(مســـــكـ كتفي وهو يهمس .. {تراني في غيابكـ صمتـ }

53

رنا احتدت ملامحها اكثروقالت بحيره :: أي شهر .. بعدني ماحددت لاملكه ولاشيئ ..
شادن :رنو معقوله عمي ماقالك .. نايف اخوي قايل أنه يبيها بعد شهر وعلم ابوي ..وأبوي ..قال لنا 
أن عمي وافق .. وحنى بدينا نتجهز من اللحين .. 
رنا ومي قادره تصدق ولاقادره تخلي هالكلام يخش مخها : قالت بدون اهتمام .. مستحيييييل .. أبوي ماذكر شيئ من هالكلام . .. وثانيا لو كان هالكلام صدق .. أظن البنت هي اللي تختار موعد الملكه .. مو ألولد
شادن : رنا من جد اتكلم ..انا احسب أن عندك خبر وتحاولين تصرفين .. وربي من كل جدي اتكلم
حتى روحي أسألي عمي .أحلف لك بالله انه وافق على انه يخليها بعد شهر ..
سكتت رنا .. وتعلقت عيوها بشادن صدمه : معقوله يكون هالكلام صحيح .. شادن من كل جدها تتكلم وبأسلوب واثق .. يستحيل تقدر تصدق هالشيئ ..شلون شهر .. ولو كان هالكلام صحيح .. معقوله ان كل عمامها يدرون قبلها .. قبل العروس نفسها .. رنا بأستفهام : شلون يعني .. تبين تقنعيني ان أنا ملكتي بعد شهر .. ولو أفترضنا ان هالكلام صحيح .. من متى عمي قال لأبوي ..ومتى خذيتوا هالقرار 
شادن : قبل أمس .. أبوي بلغنا ان عمي سليمان اللي هو أبوكي وافق .. والملكه راح تتم بعد شهر بالضبط 
جمدت رنا للحضات :وحست أن الموضوع بدى يقلب جد .. قلبها يدق بسرعه جنونيه ..وحاولت تهدي نفسها .. ماقدرت ... بدت تستوعب ان الكلام اللي سمعته صحيح .. ويمكن ابوها نسى يقولها .. بس شلون
ورأيها وين راح .. ولا انا رجل كرسي ..او لعبه يلعبون فيها ويحركونها مثل مايحبون .. أستفزها اللي صار 
وجن جنونها من الكلام اللي سمعته ..وقالت بعصبيه :بأي حق اخوكي يتصرف مثل مايبي 
ويختار الوقت اللي يبيه بدون علمي ..وبدون حتى ماعلى الأقل يقولك حتى توصلين لي وتاخذين رايي بالوقت اللي يبه ليش هو لحاله اللي يبي يملك .. وأنا جدار ..أطبق اللي يبيه وانا ساكته
شادن : أهدي ..لاتعصبين .. ماصار الا كل خير وأخوي لما حاول يقرب موعد الملكه كله عشان يبيكي ويبي يقدر ياخذ راحته معك ويكلمك .. وماقصده لايطنشك ولاينقص بحقك..
رنا معصبه : قولي له اني مو موافقه ..ولاراح أرضى ..ولو تنطبق السما على الأرض ماملكت بعد شهر .. 
وقفت معصبه .. تبي تروح تبي و تمشي لانها بدت تحس أن انفساسها بدت تنكتم وتختنق .. 
شادن : رنا : أصبري ..على وين ..خليني أفهمك ...
رنا ماردت عليها ومشت طنشتها .. 
شادن بينها وبين نفسها تمت تتمتم : قلعتك ..ان شاء الله عمرينك ماملكتي مالت عليكي وعلى اللي ياخذك 
أخوي أصلا مدري ليش ذابح روحه عليكي .. وقفت بعد ماشافت رنا ابعدت ودخلت الفله ....
وراحت بخطواتها متجه للريم ..
