الموت ما هو أنك تكتفن بترابك ! الموت أنك تحب حي ويفارقك

32

ام سعود دخلت لعند زوجها اللي كان يتامل بصوره قديمه له مع اخوه اسامه اول ما مسكوا الشغل و جلست: منصور
منصور بتنهد: هلا يا ام سعود.. تبين شيء
ام سعود: حزين
منصور: وكيف ما احزن وانا توني خسرت اخوي وولده زوج بنتي.. الا هي شلونها؟؟
ام سعود: الحمد لله احسن من قبل بس مازالت حزينه
منصور: الله يكون بعونها
ام سعود: خايفه عليها كثير يا منصور... خايفه عليها من المستقبل عليها و على ولدها من بيكون عندها ...
منصور: بعيد الشر... احنا عندها و عندها سعود..
ام سعود: سعود مصيره بيتزوج و انا و انت ماحنا ضامنين اعمارنا..
منصور وهو رافع حاجبه: قصدك ازوجها بعد ما تولد؟
ام سعود: وهذا اللي انا خايفه منه.. من بيتزوج ارمله وعندها ولد و اصلا انا خايفه انه يحرمونها منه ...
منصور وهو يزفر بتعب: لا حول ولا قوه الا بالله .. ايش العمل..
ام سعود: اللي كانوا يسوونه اجدادنا طبعا
منصور: وايش اللي كانوا يسوونه اجدادنا؟
ام سعود بنظره قويه: لما يموت زوج حرمه عندها عيال.. ياخذها اخوووه و يربي عيالها..
منصور: بس فارس في السجن و ما راح يطلع الا بعد سنين..
ام سعود باصرار: وفارس هو اخو فيصل الله يرحمه الوحيد؟؟
منصور بصدمه: قصدك عبدالعزيز؟؟؟ بس عبدالعزيز متزوج؟؟
ام سعود ببرود: خاطب.. ما تزوج لحد الحين اللي بينه وبين الغريبه ملكه .. الحين بيتزوجها و يترك بنت عمه اللي كانت ماخذه اخوه تروح للغريب
منصور بتعجب: بصراحه معك حق.. بس تعتقدين يوافق؟
ام سعود: غصبن عنه بيوافق بس هذا الشيء لازم يصير شوي شوي و بتركيز و تدخل من كل العايله .. انا بتولى ساره و ام فارس و انت تولى بو جسار و بو مشاري . .. وان شاء الله بيصير اللي احنا نبي
منصور باتفاق : اوكي اتفقنا
ام سعود بفرح وقفت بسرعه وهذا الشيء سبب لها الم في بطنها: اهااااا
منصور: دلال فيك شيء؟؟
ام سعود: لا.. بس كانه مغص..
منصور: ان كنتي تعبانه لا تروحين اقعدي..
ام سعود بسرعه هزت راسها: لا طبعا ما اقدر.. ندى محد يزورها مافي احد فيهم خير.. لازم اكون جبنها
منصور بقهرعلى حال بنته: الله يعين ..
-
-
-
ايمان كانت تقرا في المسجات القديمه و ترد على المواضيع لما وصلت لها رساله غريبه ..من واحد من الاعضاء..
كانت بدايتها اقتباس لرد كانت مسويته من قبل ... ما ذكرته لهذا السبب فهمت انه من ردود نواف.. فحبت تشوف شنو كان راد علي العضو فيه
المرسـل: ألاسـير...
اقتبــاس
----------------------------------------- --------------------------
المرسل: نادي العشـاق ..
اقتباس ( سؤال الاسير)
------------------------------------------------------------------------
السلام عليكم
بصراحه لفت انتباهي اعلان موقعكم خلال بحثي في المواقع عن حل لمشكلتي و قبل ما ارسل الرساله ،، بحثت وتاكدت بنفسي من ان الكل يمدح فيكم و في المساعده اللي تقدمونها للمحتاجين..
عندي مشكله من نوع مختلف و انا اظن انه صعب يكون لها حــل...

