الدواعش من هم و ماهذه الكلمة اسئله كثيره تدور في راسي ورأس الجميع هم يدعون بأنهم دولة اسلامية و يسيرون على دين رسولنا الكريم (ص)حقاً هم كذلك ان كانوا كذلك لما يقتلون الناس الابرياء ويدعون بان هذا هو الجهاد في سبيل الله هل حقاً هو هذا الجهاد يغتصبون النساء ويبيعوهم ويقتلون الرجال والنساء والاطفال هل هو هذا الدين في نظرهم هل اوصانا الرسول (ص) ان نقتل الابرياء و ندعي بأننا مسلمون وهكذا هو الاسلام هم ليس من الاسلام ولا لهم علاقة به هم يدعون الاسلام ويضحكون على عقل الناس البسطاء بكلمة الجهاد في سبيل الله متى سوف نتخلص منهم متى نرى الامان في بلدنا ونعيش مثل باقي الشعوب ونتخلص من الفاسدين الذين في تدمر العراق متى يعود العراق كما كان ونعيش في امان وسلام من غير خوف من غدا لماذا كل يوم أم تفقد ابنه او زوجه تفقد زوجها واخ يفقد اخاه الى متى نستمر في فقدان احبائنا اسئلة كثيرة في ذهن الجميع هل يعود العراق كما كان هل يعود الامان من جديد هل يتوقف النزيف الدم في العراق هل يتحرر العراق من جرذان داعش وناخذ بثار الابرياء والشهداء الذين استشهدوا في سبيل تحرير بلدنا واسئلة كثيرة تدون في ذهن الجميع ليس لها اجابه
كندا 🔯 الساعة 6:00 مساء
فؤاد||
بعد ان انتهيت من عملي دعدت الى المنزل طرقت الباب فتحت لي زوجتي ماريا اصلها من كندا ولكنها تتكلم اللغة العراقية افضل مني
ابتسمت وقالت
ماريا:مساء الخير
ابتسمت لها وقبلت راسها مثل العادة
فؤاد:مساء النور
ماريا:الحمدلله اجيت من وكت حتى تكعد تاكل ويايه
فؤاد:ليش حلا وين
ماريا:وين يعني بالغرفة مثل العادة تشتغل
فؤاد:ما اكلت شي
ماريا:لا تكول ما الها نفس تاكل مثل كل مرة يا ما الها نفس تاكل يا اكلت بالشغل
فؤاد:اوف
ماريا:اكلك احجي وياهه انت صارلك هوي ما كعد وياهه وحاجين مع بعض
فؤاد:طيب روحي حضري الاكل واني راح اغير ملابسي واروح احجي وياهه شوية
ماريا:اي عفية
غيرت ملابسي وذهبت الى غرفة بنتي حلا طرقت الباب وفتحته كانت جلسة تعمل على على جهاز الكمبيوتر لم تنتبه لي مددت راسي لها وقلت
فؤاد:بنتي الحلوة تسمح لي ادخل
رفعت راسها وابتسمت
حلا:بابا ؟
فؤاد:تسمحين ادخل
اقفلت الجهاز
حلا:اي اكيد بابا اتفضل
دخلت وجلست بجانبها
فؤاد:صارلنا هواي ماكعدين ومتكلمين مع بعض حلا:اي
فؤاد:شلون الشغل
حلا:تمام
فؤاد:هم اكو مشاكل جاي تواجهج بالشغل
حلا:مشاكل عادية بس جاي اكدر احلها
فؤاد:عفية عليج هي هاي بنتي ماكو مشكله اذا ما حلتها
حلا:مم
فؤاد:اكلج اني جوعان وما اريد اكل الا اذا اجيتي واكلتي ويايه
حلا:بابا ما اشتهي اكل
فؤاد:بنتي جاي اكلج جوعان يعني معقول تعوفين ابوج جوعان يصير
ابتسمت
حلا:لا ما يصير
فؤاد:لعد كومي خل ناكل
حلا:يلا
خرجنا من الغرفة وذهبنا الى غرفة الطعام وكانت ماريا قد جهزت الاكل على الطاولة
