My Enchanted Tale

11 ❀ Her Power

My power, well it's kinda hot.

***

Naalimpungatan ako dahil parang may mabigat na nakadantay sa balikat ko. Noong una hindi ko ito pinansin at iginalaw galaw ko lamang ito, dahil akala ko mawawala iyong bigat sa balikat ko. Subalit, habang tumatagal, parang lalong bumibigat.

Ano ba iyon? Tanong ko sa utak ko. Saka ako napahikab ng kauntian. "Hmmm." Mahinang imik ko, dahil inaantok pa talaga ako, kaso parang may nakayakap sa'kin? Eh?

Gayunpaman, dahil inaatok pa talaga ako, hinayaan ko na lamang ito. Ilang sandali pa nakarinig ako ng parang bulong bulungan, kaya't nagtaka ako ng sobra.

"Ano yan? Bakit magkasama sila?"

"Bakit sila andyan?"

"Omygosh! Si Louie, pagkatapos iyong babae, anong nangyari?"

Marami pa akong narinig. Kaya't nairita ako. Bakit ba ang ingay ingay? Dahan-dahan kong iminulat ang mga mata ko. Noong una, malabo ang mga nakikita ko, pero parang ang daming tao, unti-unti luminaw ito, at tama nga ang daming tao. Tiningnan ko lamang sila ng parang wala lang, dahil inaantok pa ako.

Subalit, noong medyo narealize ko na nakatitig sila sa'kin ay tumingin ako sa katabi ko, dahil may naramdaman akong yumakap sa bewang ko. Biglaang nanlaki ang mata ko sa kasunod na nakita ko! OMG! Nakayakap sa'kin si Louie, habang nakapikit pa! Omo! Tulog pa ata siya! Muli napatingin ako sa mga nakatingin sa'min, at ang sasama ng titig nila, kaya't dali dali akong tumayo.

Nakakahiya!  Pakiramdam ko tuloy, namumula ang buong muka ko. Aalis na sana ako doon,mngunit biglang nagsalita si Louie.

"Babes?" Bangag pa na sabi nito. Hindi niya ba alam na pinagtitinginan na kami?! Hindi ko sya, pinansin at lumakad lang ako palabas ng classroom na ito. Nakakahiya talaga.

"Babes!" Hindi ko siya pinansin noong tawagin niya ako. Bagkus, ay lalo akong nagmadaling umalis. Argh. Gusto kong bigwasan ngayon si Louie, dahil sa pagtawag tawag niya ng babes sa'kin. Hindi ko napansin na nakalapit na pala siya sa'kin, at saka nito ako hinawakan sa kamay. Nanlaki ang mata ko doon, at sinamaan ko siya ng tingin.

"Louie." I warned, ngunit hindi niya ito pinansin at mas lalo lamang hinigpitan ang hawak sa kamay ko. Bakit ba ganito ito ngayon? Hindi ba lagi itong galit sa'kin? Tss. May sakit na talaga ito sa pag-iisip. Tss.

Binilisan ko ang paglalakad, pero walang kahirap hirap lamang niya akong sinabayan. Pa-cool cool pa siya, halatang nang-aasar. Aish! Pasalamat ka gwapo ka! Maya maya pa habang naglalakad kami bigla naming nakasalubong si Bella. Magsasalita na sana ako, ngunit inunahan niya ako.

"Ayisha! Mygad! Alalang alala ako sa'yo kagabi! Bakit hindi ka umuwi ha?" Sermon agad niya sa'kin, habang naniningkit ang mga mata.

"Pasensya na Bella, na lock kasi kami." Malumanay na paliwanag ko. Parang nakahinga naman ng maluwag si Bella doon.

"Ganun ba?" Tanging wika na lamang nito.

"Bella, pede umuwi muna ako?" Tanong ko sa kaniya.

"Sige. Sabihin ko kay Emerald samahan ka. Pasensya na busy lang kasi talaga ako, may inutos iyong teacher ko." Paghingi ng paumanhin sa'kin ni Bella, tumungo na lamang ako.

"Okay lang." I said plainly, as I smiled at her.

"Babes." Biglang sabat ni Louie. Iwinakli ko iyong kamay niyang naka-hawak sa kamay ko, at saka ako nagmadaling maglakad, para matakasan ko siya.

Maya-maya pa, nagulat ako noong may maliit na bagay este fairy ang sumalubong sa'kin.

"Yisha!" Masayang tawag nito, pagkatapos ay inikutan ako ng inikutan na parang tuwang tuwa, kasi nakita na niya ako.