لا أستطيع العيش بدونك

منير ينجو من المكيدة ويخطط للإنتقام

بعد مرور 4 أيام، مى تروح الصبح من بدرى تخبط على باب منير.
مى: هاااى منير ازيك عامل ايه.
منير: هاى ومنير وازيك، ياه يا مى دا إنتى اتغيرتى خالص عن يوم ماقابلتك فى المطار، خير فى ايه عالصبح كدا.
مى: ايه دا إنت نسيت إنك هتستلم الشغل النهارده.
منير: تصدقى نسيت ،طيب روحى انتى وأنا هغير هدومى وأرجع.
مى: طب مينفعش أدخل أستناك جوا.
منير: جوا فين يا آنسة ولا يا مدام، بقولك انزلى وأنا جاى وراكى.
أول محاولات مى بتفشل ،وبتنزل تستناه.
منير يدخل يلبس بدلة شيك ويسرح شعره لورا ويلبس جزمة سودة لايقة على البدلة، ويتصل بهايدى لأنه زى موعدها إنه هيكلمها مرة الصبح ومرة بليل.
منير: هايدى وحشتينى بجد والله صدقينى مش قادر على بعدك عنى. هايدى: صباح الخير يا حبيبى، والله وحشتنى إنت كمان أوى خلينا نتكلم مع بعض على سكايب أو ڤايبر أصل شكلك وحشنى أوى.
منير: إن شاء الله هكلمك المرة الجاية على سكايب، بقولك أنا رايح دلوقت أستلم الشغل دعواتك بقا.
هايدى: بدعيلك والله يا حبيبى فى كل وقت إن ربنا يسهلك وترجعلى بالسلامة.
بيودع منير هايدى وبيقفل الخط وبينزل تحت ل مى.
مى: ايه دا منير اتأخرت عليا.
منير: لو سمحتى يا مى أنا اسمى الأستاذ منير، وسورى على التأخير كنت بكلم المدام بتعتى.
مى: ماشى يا أستاذ منير يلا اتفضل اركب العربية اللى هتوصلك للشغل.
منير: ايه دا انتى مش هتروحى الشغل ولا ايه، على ما أعتقد انك المرشدة بتعتى.
مى: اه المرشدة بتاعت حضرتك لكن تعبانة شوية النهارده فمش هقدر أروح الشغل النهارده، وأنا كلفت السواق يوصلك ويوديك لمكتب المدير.
منير: أوك ماشى خلاص.
مى: بس لوسمحت ممكن مفتاح الأوضة لأن الفندق محتاجه عشان يوضبها لحضرتك.
منير: آه أوى أوى اتفضلى.
بتاخد مى المفتاح وبيمشى السواق بمنير. وتنادى مى على العمال ويدخلوا يركبوا الكاميرات ويمشوا لكن مى بتستنى فى الأوضة بتاعت منير وتتخلى واحد من العمال يذى المفتاح للإستقبال.
*** فى الشركة.
منير: صباح الخير يا فندم والله شرف ليا إن أشتغل فى الشركة العريقة دى.
مدير الشركة: أهلا أهلا بيك أستاذ منير ، دا الشرف لينا حضرتك إنك يشتغل معانا إنسان محترم ومجد زى حضرتك.
وينادى مدير الشركة على المساعد بتاعه يعرف منير على مكتبه.
ويخلص أول يوم لمنير فى الشغل ويطلع من الشركة يلاقى السواق مستنيه. يركب العربية ويروح الفندق يستلم المفتاح من الريسبشن (الإستقبال) وبيطلع يفتح الباب ويدخل يلاقى مى مستنياه فى الصالون ولابسة قميص نوم شفاف وقصير (سورى يا جماعة غصب عنى الوصف لكن علشان الأحداث تكمل) وتروح تقف فريحه وتحط ايديها علي كتفه.
مى: انت إتأخرت كدا ليه يا منير أنا مستنياك من بدرى.
منير واقف مندهش لأنه مكنش متوقع الموقف ده.
منير: انتى بتعملى ايه هنا.
مى: بحبك يا منير بحبك.
منير: امشى يا حيوانة يا سافلة اطلعى بره.
مى بتقرب من منير أكتر وأكتر وبتحاول تحتك بيه.
منير اضايق وراح ماسكها من شعرها وجرها على الأرض.
منير: طيب يا حيوانة أنا هوديكى للسكيورتى يصرفوا معاكى إنتى فكرانى رخيص زيك يا حيوانة ولا ايه.
مى بتبكى وتصرخ: لا لا بليز يا أستاذ منير متفضحنيش أنا هحكيلك على كل حاجه.
منير بيهدا ويسمع اللى مى بتقوله، مى بتحكى لمنير على كل حاجه، ومنير دمه يغلى ويصر انه ينتقم من سما.
منير: اسمعى يا بنت انتى ، عايزك تروحى للى اسمها سما وتقوليلها ان الخطة ماشية تمام بس هتاخد شوية وقت ،لغاية ما أشوف حل ، وعارفه لو لعبتى بديلك هتكون نهايتك على ايدى خصوصا إن الشرايط معايا وكل حاجه واضحه فيها ، ها قولتى ايه.
مى: حاضر حاضر يا أستاذ منير.
منير: امشى إلبسى هدومك واطلعى بره وروحى صلى واستغفرى ربنا يمكن يتوب عليكى. بتمشى مى ومنير بيقعد يفكر هيعمل ايه مع سما ، فقرر انه يتصل بحسام.
منير: ألو ازيك يا حسام واحشنى والله.
حسام: ازيك ياض يا منير وانت اكتر والله ها عامل ايه في الشغل.
منير: تمام يا صحبى، بقولك كنت عاوز أكلمك فى موضوع مهم.
حسام: ماشى اتفضل.
منير حمى لحسام كل حاجه بالتفصيل.
حسام: أنا عندى الحل يا منير اسمع اللى هقولهولك، بص يا سيدى انت هتخلى البنت اللى اسمها مى تروح تتكلم مع سما عادى لكن تسجل الكلام معاها وقول لمى تحاول تخلى سما تعيد الاتفاق من الأول علشان يتسجل، وتخلى مى تكرر الموضوع كذا مره.
منير: يخربيتك دا انت مصيبة شكرا يا صحبى.
حسام: متقولش كدا يااض دا انت اخويا ،بس علشان خطرى يا منير تحسن علاقتك بهايدى.
منير: الحمد لله يا حسام ربنا هدانى وكلمتها وصالحتها.
حسام: الحمد لله والله أحسن خبر سمعتوا يا منير.
منير: ربنا يخليك ليا يا حسام انتى وهى لأنكم مصدر سعادتى.
حسام: حبيبى والله يا منير يلا مع السلامة.
منير بيقفل الخط مع حسام وبيتصل ب مى.
منير بيكلم مى: اسمعى يا بت انتى الكلمتين اللى هقولهملك وتنفذيهم بالحرف الواحد.
****----****----****----****----
إن شاء الله البارت الجاى الأخير
وهو أحسن بارت فى الرواية وفيه:
منير بينتقم من سما وبياخد أول أجازة وبيرجع مصر ياترى علاقته بهايدى هتكون عامله ازاى ياترى هيكمل معاها.
دعمكم ليا بيفرق كتير❤ ولو مستنيين منى كتابات تانية قولوا.