فؤاد:اي شكل الاكل يخبل تعالي بابا خل نهجم عليه
جلست حلا امامي
ماريا:يلا بالعافية
جسلنا تناول الطعام وكنت طوال الوقت انظر الى ابنتي كانت تجبر نفسها على الطعام
فؤاد:شبيج بابا ما تاكلين
حلا:هاي جاي اكل
حبيت ان اغير الجو قليلاً نهضت شغلت التلفاز واخذت جهاز التحكم وصرت اقلب القنوات وفجأة رأيت قناة للاخبار وضعته عليها
فؤاد:خل نشوف اخبار اليوم شنو صاير بالعالم
وصرنا نشاهد التلفاز وناكل وفجأة تكلموا بشأن العراق وعن الجيش العراقي وعن الحشد الشعبي وكيف هم يقومون ببطولات لتحرير العراق من جرذان داعش
فؤاد:والله ابطال الله ينصركم ان شاءالله
وفجأة ضربتني ماريا بخفه على يدي
التفت لها
فؤاد:هاي شبيج
همست لي
ماريا:انت شبيك تخبلت غير القناة بسرعة
فؤاد:ليش
اشارت لي الى حلا التفت إليها كانت شاردة الذهن وتتفرج على التفاز والدموع تتجمع في عينها غيرت القناة بسرعة
فؤاد:خل نتفرج على شي ثاني احسن
استيقظت من شرودها ونهضت
حلا:اني شبعت راح اروح ارتاح شوية صحه وهنا عليكم
تركتنا وذهبت الى غرفتها
ماريا:شوكت راح تنساه القصة صارلها ثلاث سنين وهي بعدها على نفس الحالة
فؤاد:الموضوع مو سهل حتى تكدر اتنساه بهاي البساطة هذا الماضي مالتها ومو سهل على الواحد ينساه بسرعة
ماريا:لا تنساه مثل ماهو نساهه لازم هي هم تنسىاه وتعيش حياتها مو هو الي تخله عنها
فؤاد:حتى لو احنه ملازم نجبرها على شي
ماريا:روح احجي وياهه
فؤاد:ماشي
ذهبت الى غرفتها عندما فتحت الباب كانت تقف امام نافذة غرفتها عندما دخلت التفت إلي وكانت عيونها حمرا كانت تحاول أن تخفي دموعها
فؤاد:حلا
حلا:نعم بابا خير اكو شي
فؤاد:اريد احجي وياج موضوع
حلا:اي اتفضل
فؤاد:جلست على السرير اتت وجلست بجانبي
حلا:خير
كانت تمسح دموعها
فؤاد:ليش جاي تخبين دموعج عني
ارتبكت
فؤاد:اني ادري بيج انتي تعبانه وجاي تشغلي نفسج بالشغل حتى ما تكعدين وتفكري بالماضي بس يا بابا هذا الشي مو زين عليج اذا جان شي بكلبج طلعي حتى ترتاحين
فجأة نزلت دموعها ورمت بنفسها على صدري وصارت تبكي
حلا:اني تعبانه بابا تعبانه بعد ما اكدر اتحمل تعبت من انو امثل دور البنت القوية الي تتحمل اي شي وما يهمها اي شي تعبت من انو اقاوم نفسي حتى ما اشتاقله اني جاي احاول اشغل نفسي بأي شي حتى ما افكر بيه بس مجاي اكدر اني جاي اشوفه بكل مكان بالشارع بالبيت بغرفتي بالشغل حتى بالتلفزيون من اشوف اخبار العراق ابقى اباوع على التلفزيون واكول بلكت يطلع واشوف ولو مرة واحدة شسوي بابا ساعدني اريد اطلعه من كلبي مثل ما هو طلعني اريد انساه مثل ماهو نساني تعبت بابا تعبت
فؤاد:بس بنتي بس لا تبجين
رفعت راسها ونظرت إليها
فؤاد:راح اساعدج
حلا:فعلا بابا
فؤاد:اي بنتي ثقي بيه راح اساعدج واطلعج من حالتج هاي بس اصبري شويه
