فالمحاضرة الكل فالمختبر وبيسمعو للدكتور وهو بيشرح
"يلا كل اتنين يعملوا التجربة سوا"
نورا واقفة جمبها سارة بيشتغلو وبيضحكو
"يابنتي زي مابقولك كده لزقة مش عارفة ماله"
"ههههههههههه مع انك احرجتيه المرة اللي فاتت"
"وهو ده بيتحرج"
"آآآه"
نورا عورت ايدها والدم نزل منها
سارة بتبص بطريقة غريبة ومرعبة لايد نورا
"ماتخافيش مش..."
نورا وقفت كلامها لما شافت سارة عنيها بدت تبقى حمرا وتخوف
"سارة مال عنيكي"
سارة لفت وشها لناحية التانية بسرعة وهي بتخبي وشها
"لالا في حاجة دخلت فعيني...هروح الحمام "
استأذنت وراحت بسرعة ..نورا ماسكة ايدها وبتبص عليها
دخلت سارة الحمام واتأكدت انه مفيش حد وقفلت الباب
غسلت وشها ورقبتها وبتبص للمرايا عنيها رجعت طبيعية
"اهدي ماينفعش كده...الحمدلله ماخدتش بالها من حاجة...مش لازم تعرف الحقيقة دلوقتي...مش قبل مايحصل اللي انا عاوزاه"
رجعت سارة لعند نورا لقتها لفة ايدها بشاش
"سارة عنيكي كويسة دلوقتي"
"آه الحمدلله...انتي ايدك عاملة ايه"
"لاماتقلقيش الدكتور حطلي ميكروكروم ولفها بالشاش"
"ايوة بقى الدكتور مهتم وشاش ومكروكروم...ايه النظام"
"ههههههههه بس اسكتي حد يسمعك"
"ماشي على العموم هتحكيلي بعد المحاضرة"
"حاضر بس اقفلي دلوقتي "
....................................................................................
خلصت المحاضرة وطلعوا الطلبة من المختبر
"هاااابقى اعترفي الدكتور ماله انا راقبته كل شوية بيبص عليييكي"
"ايه شغل المحققين ده ههههههههه...بصي مفيش حكاية ولا حاجة عادي"
"والله...انتي فاكراني عبيطة زيك يابنتي ههههههههه قولي بسرعة"
"الله يسامحك انا عبيطة"
"عندك شك ههههههههه"
"ههههههههههههههه ماشي بغض النظر عن حكاية عبيطة دي هوريكي بعدين...الدكتور ياستي مش عارفة ماله بيفضل يبصلي وبيعاملني بطريقة رقيقة واول ماتعورت جري على الشاش وجه يطهرلي الجرح...وده طبعا اللي مخلي البنات تكرهني اكتر"
"وانتي حاسة بايه.."
"انا مش حاسة بحاجة خالص ولا فدماغي كل ده"
"احسن يابنتي انتي تستاهلي اللي احسن منه...يلا انا عازماكي على الفطار"
"لا مش كل يوم تعزميني...انا اللي عازماكي انهاردة على ذوقي"
"ماشي ياستي وانا قبلت يلا بينا"
دخلوا الاتنين الكافيتريا سارة راحت على طرابيزة متجاهلة نظرات الكل
جابت نورا الاكل لسارة وراحت تجيب اكلها وهي راجعة بنت مدت رجلها وكعبلت نورا وقعت وادلق عليها العصير غرقها
نورا عنيها اتملت دموع وابتدت تعيط والكل بيضحك عليها
سارة قامت بسرعة وراحت عليها وقفتها قلعت الجاكيت بتاعها وغطتها بيه ووقفتها وراها
"انتي ازاي تعملي كده"
"انتي مال اهلك"بصت لنورا"بقى حتة بت جربوعة زيك تخلي الدكتور يجري وراها على ايه...على مااااااااالك ولا على جمااالك يامعفنة..وبتعزمي على الفطار كمان انتي لاقية تاكلي هههههههه دلوقتي عرفتي قيمتك ولا لسه"
الكل انفجر بالضحك ونورا بتعيط بحرقة
ضربتها سارة بالقلم من شدته وقعت
