السادس

36.3K 2.1K 62
                                    


سارة واقفة وموطية وشها فالارض..امير رايح جاي بعصبية فجأة زعق لدرجة سارة نقزت من مكانها
"اكيد هربت من هنا مع المعازيم لما خلصت الحفلة والبهايم اللي انا سايبهم عند البوابة نايمين على ودانهم"
راح بسرعة على سارة وخنقها من رقبتها"عارفة لو ماجبتيهاش"
سارة بصوت مخنوق"ماتقلقش هلاقيها انهاردة واجيبها لحد عندك..اوعدك"
سابها امير وراح اقعد على كرسي"ساعتها هوريها اللي عمرها ماشفته...هخليها تترجاني اقتلها...مافيش حد بيهرب من امير..."
سارة ماسكة رقبتها وهي موجوعة وبتقول فنفسها"هجيبك يانورا...هتروحي مني فين"
---------------------------------------------------------------------------
نورا جريت بسرعة على السكن واستغلت انه مفيش حد عشان وقت محاضرات
لمت هدومها بسرعة وخرجت جري..عند الباب خبطت فشاب
"انا آسفة اوي ماكنتش واخدة بالي معلش"
"لالا ماحصلش حاجة انتي..."
بص لها الشاب"انتي نورا مش كده"
نورا خافت منه"ابعد عني"وجريت تاخد تاكسي وهو وراها
"استني نورا..نورااا"
كانت نورا ركبت وراحت...
الشاب ده كان طبعا زياد ماعرفش يعمل ايه حط ايده على راسه واتأكد انهم وصلولها تاني
عمر كان جاي من بعيد شاف اللي حصل وراح لزياد ومسكه من هدومه
"انت عملت لنورا ايه"
"ممكن تنزل ايدك"
"بقولك عملتلها اييييه"
"انا ماعملتلهاش حاجة يابني آدم انت نزل ايدك"
زق زياد عمر بعيد عنه"ممكن تهدا عشان نعرف نتكلم...انا شفت نورا فالمستشفى ولما شفتها دلوقتي حبيت اطمن عليها هي جريت مش عارف ليه"
عمر مش مصدقه"والله...شكرا على سؤالك وابعد عنها"
راح عمر وسابه وزياد بيبصله وجاتله فكرة..
---------------------------------------------------------------------------
نورا مش عارفة تروح فين ولا تعمل ايه...ماسكة جزمتها فايدها وماشية حافية فالشارع الكل بيبصلها بصت على نفسها لقت انها لسه بفستان السهرة...راحت كافيه قعدت طلبت عصير ودخلت الحمام...غيرت هدومها بسرعة ولبست نظارة شمس وقعدت تشرب العصير وتفكر تروح فين
"هتصرف ازاي دلوقتي...اكيد بيدورو عليا...دي سارة اللي كلها رقة وطيبة..طلعت فالآخر...انا اللي غبية ازاي آمنت لحد بسرعة كده...مفيش حد طيب للدرجة دي الا لو ليه مصلحة..وانا عرفت مصلحتها ايه دلوقتي..احسن حل استنى يجي الليل واروح على اي مدينة تانية..مش ممكن اروح البلد اكيد هتسأل عليا...يارب ساعدني"(ملاحظة:نورا لسه مش عارفة انهم مصاصي دماء..فاكراهم بيقتلوا وبس)
سارة قاعدة مع شادي بيفكروا ازاي هيلقوها..سارة جالتها فكرة مسكت موبايلها وبعتت رسالة لنورا..
نورا سرحانة بتفكر جاتلها رسالة خضتها الرنة...قرتها وتعبيرات وشها وقفت على مافيش
"صباح الخير ياحلوة...اكيد انتي عارفة انا مين...معاكي لحد بالليل ياتيجي المكان اللي هربتي منه لوحدك..ياهكون عند طنط سعاد(والدة نورا)الليلة دي..ماتفكريش تلعبي معايا عشان هقتل اهلك قدامك واقتلك معاهم..واي حد هتقوليله هقتله كمان..."