ابتسمت بخفه
فؤاد:يلا هسة ارتاحي ونامي شوية
تمددت على السرير ووضعت عليها الغطاء اقترب منها و وضعت قبله على جبينها وخرجت
حلا ||
الشخص:حلا تعالي ساعديني
حلا:اوكف اني جاي لا تروح
الشخص:تعالي بسرعة
حلا:انتظرني هسة جاي
الشخص:راح اموت تعالي ساعديني بسرعة حلا
حلا:انتظرني اني جايه لا تروح انتظر لاتروح
حلا بصرخ:لــــــــــــــيث
نهضت من الفراش مفزوعة لا استطيع أن اتنفس وفجأة انفتح الباب غرفتي ودخلوا امي وابي
ماريا:ماما شبيج
فؤاد:هاج اشربي ماي
اخذت الماء وشربت قليلا واصبحت اتنفس بشكل جيد
فؤاد:شبيج بنتي
حلا:ماكو شي بابا هذا كابوس
ماريا:نفس الكابوس
حلا:اي
ماريا:ميصير بنتي لشوكت راح تبقين على هاي الحالة
تمددت على السرير
حلا:ماما نحجي بعدين
ماريا:بس
فؤاد:خل البنت ترتاح مو وكتج هسة
ماريا:بس ما يصير هيج
فؤاد:بعدين امشي خل ترتاح البنت
خرجوا واغلقوا الباب وضعت راسي على الوسادة وصرت انظر الى السقف
حلا:شنو قصة هذا الكابوس صارلي شهر واني جاي اتحلم بيه !معقول يكون صاير بيه شي
هزيت راسي لبعد تلك الافكار عني
حلا:لا اكيد ما بي شي شنو هذا الحجي! بس واذا جان فعلا صايرله شي شلون اتأكد
نظرت الى هاتفي
حلا:اتصل بيه بس! اكيد غير رقمه ما معقول صارله 3 سنوات بنفس الرقم
وصرت انظر الى الهاتف مطولاً وصرت افكر بين اتصل او لا
حلا:راح اتصل على رقمه القديم واشوف
فكرت قليلاً
حلا:لا مراح اتصل بيه مو هو هذا الي تخله عني وعافني الوحدي ليش اهتم بيه
صمت قليلاً
حلا:بس اني لازم اطمئن عليه على العموم اني مراح احجي بس اسمع صوته واعرف اذا جان بخير او لا
امسكت بهاتف وصرت انظر إليه واشعر بالتردد اتصل او لا ضغطت على الارقام وطلبت رقمه كان رقمه مازال محفوظ عندي في هاتفي اخذت نفس وضغطت على الزرار الاتصال كان يرن الرقم وكان قلبي يدق بسرعة مع كل رنه وفجأة سمعت صوت شخص آخر هذا ليس صوته لم ارد اقفلت الخط بسرعة وتجمعت الدموع في عيني
حلا:غير رقمه
رميت بالهاتف على السرير وجلست ابكي
كم كنت اتمنى ان اسمع صوته ولو لمرة واحدة
ليث||
بعد أن انتهينا من مواجهة داعش انا وزملائه الجنود عدنا الى المعسكر الى التدريب ورأيت وائل ينادي علي
وائل:سيدي
القى لي التحية العسكرية
ليث:وائل
وائل:شنو الاخبار سيدي صار شي
ليث:الحمدلله كلشي تمام
وائل:بعدها المواجهات مستمرة
ليث:لحد هسة هدوء
وائل:ليش ما خليتني اجي وياكم
ليث:جان لازم احد يبقى هنا اخاف يصير شي
وائل:هاا صحيح
ليث:يلا راح اروح ارتاح شوية
وائل:اتفضل
تركته و قبل أن ادخل إلى غرفتي نادى علي
وائل:سيدي
التفت إليه
ليث:نعم
وائل:نسيت اكلك انت اليوم نسيت تلفونك
ليث:اي نسيت ورحت اكو احد دك عليه ؟
وائل:اي سيدي اتصلت الوالدة واتصل رقم غريب اعتقد من الخارج
نظرت إليه باستغراب
ليث:منو؟
وائل:ما ادري محد جاوب اتفضل هذا تلفونك
