Resort
Almost 1 week. Sa isang linggong lumipas puro assignments at pag p-practice sa ASH ang ginawa namin. Nababaliw na ako sa totoo lang.
Sobrang sakit kaya sa katawan at the same time pati sa utak ko! Sa loob ng isang linggo rin ay walang naging progress sa pag kamatay ni Aeris.
Minsan tuwing gabi ay sumasama ako kay Selene palabas upang tulungan siya sa pag hahanap sa taong hinahanap niya kahit hindi ko alam kung sino ba. I don't have any idea.
Palagi kaming nag a-akyat palasyo sa tirahan nila Aeris, mga dalawang beses namin yun ginawa sa loob ng isang linggo para maka kuha ng kahit ano, pero wala kaming makita na makakapag-sasabi na hindi si Selene ang pumatay.
"Mahal na Hera, hinahanap na po kayo ni prinsipe Lawson." ani ng kasambahay sa akin.
"Maya-maya na lang ako ba-baba," sambit ko. Itinaklob ko ang kumot sa akin mukha, naramdaman ko ang pag-labas niya.
Sobrang sakit talaga ng katawan ko!
"Euphie! Papasok pa tayo. Gumising ka na jan." sigaw ni Selene.
"Pwede bang hindi muna pumasok? Tinatamad ako!" sigaw ko pabalik sa kanya. Naramdaman ko ang pag upo niya sa aking kama at pag-alis niya ng aking kumot.
Nagulat ako ng makitang hindi iyon si Selene. Mabilis nitong inilapit ang mukha sa akin at hinalikan ako sa noo.
He smiled to me.
"Magandang umaga sa aking binibini," aniya. Napakagat ako sa ibabang labi ko at dahan-dahang itinaas ang kumit upang matakpan muli ang aking mukha.
Pucha! Ang aga naman akong pakiligin nito!
"Umalis ka nga jan," sambit ko. Mahina siyang tumawa at muling ibinaba ang kumot upang makita niya ako. Inirapan ko siya at iniwas ang tingin ko sa kanya.
"Alis na jan babangon na ako,"
"Arte ha, gusto mo pa talaga ng halik para gumising ka?" napatingin ako sa pintuan at nakita si Selene na nasa pintuan habang nakataas ang kilay sa akin. Napanguso ako.
"Babangon naman na talaga ako!" sambit ko at mabilis na bumaba ng kama at nagtungo sa banyo.
Narinig ko pa ang tawa ni Selene at ang pag u-usap nilang mag kapatid tungkol sa akin.
Ewan ko ba jan sa dalawang yan. Minsan mag kasundo, madalas hindi.
Natapos akong maligo at mag ayos ng sarili, sobrang sakit talaga ng katawan ko pero kailangan ko makipag participate lalo na sa ASH.
Pumasok sa loob ng kwarto ang kasambahay, inabot niya sa akin ang uniporme at ang pinakuha kong palamuti sa buhok.
Nang makuntento na ako sa aking sarili ay humarap ako sa kasamabahay na nakatayo sa may pintuan.
"Okay ba, Denise?" tanong ko sa kanya. Ipinakilala siya sa akin ni Selene, bilang magiging personal na kasama ko. Personal assistant ganon?
Noong una sabi ko ay huwag na pero ipinilit pa rin ni Selene. Halos ka edadan ko lang itong si Denise as in bagong pasok lang siya dito sa palasyo.
