Trapped (Book 1)

Kabanata 11

Kabanata 11: Hate

Hindi ko alam kung ano ang gagawin ko. Hindi ko kayang sabayan ang titig ni Blaze. Nanatili akong nakatayo at nakatungo sa sahig. Ramdam ko ang titig sa amin ng mga tao rito. Hindi ko alam kung ano ang mas nakakahiya, ang mismong prof namin ang nakahuli sa amin o si Blaze.

"This is cheating..." Blaze whispered. Ramdam ko ang pagkadismaya sa kanyang pananalita.

I want to defend myself but I don't know how. Wala akong kasalanan. Biktima lang din ako.

"I didn't cheat," I heard Ryde answered. Halos pabulong lang ang lahat ng lumalabas sa kanilang bibig habang ako ay hindi man lang kayang ibuka ang bibig.

Naramdaman kong kumilos si Blaze palapit kay Ryde. Hindi ko naiwasang mapatingin sa kanya. Nakangisi si Blaze habang mahigpit ang hawak sa notebook ko na halos malukot na.

"Then , what is this?"

Hindi nakasagot si Ryde na naka-poker face lang. Galit ako kay Ryde at hindi ko alam kung paanong galit ang nararamdaman ko. Kung sa tingin nya ay laruan ako, nagkakamali. I am not one of those bitch begging for his attention.

"Let's talk about this later. Please go back to your seats." May diing sinabi ni Blaze bago pumunta sa table nya sa harap. Naiwan kaming dalawa ni Ryde na nakatayo.

Lumapit sa akin si Ryde. Seryoso ang mga mata nitong nakatingin sa akin. Hindi ko alam pero naiiyak ako sa mga sandaling ito. Naiiyak ako sa galit. Naiiyak ako sa ginawa ni Ryde.

"Chels?" Mabilis na hinawi ko ang kamay ni Ryde. Naglakad na ako papunta sa upuan ko. Iniwasan ko ang mga tingin ng lahat. Alam kong wala silang alam sa nangyayari at mas magiging kahihiyan kung malalaman nila.

Nagtanong si Jean ngunit wala syang nakuhang sagot sa akin. Buong klase ay nakatitig ako sa aking notebook, wala akong magawa kundi ang makinig na lang dahil ayokong magtagpo ang tingin namin ni Blaze. Hiyang-hiya ako sa nangyari.

Matapos ang klase ay naunang lumabas si Blaze. Ang susunod na subject namin ay sa computer laboratory gagawin kaya unti-unti na rin naglabasan ang aming mga kaklase. Hindi ako kumilos dahil hinintay kong lumabas din sina Ryde at Jude. Nanatili ang tingin ko sa pinto, ayokong tumingin sa likod.

"Chels? Wala kang balak magligpit?" Biglang tanong ni Jean nang mapansin na hawak ko pa rin ang notebook ko. Kinuha ko ang bag ko at dahan-dahang nilagay ang mga gamit ko do'n.

Kami na lang ni Jean ang andito ngunit hindi pa rin lumalabas sina Ryde. "You okay? May nangyari ba?" Jean asked again. Pilit kong umiling.

Naghintay ako ng ilang minuto bago narinig ang paggalaw ng upuan sa likod. Akala ko ay aalis na sila ngunit si Jude lang pala. "Una na ako," paalam nya sa amin. Hindi ako tumango. Nanatili akong nakaupo at pinapakiramdaman kung susunod ba agad si Ryde.

"Chels? Mauna na ba ako?" nag-aalalang tanong ni Jean.

Hinawakan ko ang braso nya para pigilan sya. "Tara?" aya ko sa kanya.

Inayos ko na ang bag ko. Nauna lang si Jean na pumunta sa pinto. Hahakbang na sana ako nang may humawak sa braso ko. Hindi ko alam kung bakit pero hindi ko napigilan ang sarili ko, sinampal ko si Ryde. Nag-init ang mukha ko sa galit. Nanatili ang pagkakalmado ng kanyang mukha. Namula ang kanang bahagi ng pisngi nya dahil sa ginawa ko.

"Hey, easy." Awat sa akin ni Jean.

Sobrang bigat ng paghinga ko. Masama ang titig ko kay Ryde na kalmado pa ring nakatingin sa akin.

"Just... Just leave me alone, Ryde."

Hindi ito kumilos. "Should I say sorry?" he asked. Natawa ako sa sinabi nya, wala akong pakialam kung naiinsulto ko na sya.