اللي كانت قاعده على العشب ..وحولينها البزارين الي أجتمعوا حولها ..يبون يلعبون معها .. 
وريم بوسطهم كأنها بزر معهم .. قاعده تعطيهم على قد عقولهم البرئيه وتلاعبهم ..
وتحكي لهم قصص من مختلق خيالها 
..
راحت شادن حتى وصلت لعندهم ..وبعيونها .. لمعه كره تلمع بمحور عينها وتحاول تخفيها ولاكن مهما حاولت العين تفضح صاحبها ..وقفت قريب منهم وكتفت يدينها .. وهي تطالعهم وتستخف بتصرفات ريم 
اللي تعتبرها تخلف بالنسبه لها .. 
قربت شادن اكثر لريم .. وريم كانت عارفه عن وجودها قريب منها .. بس حاولت ماتشيلها من أرضها ولاحتى تعبرها بنظره ..وتمت تكمل القصه اللي كانت تحكيها البزارين اللي كانت عيونهم متعلقه فيها وينتظرون يسمعون نهايتها .. 
ريم : وبالاخير .. الذئب ندم لماكان يحاول يطارد حيوانات الغابه ويخطط لأكلهم ..وكل من الحيوانات 
كرهته وصارت تهرب لما تشوف صورته .. وبقى الذئب لحاله ..محد يحبه .. وصار يقعد لحاله بالبيت ..
محد عنده .. يبكي لحاله ..وياكل لحاله .. ماله صديق .. ويقعد بروحه .. وصار يبكي ..ويبكي .. 
الين ماحيوانات الغابه عرفت انه ندم ..وانه خلاص قرر ماياكلهم .ولايطاردهم ..ولاحتى يسرق اكلهم 
وقرروا يسامحونه لأن قلبهم كبيييييييير .. وراحوا لعنده وقالوا اننا عرفنا انك تبت ..وحنى رضينا عنك 
وقام الذيب يبكي ويبكي مبسوط انه لقى له أصحاب من جديد ..
وحلف من بعدها يكون صديق وفي لهم ..وتوته توته ..وخلصت الحتوته ..حلوه ولافتفوته .. 
كلهم بصوت واحد بعد ماكانوا منسجمين وصحوا . حلوه 
ورجعوا يرددون من جديد : نبي قصه ثانيه نبي قصه ثانيه 
ضحكت ريم بخفه .. وخالد كان مبسوط اكثرهم لأنه سبقهم كلها وصارت صديقته قبلهم .. وقف وصرخ بوجيههم .. لما سمع منهم انهم يبونها تقول لهم قصه ثانيه .. علا صوته وقال 
خلاث مافي قثه ثانيه .. هاذي صقيقتي انا بث ..بتقول لي انا لحالي ..
رجعت ريم ضحكت بصوت اعلى يوم سمعت أنفعال خالد .. وقربت لعندها وضمته اكثر .. ياناث ياحبني لك 
شادن : نادت ريم حتى تنتبه لوجودها ..
وريم رفعت عيونها بملل : نعم 
شادن : ممكن تقومي معي شوي .. خلينا نتمشى ..
ريم : أستغربت من هالطلب ..ولاكن مو كثير ..لانها داريه ومتأكده أن هاليوم ماراح يعدي الين 
ماشادن تسوي لها او على الأقل تسمعها شيئ سخيف من سخافاتها المعتاده ..ماحبت ريم ترفض 
حتى ماتعتبرها شادن : هاربه اوحتى خايفه منها ..وقفت ريم .. وشالت خالد بشويش من حظنها
وقفت.....وقفت خالد معها وقالت : .. حبيبي ..انا بمشي مع خالتو شادن .. شوي وأرجع ألعب معك ..
خالد ..تعلق برجلها .. ماني ماني لاتلوحين ..
