How to Break a Heart (To be published by LIB)

Five

 Allie

Sobrang bored na bored ako sa klase namin. Pakiramdam ko nga ay isang pikit ko lang, makakatulog na agad ako sa sobrang boring ng klase. I raised my arm and my professor stopped from talking.

“Yes, Ms. De Guzman?”

“Pwede pong mag restroom?” nahihiya kong tanong.

“Ms. De Guzman, pang-apat na beses ka ng magpapaalam papuntang restroom. Hindi kaya matuyot na yang urinary bladder mo sa pagpunta mo ng restroom?” may ilang tumawa mula sa mga blockmates ko kaya hindi ko maiwasang mamula sa hiya.

Ipinilipit ko ang binti ko. “Sir–I really, really have to pee.”

“Hindi kaya nakikipagkita ka lang kay Mr. Chua sa labas?” my classmates howled at mas lalo akong namula.

“H-hindi po. May klase po ngayon si Dominic sa kabilang building, room 594.”

“Alam na alam.” may nang-asar pa.

“Natural, boyfriend niya eh.” pagtanggol sa akin ng isa.

“Tiisin mo na lang Ms. De Guzman, thirty minutes na lang naman.” sabi ng professor at napakagat naman ako sa labi ko. Tiisin? Hindi ba niya alam na sasabog na ang pantog ko? Kasalanan ko ba na sobrang active ang bladder ko ngayon?

“Sorry, sir.” tumayo ako, kinuha ang bag at matapos ay nagmamadaling tumakbo papuntang pintuan.

“Ms. De Guzman!” he shouted.

“Sorry po talaga Sir!” then I ran off. Hindi ko isinara ang pinto a tumakbo na sa pinakamalapit na girl’s rest room. May ilang tao pa nga akong nabunggo pero kailangan ko lang talaga mag restroom. Yari ako sa susunod na class namin dun, pero paano ba naman kasi! Ayaw pa ako payagan. Kita naman na madalas constant ako umihi.

I sighed in relief when I sat down at the toilet. Pumikit pa ako para feel ko yung pagrelease. Maginhawa kaya sa feeling yung punong-puno na yung pantog mo tapos ilalabas mo lahat. Eka–why am I even talking about my bladder? This is digusting.

“Oh? Narinig mo rin yun?” kasabay nito ang pagbukas at mabilis na pagsara ng pinto. May mga nagci-click na takong sa tiles ng banyo. Napadilat naman ang mga mata ko at hinintay ang susunod na sasabihin nung nasa labas. I think I’m starting to have a bad habit of eavesdropping too.