نورا دموع صامتة نزلت منها"هي عرفت اسم ماما منين...يبقى تعرف هما فين..مش هخليها تأذي اهلي ولو قتلتني"
حاسبت نورا وطلعت من الكافيه ماشية بخطوات ثابتة بتحاول تكون قوية بس مش قادرة دموعها مش راضية توقف بس مقتنعة انها مش هتهرب وهتضحي بنفسها قصاد تنقذ عيلتها...
الساعة 10 بالليل سكون تام فالحي اللي فيه قصر امير...
نورا ماشية وصلت عند البوابة لقتها مفتوحة كأنهم بيستنوا حد..دخلت رجليها بتخبط فبعض..المكان مش زي امبارح..الجنينة لسه حلوة واشجار وبيسين بس ليها جو مرعب..مفيش صوت..مفيش حركة..كأن القصر مهجور مفهوش حياة
فجأة سمعت نورا صوت جري وراها لفت وشها بسرعة مفيش حد..سمعت صوت حاجة بتجري تاني لفت وشها..مفيش حد..نورا خايفة لاقصى درجة بس مش عاوزة تبين كده بدأت تنادي بأعلى صوتها"ساااااااااااااااااارة انا هنااااااااا...واجهينننننننننني ياصاحبتيييييييييي...يااختيييييييييي..انتي علمتيني ماخافش...وانا مش خايفة منك"
سمعت صوت ضحكة قوية هزت القصر بصت لقت زي العنين اللي هاجمتها فالسكن..اتأكدت ان سارة كانت ورا اللي حصل..وقد ايه انخدعت فيها وصدقتها
حست في حد واقف وراها لفت وشها ببطأ لقت شادي واقف وراها بؤه نازل منه دم ومبتسم ابتسامة مرعبة جدا وعنيه متحولة وعروق تحت عنيه..ابتدت ترجع لورا خبط فحد لفت وشها بسرعة لقتها سارة كمان متحولة بؤها نازل منه دم عنين زرقا وحاوليها احمر وبتضحك
نورا المفاجأة الجمتها مش عارفة تتكلم"انتي..انتي..انتي مممم.."
سارة بهمس وعنين مرعبة بتبصلها"تؤ تؤ تؤ...انتي ماتتكلميش خالص..خلص وقت الكلام...هتمشي بسكااااااات في حد عاوز يشوفك ولو فكرتي تهربي مني تاني هجيبك بس مش هكون متسامحة زي دلوقتي واخلي اهلك عايشين"
نورا مشيت معاهم بدون كلام..
البيت كان غير المرة اللي فاتت مفهوش حد..ومرعب جداا
شادي كان ماسكها من ايدها بقوة الجرح اللي فايدها اتفتح بعد ماشاف الدم كان هيهجم عليها مسكته سارة بسرعة وزقته عالحيط
"شششششششش اهدااااا نسيت اوامر امير...عاوزها حية"
"عاوزني حية ليه هتقتلوني هتقتلوني...خليه يعملها دلوقتي وخلاص"
سارة راحت عليها بسرعة وخنقتها بقوة"قلتلك ماتتكلميش خاااالص...انا لو عليا اقتلك دلوقتي عشان هروبك وعمرها ماحصلتلي...بس امير قال انك بتاعته خلاص وهو اللي هيتصرف...ههههههه تصدقي صعبتي عليا...لما هتشوفي امير..هتتمني انك ماهربتيش وموتي امبارح"
وصلوا على الاوضة بتاعت امبارح خبط شادي ودخلوا..نورا داخلة وعارفة انها آخر لحظات عمرها ومش هتطلع من البيت ده عايشة
لقوا امير مديهم ظهره وماسك بنت بيشرب دمها...نورا ابتدت تعيط بصوت عالي وبتصرخ عشان المنظر كان وحش اوي..سارة وشادي بيضحكو وامير مالتفتش غير لما خلص..دور وشه وبصلها بطريقة مرعبة جدا..
"فعلا قمر ياسارة عمرك ماجبتيلي بنت وحشة..بس المرة دي فاجأتيني اختي وحبيبتي ههههههه لالا فعلا ابهرتيني"
"تلميذتك هههههههه"

"اممممم ماشي كله يطلع برة انا ...عاوز استفرد بالقمر شوية"
الكل طلع نورا لسه بتعيط بصوت عالي...امير بيمسح بؤه من الدم وبيقرب منها وهي بترجع لورا لحد مالزقت فالحيط و وشها فوشه
امير وسيم بدرجة كبيرة جداااا ومرعبة فنفس الوقت
حط ايده على وشها ومسح دموعها"بتعيطي ليه دلوقتي...لما انتي جبانة كده هربتي ليه..مش عارفة انهم كانو هيجيبوكي..واديكي جيتي برجليكي..مفيش واحدة بتهرب من امير"
نورا بتبصله برعب وكل اللي قالته بصوت متقطع"ده كان رد فعل ططبيعي...ييعني اسممعك بتقتل بنت وماهربش"
امير فضل باصصلها شوية وساكت بعد لحظات انفجر بالضحك على كلامها بعد عنها وقعد على كرسي وهو لسه بيضحك على ردها..نورا ماتحركتش من مكانها ومستغربة ضحكه...
"ههههههههههه الصراحة مش عارف اقولك ايه...معاكي حق"قام بسرعة ومسك وشها وقال بلهجة مرعبة"بس ده مش هيفيدك بحاجة"
نورا بعفوية مسكت ايده بايديها الاتنين"ارجوك سيبني اروح ربنا يخليك...انا انا مش هجيب سيرة لحد خالص وهمشي من هنا مش هتشوفوني تاني...بس سيبوني امشي"
امير ماتأثرش بدموعها وسابها ماسكة ايده"لا مش هتمشي...ولو فكرتي تهربي تاني..رقبتك الحلوة دي هتطير قبل ماتعدي الباب"
شال ايدها من على ايده وشدها لدرجة مابقتش قادرة تتنفس وبتحاول تبعده مش قادرة كان اقوى منها...
"مش قادرة اتنفس"
"ششششششش"
بعد شعرها عن رقبتها ونزل لعندها...ابتدى الدم يسيل ونورا بتصرخ ودموعها نازلة صوتها بيضعف مع امتصاصه لدمها..لحد ماخلص هو كانت نورا فاقدة الوعي...شالها وحطها على سريره وقعد يبصلها"شكلها مألوف اوي...انا شفتها فين قبل كده"
نادى لشادي وسارة دخلوا...سارة بتبص عليها ومش بتتكلم..امير قالها بسخرية
"ايه صعبت عليكي ياحبيبتي"
سارة دورت وشها لانها فعلا صعبت عليها
"شادي شيلها وحطها فاوضة من اللي جمبي...وحط عليها حرس...لو هربت تاني هقتلهم كلهم"
"هي لسه عايشة"
قالتها سارة بفرحة امير بصلها ومفيش اي تعبير على وشه
"شادي اعمل اللي بقولك عليه يلا"
_____________________________
اسفه اوى على التاخير 😘
عوزاكوا تشجعونى شويه عشان اكمل لان مفيش حد بيعمل
فوت خالص ...عشان كدا مش بحدث كتير 😭

فوت بقا عشان احدث اكتر

Nora And Vampires حيث تعيش القصص. اكتشف الآن