لا أستطيع العيش بدونك

سفر منير

يدخلوا كلهم علشان يطمنوا على هايدى.
والدة هايدى: بنتى حبيبتى ألف سلامة عليكى يا حبيبتى.
والدة منير: لا حول ولا قوة إلا بالله إنتى أكيد انحسدتى يا بنتى.
منير يقعد جنب هايدى: ألف سلامة يا عروسة كده تخضينا عليكى.
هايدى: الله يسلمك يا منير معلش معرفتش أسيطر على نفسى.
الدكتور يدخل: ها يا هايدى تروحى مع منير ولا تستنى هنا طول النهار.
هايدى: هبقا كويسة فى بيتى أحسن يا دكتور.
الدكتور: خلاص يا ستى تقدرى تروحى معاهم.
يركبوا كلهم فى العربية.
والدة هايدى لمنير: خلى بالك من هايدى يا منير دى غلبانة وبتحبك أوى.
منير يكتفى بإبتسامة بسيطة ويهز راسه.
يروح منير وهايدى البيت، هايدى كانت لسه دايخة وتعبانة ،راح منير شالها وطلع بيها السلم، هايدى بصت في عنيه وهو شايلها وبكت.
منير: ايه يا هايدى بتعيطى ليه.
هايدى بتحاول تدارى: لا أبدا يا منير تعبانة شوية.
منير يعمل نفسه مصدق: طيب أنا هدخلك على السرير ترتاحى وهتقومى تلاقينى محضرلك الغدا.
هايدى: بليز يا منير متتعبش نفسك أنا هرتاح شوية وأقوم أحضر الغدا بنفسى.
منير: طيب بس ريحى إنتى الأول بس وبعد كده هتفرج.
منير يشيل هايدى لغاية السرير وينيمها، ويدخل المطبخ يحضر الغدا.
بليل هايدى تقوم من النوم تلاقى منير قاعد قدام التليفزيون.
قامت قفلت الباب علشان تغير هدومها. بس منير ميعرفش إنها بتغير هدومها وراح عشان يطمن عليها، منير بيفتح الباب.
هايدى: إي دا إي دا إي دا لا لا لا اطلع بره يا منير انت ازاي تدخل كدا من غير ماتخبط علي الباب.
منير بسرعة يطلع بره: هههههههه سورى يا هايدى مكنش قصدى.
هايدى: تصدق انت بارد يامنير بس استنى عليا أنا جيالك.
هايدى تغير هدومها وتطلع تضرب منير بهزار على كتفه وتقوله يا بارد انت ازاي تعمل كدا.
منير: هههههههه مقولتلك مكنش قصدى ومتقلقيش مشفتش حاجه، بالمناسبة أنا حضرت الغدا بس هو شكله هيبقى عشا مش غدا.
هايدى: بجد يا منير عملت أكل إيه.
منير: لحمة محروقة وبيض محروق وبطاطس محروقة.
هايدى: شكلى هكمل الوصفة بيك انت ياواد وأحرقك .
منير: هههههه ياريت حتى هتريحينى.
أكل العروسين وسهروا مع بعض بس كل واحد بعيد عن التانى.
هايدى: منير أنا هدخل أنام مش عاوز حاجه.
منير: شكرا يا هايدى تصبحى على خير.
تدخل هايدى تنام على السرير، أما منير فبيقفل التليفزيون وبينام فى الصالة.
تانى يوم الصبح حسام بيتصل بمنير.
حسام: صباح الخير يا عريس يا نكدى.
منير: صباح النور يا زفت عاوز ايه.
حسام: تصدق ياض أنا غلطان إنى جايبلك خبر حلو.
منير: وإنت من امتى بييجى من ناحيتك حاجه حلوه.
حسام: طيب يا سيدى ولو قولتلك إنك جايلك عقد عمل من الخليج.
منير: بص يا حسام لو بتهزر فإنت عارف إن الوضع مش مستحمل هزار.
حسام: أنا بتكلم بجد والله ،هتشتغل مندوب عن شركة ********* فى الإمارات.
منير: إنت بتتكلم بجد يا حسام والله.
حسام: آه والله ومش كده وبس دا إنت هتقعد هناك 60 يوم وتيجى 10 أيام.
منير: أنا مش مصدق نفسى الحمد لله الحمد لله شكرا يا حسام شكرا يا صحبى.
