A Very Special Romance (BOOK 3 COMPLETE)

Chapter 42

"Talaga lang, ha? Kung sasama siya..."

"And, why naman hindi?"

"Sinaktan mo siya," KAINIS NA TALAGA SIYA!

"Again, you don't know the story. Kaya huwag kang makialam sa usapang mag-asawa," hinahamon ko siya sa mga pataas-taas ng kilay ko.

"Pirmahan mo na," baliw na siya. Sabi ng hindi, di ba halata! Obssess to kay Eros.

"Fangirl ka ba? Kating-kati kang mapapasayo si Eros, ha. Desperada ka. Masamang maging desperada sa isang bagay," kinuha ko sa kamay niya yung papel na hawak niya. Sakto namang dumaan si Laura na may iniinom na kape. Kinuha ko yun saka....binuhos ko lahat sa papel. Kamaong-kamao na yung mga kamay niya na sobrang nagtitigre na yung mga mata niya dahil ininis ko siya.

Mapang-inis na ngiti.

"Ooppss, sorry...sinadya kong itapon yung kape," I said to her. She can't fight with me dahil nasa pamamahay ko siya.

"You..."

"Witch? Alam ko na yun. Kung sa akala mo ay love story mo 'to, I'm sorry, sweetheart, akin ang storyang 'to, at akin yang lalaking minamahal mo."

"Alam mo bang hindi ganun kadaling mag-process ng divorce papers?"

"Oo naman," ininis ko ulit.

"Pagbabayaran mo ang mga 'to. Hindi mo makukuha si Eros."

"Laos na yan girl. Makukuha ko kasi ang gusto ko, kahit anong gawin mo. I can't give up that easily. Duwag ako, pero hindi ako mahina. I'm sorry. I have the weapon to take him back. I love him still, at wala kang magagawa dun."

"Argggh..."

Padabog siyang naglakad papuntang pintuan. Hahaha...nainis nga.

"Bye! Huwag ka ng bumalik! Take care!"

Nawala yung ngiti ko dahil sa eksena kanina. Hayst naman. Nagpapasalamat akong may lakas pa akong lumaban. Kung hindi, kanina na ako talo. Kailan ko pa ba kayang lumaban? Kahit di ko sabihin, alam ng pamilya ko na nasasaktan ako. Kahit gaano kalaki yung ngiti ko, nasasaktan ako sa ilalim.

Ang laki nung sugat, eh.

Binasa ko yung divorce papers....O__O wala pang pirma ni Eros, eh. Niloloko ba ako ng babaeng yun? Nakisilip si Laura, kanina pa pala.

"Hmmm...may pag-asa," she commented na parang nag-i-inform ng research study.

"What do you mean?"

"Critical thinking, Chaniel. Kapag di na gaano kaganda yung marriage, isa sa mag-asawa ang maglalabas ng divorce papers or annulment papers. Sa case ninyo ni Eros, siya yung naglabas ng mga papeles, so...ibig sabihin, kapag gusto niyang pamirmahan yan sa'yo...may pirma na niya. Meaning, kapag pipirma ka na, makikita mo una ang signature niya. So, wala kang nakita, meaning, wala siyang balak na pirmahan yan. Naiinip na siguro ang babae na yun sa kahihintay kaya siya na ang nagpapirma sa'yo. Ang balak niya, kapag nakita ni Eros na may pirma mo na ang mga papel, masasaktan siya, the will lead him to sign the papers. Di ba, talino ko."

She tapped her own shoulder.

"Ate, may pag-asa. Manalangin ka lang..."

Kahit ayaw kong ngumiti, ay niyakap ko si Laura.

Kinikilig kasi ako, eh.

"Aaaa..." inalog-alog ko siya. DI BA, ang wild kong kiligin.

"Ate," pinahinto niya ako. "Huwag kang umasa masyado. Masakit ang umasa. Sinabi ko lang na may pag-asa, di ko sinabing umasa ka."