ليث:شكرا
اخذت هاتفي واتصلت بأمي لم اكترث للرقم الثاني
ليث:الو
والده ليث:الو هلا يمة ليث شلونك
ليث:بخير يمة انتي شلونج
والده ليث:الحمدلله وين جنت اتصل عليك و رد عليه وائل
ليث:اي رحت بشغل ونسيته هنا
والده ليث:شغل شنو
ليث:شغل يمة
والده ليث:ادري يمة ما تريد تحجي حتى ما اخاف عليك
ليث:اذا تعرفين لعد ليش تسألين
والده ليث:يمة دير بالك على نفسك لا تتهور
ليث:ان شاءالله
والده ليث:ماكو ان شاءالله لا تسوي بطولات اكعد راحة
صرت اضحك
ليث:ماشي
والده ليث:دير بالك على نفسك لا تخليني اقلق عليك
ليث:ماشي
والده ليث:شوكت تنزل
ليث:والله ما ادري شوكت ينطوني اجازة
والده ليث:صارلي شهرين ما شايفتك
ليث:راح احاول احجي وياه رئيسي بلكت ينطيني اجازة حتى لو اسبوع
والده ليث:اي يمة اريد اشوفك
ليث:طمنيني انتي شنو اخبارج تاخذين علاجج لو لا
والده ليث:اي يمة جاي اخذه اختك جمانة تنطينيا
ليث:خوش الحمدالله
والده ليث:يلا يمة روح ارتاح هسة دفي نفسك زين اخاف تبرد
ليث:ان شاءالله
والده ليث:والبس ملابس هواي
ليث:تمام
والده ليث:يلا مع السلامة
ليث:مع السلامة
اقفلت الخط وتمددت على السرير نظرت الى الرقم الثاني كان رقم من الخارج العراق
ليث:هذا الرقم من الخارج بس منو يخابرني من الخارج
لم اكترث له تركت الجهاز على السرير واغمضت عيني قليلاً
اللواء مجدي:مبروك ليث
ليث:الله يبارك بيك سيدي بس على شنو
اللواء:قدمت اسمك واحد من المرشحين حتى تروح الفلوجة راح تحارب هنا
ليث:صدك سيدي
اللواء:اكيد انت مو جان حلمك تروح تحارب هناك وهاي قدمت لك الفرصة وان شاء الله يوافقون
ليث:ان شاءالله
اللواء:لا تقلق اكيد راح يوافقون عليك لان انت ضابط ممتازة واني رشحت اسمك لان انت تستاهل
ليث:اشكرك
اللواء:لا تشكرني هسة اشكرني من يطلع اسمك
عدت الى البيت لم اجد احد ذهبت الى المطبخ كانت تجهز الطعام لم تبتبه لدخولي اقتربت منها واحتضنتها من الخلف فزعت وصرخت وفعت السكينه في وجهي
ليث:هاي اني شبيج راح تكتليني
حلا:هاي شبيك اكو واحد يدخل هيج خوفتني عبالي حرامي
ليث:حرامي ؟منو هذا الي ستجرى يدخل للبيت الرائد ليث
دفعتني بيدها
حلا:حبيبي لا تنفخ علية وخر خل اكمل الاكل
ليث:انجبي انفخ عليج شنو اصلا رشح اسمي حتى اروح الفلوجة
حلا:فلوجة !شتسوي ؟
ليث:اخذ جائزة نوبل شنو هذا السؤال الغبي شسوي يعني غير احارب هناك
حلا:اترجاك لا تشاقه اني ما احب هيج شي
وعادت الى الطاهي
ليث:ومنو كال اني جاي اشاقه
توقفت ونظرت لي
حلا:انت تحجي صدك لو تشاقه
ليث:هاي شبيج جاي اكلج اللواء احمد رشح اسمي حتى اروح تكولين تشاقه
حلا:انت من كل عقلك تحجي شنو تروح
ليث:وليش
حلا:شنو ليش ليث هي مو لعبه
ليث:بس اني مجاي العب اني قررت ولازم اروح