حسام: العفو يا منير. سلام.
هايدى تصحى من النوم على صوت منير.
هايدى: صباح الخير يا منير فى ايه.
منير: الحمد لله يا هايدى جالى عقد عمل فى الإمارات.
هايدى: بجد ألف مبروك إنت تستاهل كل خير والله. وهتستلم الشغل إمتى.
منير: مش عارف هكلم حسام بعد شوية أسأله.
هايدى: هتمشى وتسبنى لوحدى.
منير: إحنا اتفقنا على ايه يا هايدى، كلها كام شهر وننفذ خطتنا.
هايدى: ربنا يسهل.
منير: ألو يا حسام بقولك متعرفش أنا هستلم الشغل امتى.
حسام: كمان 10 أيام إنشاء الله.
منير: شكرا يا حسام مع السلامة.
يقفل منير الخط.
منير: إنشاء الله هستلم الشغل بعد 10 أيام.
هايدى: وإيه الشغل ده يا منير.
منير: هشتغل مندوب لشركة ****** فى الإمارات وإن شاء الله هيكون شغل خفيف 60 يوم شغل و 10 راحة هنا فى مصر.
هايدى بجد يا منير دا كدا حاجه جميلة أوى.
منير: إن شاء الله ربنا يسهل.
_بعد مرور 10 أيام
منير: بسرعة يا هايدى ساعدينى فى تحضير الشنط، هنتأخر على الطيارة.
هايدى بتبكى: حاضر يا منير.
منير: هايدى ممكن متعيطيش لأن دا مش وقته.
هايدى: بس هتوحشنى أوى يا منير.
منير يسيب الشنطة ويقعد جنب هايدى على السرير.
منير: هايدى إنتى لسه بتحبينى بعد الكلام اللى أنا قولتهولك.
هايدى: منير إنتا ظلمتنى وأنا حبيتك ولسه بحبك وحتى لما نسيب بعض هفضل فكراك.
منير مردش على كلام هايدى وقام كمل تحضير الشنط.
تليفون منير بيرن.
منير: أيوا يا حسام إنت فين دلوقت أنا حضرت الشنط ونازل.
حسام: أنا مستنيك تحت البيت من حوالى نص ساعة يا عم منير يلا بسرعة هنتأخر.
منير: أوك أنا نازل.
منير بيسلم على هايدى من بعيد لبعيد.
منير: مع السلامة يا هايدى علشان خاطرى متعيطيش.
هايدى بتمسح دموعها: هتوحشنى أوى يا منير.
وراحت هايدى حاضنة منير، منير استغرب ساعتها لأنه حس بالحنان والطيبة، حس بمشاعر الإنسانة الطيبة اللى بتحبه بجد ،لكن منير رفع ايديه لفوق وسابها هى تحضنه من غير مايحضنها.
هايدى: مع السلامة يا حبيبى.
منير مرضيش يخلى هايدى توصله للمطار علشان كان شايف إنها لو راحت معاه هتصعب عليه وهيتعلق بيها، لأنه لسه متخذش القرار إنه يكمل معاها حياته.
المهم منير نزل ركب مع حسام العربية وبيبص من شباك العربية شاف هايدى واقفة تودعه، راح شاورلها إنه هيتصل بيها أول مايوصل.
منير لحسام: حسام عاوزك تاخد بالك من هايدى يا حسام ولو احتاجت أى حاجه اعملهالها.
حسام: حاضر يا منير مش عايز تشيل أي هم أنا هعتبرها زى أختي بالضبط، بس يا منير إنت معاملتك ليها سطحية أوى حرام عليك دى بتحبك.
منير: مش عارف يا حسام ايه اللى بيحصل معايا، والله يا حسام هايدى خسارة فيا أنا مستهلهاش لأنها إنسانة طيبة بجد وحنينة بجد.
حسام: حاول تحسن العلاقة معاها يا منير وحاول تنسى انك تسيبها حرام عليك هي ملهاش أى ذنب.
منير: ربنا يسهل.
يوصلوا المطار ويودع منير حسام ويوصيه بهايدى. ويبدأ مغامرته الجايه فى الإمارات.
...............
فى البارت الجاى إنشاء الله:
حوار بين هايدى وحسام
ومكيدة سما لمنير
وتغير رأى منير فى هايدى