احببتكي

الفصل الرابع عشر

ناضت طيبت الفطور وحطتلهم وسوزي تشوف فيها وميتة بالغيرة منها لاخاطر وجدان تهبل ايا دارت روحها بلي طيحت المغرف -ماعليش تجيبيها ...خالد يشوف فيهم وشاد الصبر ..هبطت تجيب فيها ايا لعبتها مافاقتش وطيحت كاس الما عليها -اوووه اسمحيلي ..خالد ناض راح يهدر بصح بهت وهو يشوف في وجدان تشمر على يديها - شوف من البارح و انا ساكتة ومخالياتك تهدري احتراما بصح لهنا وخلاص ..شدتها من شعرها وبدات تكركر فيها -ضرك نوريك الخدامة واش تقدر دير ...رماتها على الارض وطلعت فوقها وبدات تضرب فيها بالكف سوزي تتخبط تحتها وخالد مشوكي من وجدان وقوتها اما وجدان فهي تفرغ في غلها - اذا كان سي ( دارت لخالد).سمعت؟ سي خالد ساكتلك انا مانسكتش ...ناضت شافت خالد من فوق لتحت ودخلت لشومبرتها ....

سوزي وهيا توقف :شفت واش دارت ؟ ردوح اديلي حقي منها - ( ببرود ) نتي اللي كثرتي بزاف ...فتحت فمها : يعني انا الغالطة ؟ -ايه وكون هيا مادارتش هاك كون انا درت تقدري ضرك تروحي وسكري الباب وراك ...بقات تخزر فيه وتحلف وتتكتف ،، حبسها صوتو - اسمعي وجدان مرتي ماشي الخدامة اوكي؟ قلت هاك بيا كنت سكران ...خلاها مشوكية وقعد على الطابلة وبدا ياكل ...خرجت وضربت الباب حتى قريب يتكسر ... طل عليها من البالكون رما لها الدو بياس نتاعها وقال - ماترجعيش خيرلك وهاذو صلاحتك اديهم معاك وحاجة وحد اخرى عودي سكري البيبان بلعقل ماعندكمش باب في داركم ؟ ..سكر الشباك وراح يضحك - هههه تستاهل كانت قاعدة فوق قلبي افففف