حلا:وين تروح انت تدري تموت روحك انت تدري هناك شكد خطر شكد شباب جاي يموتون بعدين شبيه شغلك هنا ليش تريد تروح للموت
ليث:اني مجاي احس روحي شي هنا حتى ما استحق ترقيه الي جاي اخذها واني كاعد هنا ما اسوي شي وغيري جاي يضحون بنفسهم على مود احنه نعيش
حلا:لعد بس من تروح للموت تحس نفسك بطل
ليث:اني اذا ما ادافع عن بلدي شكو دخلت بكلية الشرطة
حلا:اسمع اترك هذا الموضوع ماما اليوم اتصلت بيه وكالت راح يسافرون هي وبابا على كندا لان الوضع هنا صاير مو زين شنو رأيك نروح وياهه
ليث:شنو
حلا:اي وتترك شغلك ونسافر
ليث:انتي تحجين صدك
حلا:اي
ليث:اني جاي اكلج اريد اروح الفلوجة وانتي تكليلي نسافر
حلا:لعد شنسوي باقين هنا جاي اكلك الوضع مو زين وهاي جاي تشوف بعينك الانفجارات كل شوية بمكان
ليث:وشغلي
حلا:تعوفنه وتفتح هناك مشروع صغير تتشارك بيه انت وبابا
ليث:لا والله انتي تحجين من كل عقلج
حلا:اي
ليث:مستحيل انسافر انسي الموضوع
حلا:بس ليث
ليث:كلتلج لا يعني لا سدي الموضوع
حلا:شنو لا اني ما اكدر ابقى هنا
ليث:واني ما اسافر حلا ما اطلع من العراق وهذا اخر كلام عندي بعد لا تفتحين هذا الموضوع
وائل:سيدي... سيدي... سيدي
نهضت من فراشي
ليث:ها شكو
وائل:اسف كعدتك من النوم
ليث:لا عادي
وائل:تلفونك صارله ساعة يدك
نظر إلى الهاتف انقطع عن الاتصال
ليث:انكطع
نظرت إلى الرقم كان نفس الرقم الذي كان من الخارج
ليث:منو هذا جاي يتصل بيه
وائل:هذا الرقم نفسه من الخارج
ليث:اي
وائل:عندك احد بالخارج
صمت قليلاً
ليث:معقول لا
وائل:سيدي
ليث:هاا
وائل:اكول عندك احد بالخارج ممكن يكون هو يتصل بيك
ليث:لا عوفه اكيد مو مهم
حلا||
مرت نصف ساعة قلت يجب أن اتصل على الرقم مرة اخرى واذا رد علي نفس الشخص اسئله يمكن ان يعلم اي شيء عنه وعندما اتصلت صار رن الهاتف طويلاً ولكنه لا احد يجيب يبدو بانه غير رقمه فعلا مرت فترة طويلة ثلاثة سنين وبهذا الفترة يتغير كل شيء رميت الهاتف على السرير ونمت وفجأة رن هاتفي نهضت بسرعة انظرت الى الرقم كان رقم ليث اصبح قلبي يدق بسرعة كبيرة لا اعرف ماذا افعل ارد لم لا كنت مرتبكة جداً ولا اعلم ماذا علي فعله
حلا:هاي شبيج حلا ردي راح ينكطع
فتحت الهاتف بسرعة لم اتحدث انتظرته هو يتكلم
ليث:الو
انصدمت انه ليث اجل هذا صوته
ليث:الو
تجمعت الدموع في عيني
ليث:الو اكو احد يسمعني الو
صرت ابكي وضعت يدي على فمي لكي لا يسمع صوت بكائي
حلا في نفسها:يالله شكد مشتاقة اسمع صوتك
ليث:الو جاي تسمعوني الو
وائل:خير سيدي
ليث:ماكو احد يرد يمكن الشبكات الاتصال ضعيفة
كنت اسمعه يتحدث مع شخص
ليث:راح اطلع بره يجوز تجي الاشارة قرية
ليث:الو اكو احد يسمعني ردو عليه
كنت اضع يدي على فمي لكي لا يسمع صوت بكائي وفجأة شهقت بصوت عالي انصدمت
كما انا غبية ماذا فعلت ارد ان يقول شيئا ولكنه توقف بعد سماع صوت بكائي تجمدت في مكاني
