ذياب عرف بيها جانت عدها علاقه بشخص قبل الزواج وبقت وياه حتى بعد الزواج واكثر من مرة تكول لذياب اني لسه احبه ومستحيل انساه وبس هو كبريائة وغروره منعه يطلكها وتروح لحبيبها السابق وتاخذ ابنه وبيوم من الايام مارجعت ديما للبيت يومين وذياب وابو كلبو الدنيا عليها وبعدين اجتي وجها وجسمهاكله ازرك طلعت رايحة لحبيبها وضاربها ومربطها ومراويها انواع العذاب حتى تنطي فلوس وساحبتله فلوس من البنك يلا عايفها ومصورلها فيديوات فاضحة بقى بين فتره وفتره يستفز ذياب بيهن وياخذ فلوس حتى ميفضحها كل هذا وذياب ماطلكها الخاطر ابنه وصدكي هيه من يومها بقت عايشه عالمهدئات صح يضربها بقسوة كام لان كرهها بس هيه الذنب ذنبها وهسه دفعت الثمن لتحملين ابني ذنب وافعال غيره سمر بقت مصدومة من كلامها والي سمعته اي وهسه شنو المطلوب مني اني مالي علاقه بحياتهم الشخصيه ام ذياب اذا تردين ترجعين لاهلج ويعتقج ذياب لازم تجيبلية طفل لان مستحيل يتزوج واني اريد فهد يتعالج انتي قرري وها اهم شرط ماتنسي الطفل التجيبي تنسي يبقى عدنا وترجعين لاهلج مثل ماخذناج طلعت سمر مقهوره ليش هيج هذوله منين الهم هاي القسوة انطيهم ضناي اخلف واعيفه الهم ابقى اخدم ولا اخلي هذا السافل يمد ايده عليه
للحكايه بقيه
أنت تقرأ
فصلية بنت شيوخ
Romanceفتاة يقوم اخاها بقتل شخص فتضطر أن تضحي بنفسها من أجل انقاذ حياته لتبدأ رحلة من الألم والحرمان مع ذلك الجلمود القاسي فهل سيأتي اليوم الذي تتحرر فيه أم تبقى مسجونة الى الابد للكاتبة ودق القريشي قصة منقولة ملاحظة / الوصف غير منقول ?