"انتي بنت قليلة الادب وماتربيتيش...انت ازاي تكلميها كده...نورا برقبتك وبرقبة كل واحد قاعد يضحك دلوقتي...بدل ماتوقفو جنبها قاعدين بتضحكو...انتو مسميين نفسكم رجالة دلوقتي لما قاعدين تضحكو على بنت...انتي فاكرة عشان عندك فلوس احسن منها...انتي ولا حاجة ولا تسوي... ولو قلتي كلمة واحدة همسح بيكي الكلية ولا يهمني...انا مش بخاف من حد انتي لو عندك فلوس واهلك واسطة انا امشيكي وامشي اهلك اللي ماعرفوش يربوكي"
البنت كل اللي عملته انها ماسكة وشها وبؤها نزل منه دم من شدة القلم وساكتة هي وكل اللي فالكافيتريا
بصتلهم سارة باحتقار وحاوطت نورا بايدها ومشيوا
نورا قاعدة عربية سارة ولسه بتعيط جت سارة وركبت
"خدي اشربي المية والعصير دول وبطلي عياط دماغي ورمت...انا نفسي اعرف بتعيطي ليه"
نورا بتتكلم مقطع من كتر العياط"كل اللي حصل دلوقتي وبعيط ليه"
"يابنتي مش مسحتلك بكرامة اهلها واهل كل اللي الواقفين الارض..بطلي عياط عشان خاطري"
مسحت نورا دموعها وبصت على هدومها"هروح الشغل ازاي دلوقتي انا"
"مش هتروحي"
"مش هروح ازاي...لو ماروحتش هترفد"
"ماتشغليش بالك انا هروح دلوقتي اتكلم مع صاحب الكافيه"
"تتكلمي معاه فايه"
"ملكيش دعوة خليكي فاللي انتي فيه"
دورت سارة العربية ومشيت نورا مش فاهمة حاجة...وصلوا الكافيه ركنت ونزلت من العربية دخلت الكافيه
نورا متابعة سارة وهي داخلة الكافيه خايفة تترفد وهي محتاجة الشغل ده جداا
سارة دخلت الكافيه وسألت الجرسون
"لو سمحت ممكن تناديلي صاحب الكافيه"
"حاضر يا فندم...بس في مشكلة"
"لالا خالص انا عاوزاه فموضوع"
ثواني وجه صاحب الكافيه
"حضرتك طلبتيني"
ادورت سارة وعلى وشها ابتسامة ساحرة وراحت لصاحب الكافيه
"انا سارة صاحبة نورا اللي بتشتغل هنا"
مبهور بجمالها"ايوة اهلا بحضرتك..اؤمريني"
سارة بتبصله فعنيه مباشرة"نورا مش هتيجي انهاردة ولما تيجي بكرة ماتسألهاش ماجتش ليه ولا تعاقبها...اممم ايه رأيك تديها مكافأة كمان"
صاحب الكافيه بيبص لعنيها كأنه مسحور"طبعا بكرة اول ماتيجي هديها مكافأة"
سارة ابتسمت "ميرسي"مشيت وشاورتله "باااي"
نورا متابعة من برة ومش فاهمة حاجة
ركبت سارة جنب نورا ودورت العربية
"ايه قالك ايه"
" وافق طبعا ههههههههههه"
"ههههههههه اقنعتيه ازاي"
"عيب عليكي يابنتي...قلتلك ماتخافيش...دلوقتي يلا تشتري حاجة تانية بدل اللي انتي لابساه مش هينفع يتلبس تاني"
"لالا مفيش داعي "
"ليه"
"اصل...الفلوس اللي معايا مش هتكمل"
" هزعل منك بجد احنا مش اخوات...اعتبريها هدية صغيرة...او اعتبريه دين ياستي ولما يبقى معاكي رديهم ...خلاص بقى"
نورا ماعرفتش ترد وابتسمت"ماشي دين اول مايبقى معايا فلوس هرجعهم لك"
سارة ماردتش ومشيت بالعربية وعلى وشها ابتسامة مش مفهومة
__________________ _____________ ________________
بايخ جدا انا عارفه ...... متزعلوش
البارت اللى جاى هتبتدى الروايه تبقى مشوقه جدا
Enjoy 💕
متنسوش الفوت والكومنت 😘
أنت تقرأ
Nora And Vampires
Science Fictionنورا بنت عادية حلوة وطيبة جدا عندها 19 سنة من مدينة تانية صغيرة قاعدة فالمدينة الجامعية... اهلها ناس على قدهم يادوب مرتب الاب يصرف على البيت وجزء من دراستها...اضطرت تشتغل فكافيه...حياتها زي حياة اي بنت عادية...باستثناء حاجات عمرها ماصدقت انها مو...