حلا في نفسها:غبيه شنو سويتي
صمت قليلاً وثم نطق باسمي
ليث:حلا
فتحت عيني على وسعها
ليث:حلا هاي انتي
لم ارد عليه
ليث:حلا ردي عليه هاي انتي
اقفلت الخط بسرعة وصرت اتنفس سريعاً
ليث||
انها كانت حلا انا متأكد اجل احساسي يقول لي بانها هي حلا هي من اتصلت بي ولكن لماذا لم تتحدث معي ان كانت لا تريد التحدث معي اذن لماذا اتصلت بي يجب أن اتصل بها اريد التحدث معها اريد أن اسمع صوتها طلبت الرقم وكان يرن ولكن لا احد يرد علي
ليث: هاي هي اني متأكد هي مدام ما ترد عليه
اتصلت بها اربع مرات ولم ترد بعثت برسالة لها
حلا||
اتصل بي اربع مرات ولم اجيب عليه كنت احاول أن امسك بنفسي لكي لا اضعف وارد عليه كانت كرامتي تمنعني من ان اضعف وارد عليه فأنا لم انساه ما فعله بي وفجأة وصلت رسالة نظرت كانت منه فتحتها بسرعة و قرأتها
ليث:حلا اني ادري هاي انتي لا تحاولين ارجوج ردي عليه اريد احجي وياج اني ادري انتي زعلانة مني ومقهوره بس خليني اسمع صوتج الله يخليج
وبعد أن قرأت الرسالة رن علي مره اخرى
نظرت الى رقمه
حلا:مراح اخليك تسمع صوتي بدا
قطعت المكالمة واقفلت الهاتف ووضعت الهاتف على السرير
حلا:تريد تسمع صوتي هسة يلا اذكرتني بعد ما تخليت عني على مود شغلك
العوده الى الماضي
ماريا:اني وابوج قررنا نسافر وانتو لازم تجون ويانه وما نكدر نعوفج هنا ونروح
حلا:ليث ما يقبل نسافر يكول ما اكدر اعوف العراق
ماريا:شنو شبيه هذا مخبل شعنده باقي هنا
حلا:ميريد يترك العراق وغير هذا يريد يروح الفلوجة
ماريا:شنو شيسوي هناك
حلا:يريد يحارب هناك منتظر يطلع اسمه حتى يروح
ماريا:شنو انتي شتحجين زوجج هذا تخبل لو شنو شنو يروح هناك هاي مو لعبه احجي وياه
حلا:مليت واني احجي وياه ماما مصر على قراره
ماريا:لا هذا اكيد تخبل اني اليوم راح احجي وياه ابوج حتى يحجي وياه
حلا:اي ماما عفيه بلكت بابا يقنعه يغير قراره هذا
ماريا:انتي تردين تجين ويانه
حلا:طبعا اريد اسافر اني ما اكدر ابقه هنا
ماريا:ماشي
وفجأة رن هاتفي
حلا:ماما هذا ليث يتصل
ماريا:خليه يجي هنا حتى ابوج يحجي وياه
رفعت الهاتف
حلا:الو
ليث:الو حبيبي انتي وين جاي ادك الباب ومحد يفتح
حلا:اني عند بيت اهلي
ليث:شتسوين
حلا:ماما اتصلت عليه وطلبت مني اجي انت وين هسة
ليث:اني يم البيت
حلا:اكلك تعال على بيت اهلي بابا يريد يحجي وياك
ليث:بشنو
حلا:والله ما ادري تعال وشوف
ليث:ماشي هسة جاي
اقفلت الخط ونظرت الى امي
حلا:راح يجي
ماريا:ماشي واني هسة راح اروح احجي وياه ابوج
دخلت امي الى غرفتها لكي تتحدث مع ابي وانا ذهبت لكي اجهز الطعام وفجأة سمعت صوت الباب
حلا:هذا اكيد ليث خل اروح افتح الباب
ذهبنا فتحت الباب كان ليث
حلا:مساء الخير حبيبي
ليث:مساء النور شتسوين هنا
حلا:مو كلتلك عازمنه بابا على العشاء
