لا أستطيع العيش بدونك

سعاده من كل الجوانب

مى: حاضر يا أستاذ منير اتفضل اتكلم وأنا سمعاك.
منير يعرف مى على الخطة المطلوبة ويهددها إنها لو منفذتش هينشر الفيديو بتاعها وكمان ممكن يوديه للشرطة.
مى بعد سماع الخطة: حا حاضر يا استاذ منير اللى تأمر بيه هيتنفذ.
منير يشعر بالراحة لأنه قدر إنه بسيطر على مى ويتصل بهايدى لكن المرة دى الإتصال من برنامج سكايب زى ماوعدها.
منير: هايدى وحشتينى ايه انتى كنتى بتبكى.
هايدى: لا لا يا منير معلش أنا زهقانه شوية، أصلك وحشتنى أوى يا منير.
منير: خلاص يا هايدى كلها كام يوم وأنزل أجازة.
هايدى بتمسح دموعها: ها يا حبيبى عملت ايه فى الشغل النهارده.
منير: ياااه يا هايدى كان يوم طويل لكن الحمد لله خلص على خير.
هايدى: الحمد لله يا حبيبى، خلى بالك من نفسك يامنير.
منير: يا هايدى قولتلك مية مرة متخافيش عليا أنا مش عيل صغير، بس قوليلى يا هايدى إنتى مرتاحة فى البيت لوحدك، يعنى بتجيبى طلباتك ازاى والأكل والحاجات دى يعنى.
هايدى: بصراحة يا منير أنا لما أعوز أى حاجه بتصل بحسام وفى ثانى بيجبهالى.
منير: حسام ده كل يوم بيثبتلى إنه راجل بجد وممكن أعتمد عليه بجد، طيب مش هطول عليكى يا هايدى شكلك عاوزة تنامى.
هايدى: آه والله يا منير عاوزه أنام لكن كنت مستنية التليفون بتاعك وإنت دايما متأخر كده ومفيش حد على بالك خالص.
منير: ههههههههههه ربنا يخليكى ليا يارب يا هايدى.
ويقفل منير الخط ويدخل ياخد شاور وينام. وفى نفس الوقت كانت مى بتنفذ خطة منير.
سما: ها يا مى كله تمام ولا ايه.
مى بتسجل الحوار: آه يا سما كله تمام بس الموضوع ده ممكن ياخد وقت.
سما: براحتك خالص بس الشرايط (شرايط الفيديو) تكون عندى قبل أول أجازة لمنير.
مى: أوك خلاص يا سما.
تانى يوم الصبح يصحى منير من النوم ويجهز نفسه ويفتح الباب علشان يمشى يلاقي مى واقفة مستنياه.
منير بيتجاهلها ويكمل طريقه بس هي ماشية جنبه: ها يا مى عملتى اللى قولتلك عليه.
مى: تمام يا أستاذ منير والخطة شغالة كويس.
منير: هايل يا مى، تعرفى لو الخطة نجحت يامى هعتبر كل اللى عملتيه معايا محصلش وأنا عند كلمتى.
مى: ربنا يسهل يا أستاذ منير.
يركب منير العربية وتركب مى جنبه ويروحوا على الشركة.
وتمر الأيام ويتبقى خمس أيام على اجازة منير.
يقوم منير الصبح يسمع الباب بيخبط، بيفتح الباب شاف مى.
منير: خير يامى فيه حاجه.
مى: لا لا أبدا يا أستاذ منير أنا بس كنت جاية أديك التسجيلات بتاعت سما.
منير: بجد يا مى ،هايل.
مى: بس يا أستاذ منير هتعمل بيها ايه.
منير: الأول هرسلهم لسما على البريد بتاعها، وبعد كده هوديهم لقسم الشرطة وأعمل بيهم محضر، وبكده أكون خلصت من سما قبل ماتخلص منى. ومتخافيش يا مى أنا عند وعدى ومستحيل حد غيرى يشوف الشرايط بتعتك، لكن دا ميمنعش إنى هحكى الحكاية دى لشخصين اتنين بس(هايدى وحيام)  مى: شكرا يا أستاذ منير.
وينفذ منير آخر جزء من خطته وأرسل التسجيلات على بريد سما وكتبلها عليها بالشفا إن شاء الله.
وراح عمل بيهم محضر فى الشرطة وفى الحال صدر أمر بحبس سما على ذمة التحقيق. وبكدا منير ارتاح وحس ان الدنيا بدأت تضحك قدامه.
وتعدى أيام إقامته فى الإمارات ويجى اليوم اللى هيرجع فيه مصر ،يتصل بأهله وهايدى وحسام ويعرفهم انه راجع النهارده، يروحوا كلهم يستنوه في المطار.
بينزل منير من الطيارة وبيسلم على أهله وعلى حسام وبياخد هايدى فى حضنه وبيهمس فى ودنها
منير: وحشتينى يا حبيبتى.
هايدى: وانت كمان يا منير
منير: بحبك.
هايدى: أخيرا نطقت.
منير: ههههههه يلا بينا على بيتنا وأنا مش هنطق بس.
هايدى تضربه على كتفه ووشها يحمر وتضحك.
يدخل منير بيته ويقف فى نص الصالة ويلف ايديه حوالين هايدى
منير: بحبك يا هايدى.
هايدى: ههههههه مش كنت بتقول مش هينفع نكمل مع بعض.
منير: سيدتى أنا لا أستطيع العيش بدونك ، فأرجوكى قولى أحبك كى تزيد وسامتى فبغير حبك لا أكون جميلا.
هايدى: بحبك بحبك بحبك يا منير إنت كنت فرحتى بالرغم من إنك زعلتنى ،وكنت سندى بالرغم من انك استغنيت عنى ،ودلوقت عمرى مااقدر أبعد عنك. 
منير: بقولك يا هايدى مش انتي مراتى.
هايدى: انت شايف ايه.
منير: طيب تعالى لما نحب بعض جوا.
وبياخد منير حبيبته جوا وبيقفل الباب وبي...........
لا لا لا كدا عيب إحنا رايحين فين ،إحنا نسبهم مع بعض بقا ونتكل على الله😅
لو عجبتكم الروايه ممكن تدعمونى لأن بصراحة دعمكم بيفرق معايا. رأيكم فى روايه (لا أستطيع العيش بدونك)...
وهل ينفع أكمل كتابة ولا لأ.
شكرا.👋👋👋❤💋