بين الحب والوفاء

هسه اذكرت

هلوووو اسفه البارت السابق صار بي اخطاء اعتذر منكم
ريناس اخو ليث وحسام واني توهمت وكتبت وسام اعتذر صار عندي شوية خربطه

واذا شفتو بعد اخطاء غلسو..

نبدي البارت توكلنا على الله
....................

قدر💗

الساعه 7:00am

اليوم اول يوم بامتحانات نص السنه واني البارحه تعبت ونمت وگلت بالخمسه اگعد ادرس بس حظي الزفت الموبايل مادگ والساعه هسه 7 شراح اسوي واني مامكمله الماده هو صحيح ب9 الأمتحان بس شلون بعد ورايا اراجع الماده وادرس الي مالحگت عليه البارحه وهاي الخاتون ريم موبايلها مغلق معرف شراح اسوي لازم هسه اگوم ابدل حتى لا أتأخر عالجامعه يارب مشيلي هاليوم على خير مابيه حيل اول يوم امتحانات يصير هيج شي هف كافي خل اگوم ابدل اشرفلي وبعد نص ساعه صارت 7:30كملت تبديل لبست تنوره رصاصي وقميص ابيض وملفع رصاصي وشلت الملازم ماتي ونزلت جوه شفت بابا گاعد سلمت عليه وگتلو
قدر: السلام عليكم صباح الخير بابا وبست راسو
ابو قدر : وعليكم السلام هلا بنتي الله يرضى عليچ
قدر : الله يحميك بابا ويخليك تاج على راسنا
ابو قدر : ويحميكم الي يارب
قدر : بابا اترخص منك جا ابو الخط
ابو قدر : بنتي ماأكلتي شي
قدر : بابا اكل بالجامعه مع ريم
ابو قدر : براحتج بنتي الله وياج
قدر : تسلملي بابا

ترد عافيتي سبع اضعاف🌸🌿
من الگه ابويا بخير💗🍃
.........
💞ياسر💞

اليوم اول يوم بالأمتحانات الساعه 8 ويبدا الأمتحان بالتسعه شفت قدر فاتت للجامعه بس عبالك مضيعه شي بقيت اباوعلها من بعيد وهي مانتبهت عليه كعادتها هههه شبيه متعلق بيها اكو الف غيرها بس احسها غير شكل المهم صارلها عشر دقايق عدور اف معرف ليش اريد اروح عليها المهم خل استجمع قواي واروحلها عبالك داخل الحرب هههه معقوله اني ياسر
مشيت واني خطوه تندفع رجلي والخطوه الثانيه ترجعني لي ورى وصلت يمها وحچيت معاها
ياسر : السلام عليكم
قدر : .....
ياسر : ترى گلت السلام عليكم
قدر : وعليكم السلام
ياسر : ممكن سؤال اذا مابيها ازعاج
قدر : هااا ...اتفضل
ياسر : مضيعه شي
قدر : لا مامضيعه
ياسر : لعد شبيج
قدر : دورت الريم وماموجوده
ياسر : اذا محتاجه شي اگدر اساعدچ
قدر : لا شكراً
ياسر : ترى اساعدچ لا تخجلين
قدر : هو بصراحه اني مامكمله الماده وعدنتظر ريم تجي
ياسر : زين انتي مامكمله الماده افتهمت ريم شنو دخلها
قدر : بدت عيوني تمتلي دموع وراح ابچي
ياسر : اني وعدحچي معاها شفتها راح تبچي وبقت ماجاوبت ونزلت راسها ..تعاي للنادي هيانو خطوتين اشرحلچ الماده بس المهم
قدر : لا شكراً والدموع عتنزل مايحتاج
ياسر : لالا يحتاج تعاي اشرحلچ
قدر : شكراً
ياسر : طبينا للنادي وبديت اشرحلها