انا احـــب زوجة اخوي !!!
كان من المفروض هذي الانسانه و اللي احبها من كل قلبي و اللي كانت السبب في تحملي ذل اهل ماهم باهل...تكون لي..
استغل هالناس سفري و غيابي.. ضغطوا عليها و على ابوها و زوجوها اخوي الفاشل ..انسان ما يعطي هذي الرقيقه اي حب او انتباه عايش على وناسته و طيشه.. انسانه ما تقدر تمنع عيونها من النظر لي بحب في كل مره تتلاقى عيونا..
انا خايف علي وعليها... خايف تتسب هذي المشاعر بمشاكل اكثر و اكثر بيني و بين اهلي...
ارجوك ساعدني....
------------------------------
( اقتباس رد ماغي)
و عليكم السلام اخوي..طلبت تحويل الرساله لي و ان الرد يكون مني انا شخصيا لما لاحظت انها شبه معقده و تحتاج حكمه و هدوء بال...
الاعضاء الباقي رفضوا الرد و اعتبروك مجرم.. يستحق التجاهل ..
(يوسف توسعت عيونه من الكلام اللي يقراها كان بيغلق الصفحه قبل لا يلفت انتباهه السطر اللي بعده)
انا على العكس اتعاطف معـك لاني اعرف بالضبط شـعور لما ينتزع بالغصب من قلبك الحب اللي كان يمليه... لكنـا في النـهايه ما بوسـعنا الا ان نعيش من دونهم ..
و اسلم شيء لك هو انك تتزوج... وجود الزوجه مهما كان قلبك متعلق في غيرها راح يغير في اتجاه الصح مع الوقت.. و تكوين الاسره راح يعوضك الفراغ اللي تحس فيه اتجاه اسرتك..
و نصيحتي لك ان تسارع في هذا الشيء.. الشيطان راح يلعب في عقلك و يصور لك اشياء راح تدفعك لارتكاب اخطاء ممكن تكون غير قاصده و تتسبب في اشياء تندم عليها مستقبل ..
بالتوفيق.:
الرئيســه : Magi
--------------------------------------------------
ايمان قرت الرد و استغربت ان نواف البارد الجامد التفكير و المزواج ممكنه انه يكتب كلام مثل اللي كتبه .. هي صحيح تفاجأت في ردود كثيره له لكن هذا كان مختلف كثير...قررت تكلم الرد حتى تشوف شنو صار لهذا العضو بعد نصيحه نواف..
- -
( اســير)
السـلام عـليكم يا رئيسه مـاغي..... تذكريني انا اللي ارسلت لك من مده هذي المشـكله و بكل طيب جاوبتني عليها
عندي مشكله جديده ممكن تساعديني فيها؟؟؟
اخوك: الاسـير...
----------------------
ايمان مشت للحاله و غيرت حالتها لعدم الاتصال حتى تعرف كيف ترد عليه براحه و بعدها كتبت له
----------------------
المـرسـل: الرئيسه Magi
وعليكم السـلام اخوي الاسـير.. اخبـارك .. اتمنى تكـون بخيـر.. الاعضاء في العاده يسـالوني عن حلول المشاكل وانا ابلغهم وبعدها يردون لكن قله اللي ارسل لهم بنفسي ..بمعنى ثاني ما نسيتك لا تخاف...
تفضـل .. كلي آذان صاغيه...
-----------------
ايمان ارسلت بشوق حتى تعرف الرد عليها و بعد دقايق وصل الرد
--------
الاسيــر
انا من مده لما بلغت ابوي اني بتزوج.. زوجني اخت زوج اختي الارملـه و قررت ارفضها لانه ماهو حق اتزوج ارمله وانا ماسبق لي الزواج وما عندي قاصـر .. لكنهم اجبروني و اجبروها ... عاملتها بقسوه و اهنتها حتى تكرهني حتى اني رفضت المسها و استمريت اناديها بالقطعه المستعمله، لكنها كانت صبوره و تحملتني... بعد فتره قصيره مات اخوي .. و صابتني صدمه كبيره اثرت على دماغي وافقدتني البصـر.. زوجتي اهتمت فيني و حطتني على راسها وبعد ما رجع لي البصـر قررت اقوي علاقتي فيها اكثـر رغم انها خجوله و تتهرب مني فهمت منها انها ما كانت تحب زوجها الاولي و ان الظروف هي اللي جبرتهم ببعض وانها كانت معجبه فيني انا قبل زوجها بمده لاني كنت ازورهم... لكن حتى بعد ما صارحتني احسـها تتهرب مني .. هل هو الخجل فعلا... او ان اللي قالته مجرد كلام حتى تقربها مني .. احس بضياع...
شيء ثاني.. اختي المتزوجه اخوها العلاقه بينهم متوتره كثـير و احس انها بتنتهي قريبا.. و هو شيء راح يأثر علي و على حياتي معها خصوصا ان اختي هذي مدلله الوالد و اخاف يجبرني اطلق زوجتي اذا تطلقت اختي.... ارجوك .. ساعديني...
-
ايمان تفاجأت بكيف كبر الموضوع عن اللي كان عليه لكنها كانت له بالمرصاد خصوصا انها كانت مقهوره ونفسها تفرغ في اي احد باي شكل من الاشكال ..