ليث:غير تحجين من البداية
حلا:ما ادري همه اتصلوا بيه وكالوا تعالي
ليث:مجاي اصدك حماتي عازمتني على العشاء ادري بيها ما تحبني
احتضنته
حلا:مو مهم المهم انو بنتها تحبك
ليث:صح هذا اهم شي
وفجأه اصبح يقبل رقبتي
حلا :لك جاي شتسوي عيب
ليث:شنو عيب انتي مرتي
حلا:مرتك بالبيت مو بالشارع وخر مني
دفعته ودخلت إلى المطبخ اعد الطعام
ليث:جاي شتسوين
حلا: همبركر و بيتزا بالجبن ممم طيبه
ليث:لعد اهلج اشو ماكو
حلا:بالغرفه
ليث:عزة بالغرفه شيسوون وكتهم واحنا موجودين صدك ما يستحون
حلا:جايين يحجون تفكيرك وصخ
ليث:هاا اي جاي يحجون واحنه هم خل نحجي اريدج موضوع
امسكني من خصري وسحبتي إليه وصار يقبلني
حلا:لك جاي شتسوي وخر هسة يجون عيب
ليث:واذا حلال عليهم وحرام علينا
حلا:ولك عيب انت صدك ما تستحي
وفجأة سمعت صوت امي
ماريا:وينج حلا
ليث:عزة اجتي امج وخري
دفعني بسرعة وصرت اضحك عليه بصوت عالي
ليث:شبيج تضحكين
حلا:اضحك عليك خفت من امي
ليث بأرتباك:انجبي لج اخاف شنو بس عيب
حلا:اي عيب
ليث:لا تضحكين لج
ماريا:هاي شبيكم شكو
ليث:عمتي هلا بيج
نظرت إليه بسخرية
ماريا:هلا بيك
ليث:شلونج عمه ان شاءالله بخير
ماريا:اي بخير وانت
ليث:بشوفج صرت كولش زين
همست له
حلا:لا تجذب بشوفتها صرت زين
ليث:اسكتي خل نرفع من معنويات امج بلكت تحبني
ماريا:شكو شبيكم
ليث:ماكو شي عمه بس اكلها امج صايره حلوة امرأة اجنبية
ماريا:مممم روح عمك يريدك يريد يحجي وياك ليث:اي اكيد باي عمتي
تركنا وذهب
ماريا:احس زوجج لوكي
حلا:ماما ما اسمح لج تحجين على زوجي وبعدين ما تفرحين رجل بنتج يمدح بيج
ماريا:لا ما افرح
حلا:بكيفج هسة احجيلي حجيتي وياه بابا شنو كال راح يحجي وياه ليث
ماريا:اي حجيت وياه وكال اني راح اقنعه يسافر ويانه
حلا:اي بلكت يقتنع
ماريا:والله هو مضطر يقتنع لان اني ما اكدر اروح واعوفج هنا
حلا:واذا ما قبل شنسوي؟
ماريا:وكتها تعوفيه وتجين ويانه
حلا:شو
ماريا:اي هذا احسن شي لان بصراحة ما اكدر اعوفج هنا
حلا:ماما شلون تردينه اعوفج زوجي واسافر
ماريا:هذا احسن شي
حلا:هسة خل ننتظر يجوز بابا يكدر يخليه يوافق
ماريا:يلا خل نجهز الاكل بسرعة
حلا:ماشي
اصبحنا نعد الطعام انا وامي وبعد ربع ساعة انتهينا
ماريا:يلا خلصت البيتزا اخذيها حطيها على الطاولة
حلا:اوكي
وقبل خروجي من المطبخ دخل ليث
حلا:ليش اجيت خلص الاكل يلا امشي خل نروح ناكل
ليث:ما اريد امشي خل للبيت
حلا:شنو ليش
نظر لي بغضب
ليث:جاي اكلج امشي بسرعة
حلا:شبيك ليث شكو
ليث:اني راح انتظرج برا
خرج من البيت
ماريا:شبيه هذا
حلا:ما ادري اعتقد لان حجه وياه بابا يلا اني راح اروح
ماريا:اتصلي بيه ماشي
حلا:ماشي
خرحت من البيت وكان ليث ينتظرني عنده الباب وكان شكلها غاضب جداً
.
.
.
.
.
.
شنو رأيكم في بداية الرواية ان شاءالله عجبتكم