شادن قربت لعندهم : وقالت بنرفزه : خلصنا ..روح لأمك ماني رايقه لك
خالد كشر بوجهه وصرخ بوجه شادن : أنتي وعه 
ريم رفعت عيونها بحده معترضه على أسلوب شادن الزفت .. رجعت نزلت لمستوى خالد مطنشه شادن
وقالت بعد مامسحت على شعره : عيب حبيبي هالكلام .. خلاص روح ألعب مع البزران ..
ولاخلصت انا اجيك .. اتفقنا 
خالد وكانه رضى : ..وسمع كلام ريم فورا ..ومشى .. يركض ورى البزران ..
وقفت ريم ..وصارت تمشي ..وشادن جنبها .. يتمشون بأرجاء المزرعه الفسيحه 
وريم ساكته ومكتفه يدينها تنتظر الغثاء اللي بجنبها تتكلم : 
شادن : حلوه المزرعه ..
ريم ..بدون ماتناظر لشادن .أها ..حلوه .. 
شادن : بقرف .. هاذي حلوه .. وع 
ريم مستغربه : والله كل انسان ومزاجه ..انا عن نفسي راقت لي اجوائها 
شادن : انتي حبيتيها لانك يمكن ماتعودتي تشوفين مزارع كبيره ..بالشكل هذا 
ريم ضحكت بسخريه وقالت مشكله الناس : اللي يحسبون محد شايف خير غيرهم ..
شادن : لالا ماقصدت ..لاتفهمين غلط ..أنا كل مقصدي اني يعني كنت أقصد أنك ماقد دخلتي لمزارع بالكبر والحجم هذا .. يعني مثل ماسمعت ..انكم بسيطين .. وماتملكون يعني مثل المزرعه هاذي 
ريم : الملك لله .. وكل ابن أدم مكتوب له رزقه ومكفيه ... والمسكين الي يعتقد ان غنى المال هو راس مال السعاده بها الدنيا 
شادن : أللحين صحيح اللي سمعته أنك حايليه ..
ريم : أي صحيح .. بس وش الجديد بالموضوع ..
شادن : لا انا بس كنت مستغربه .. يعني مو واضح عليكي .. 
ريم وماتدري وش تقصد شادن بها الأسئله ..جاوبت بعدم اهتمام : أصلي حايلي .. بس عيشتي كلها بالرياض 
وماخذه عليها..
شادن أبتسمت بخبث وقالت .. اللحين أنتي عندك خاله أسمها عبير على ماظن ؟
ريم التفتت مستغربه من هالسؤال : أي .. بس ليش 
شادن : لا بس على حسب ماسمعت .. أن عندها ولد أسمه فهد اذا ماكنت غلطانه ..
ويقال أنه كان يبيكي .( وشددت على هالحروف ..)
ريم حست بأن قلبها للحضه وقف عن النبض يوم سمعت أسمه ..على لسان البغيضه اللي جنبها ..
حاولت تخفي دقات قلبها اللي كانت تضرب داخل وجدانها بقوه جنونيه .. 
حاولت بقد ماتقدرتسيطر على نفسها وماتبين انها معصبه ..اوحتى تبين لها أي ردة فعل .
.وحاولت تبان هاديه مثل ماكانت .
ريم قالت بهدوء : كان .. وماحصل نصيب ..
شادن ومازالت البسمه الكريهه على شفاتها : وش معنى رفضتيه ..ورضيتي بسلطان ..
مع انهم خطبوكي بالوقت نفسه ..
ريم ناظرت لشادن بأستفهام وحيره مستغربه من المعلومات اللي تملكها واللي بدت تزيد مخاوفها 
وتقلقها ..: قالت :اول شيئ ماظنه شغلك ولايهم تعرفين ليش رفضت فلان ورضيت بالثاني 
انا حره ولي اختياري .. ثانيا .. وش اللي يخليكي تتكلمين من راسك ..وتقولينها بوثوق وكأنك متاكده أنهم كلهم خاطبيني بوقت واحد