لا أستطيع العيش بدونك

جزء من حياة العروسين وصدمة من أول ليلة.

روح العروسين بيتهم الجديد ،دخلوا وقفلوا الباب.
هايدى: ألف مبروك يامنير.
منير: هايدى أنا كنت عاوز أقولك على حاجه مهمة.
هايدى: اتفضل يا حبيبى.
منير: بصى يا هايدى أنا زواجى بيكى كان مجرد غلطة............ أنا آسف يا هايدى......
هايدى: غلطة؟؟؟ غلطة ازاى يا منير فهمنى.
منير: هايدى إنت إنسانة حبوبة جدا وطيبة جدا وأنا إنسان أنانى سامحينى يا هايدى أنا السبب.
هايدى: منير أنا مش فاهمة حاجه ممكن تعرفنى فى ايه.
منير: فاكرة سما اللى كلمتك عليها.
هايدى: أيوه فكراها، مالها.
منير: سما دى كنت بعشقها ،كنت بحبها حب غير عادى، ويوم عمرو ماتقدملها سابتنى علشان فلوسه الكتيرة، ساعتها كنت عاوز انتقم منها بأى طريقة ،ففكرت إنى لما أرتبط بيكى هحرق قلبها ،لكن صدقينى يا هايدى أنا مكنتش متوقع إن الخطة هتفشل وتوصل للجواز.
هايدى بتبكى: تفشل؟؟؟؟ إنت يا منير بتسمى جوازك بيا فشل!!؟؟؟ طيب أنا ذنبى إيه يا منير، ذنبى إيه حرام عليك تعمل معايا كده.
منير: أنا آسف يا هايدى أنا........
هايدى: إنت ايه يا منير هاا انت ايه، عارف انت ايه يا منير ،إنت إنسان أنانى وإستغلالى مقدرتش حبى ليك، كنت بتحبنى أو عامل نفسك بتحبنى علشان مصلحتك، وبتقول على جوازك بيا فشل.
منير: هايدى ممكن اللى اتكسر يتصلح.....
هايدى: بليز يا منير سبنى لوحدى،لو سمحت.
منير: براحتك.
هايدى بتبكى ومش قادرة تستوعب ومش قادرة تسيطر على نفسها، وبتقول لنفسها: يارب إنت عارف إنى حبيته من قلبى وكنت مستعده أضحى بكل حاجه عشانه يقوم يعمل معايا كده.
وسلمت هايدى نفسها لدموعها ودخلت فى حالة انهيار نفسى وعاطفى.
منير بيخبط علي الأوضة: هايدى ممكن أدخل.
هايدى: اتفضل يا حب..... اتفضل يا منير ادخل.
منير يدخل يقعد جنب هايدى: بصى يا هايدى احنا مش ينفع نكمل مع بعض، بس لو سبنا بعض دلوقت الناس مش هتسبنا فى حالنا والإشاعات هتنتشر علينا، إحنا هنتستنى مع بعض 3 شهور، مش هلمسك فيهم وبعد المدة دى ماتخلص كل واحد فينا يروح لحاله.
منير كان فاكر انه لما هيقول الكلام ده لهايدى هتهدى أو هترتاح لكن ميعرفش إن كلامه ده صدمها أكتر لدرجة إنها وصلت لحالة إنهيار دخلت المستشفى بسببها.
_فى المستشفى
منير وأهله وأهل هايدى قاعدين.
والد هايدى: ايه يا منير يا ابنى اللى حصل. انت زعلتها فى حاجه.
منير كان هيرد بس الدكتور قاطع كلامه وهو خارج من عند هايدى.
الكل: طمنا دكتور هايدى عامله ايه دلوقت.
الدكتور: هي كويسة الحمد لله وفاقت تقدروا تدخلوا تكلموها بس ياريت مش تضغطوا عليها فى الكلام.
والد هايدى بيكلم الدكتور: طمنى يابنى هي عندها ايه.
الكتور: متقلقش يا حج هي كان عندها صدمة نفسية وانهيار عاطفى والحمد لله تخطتهم ،تقريبا بسبب انها لسه عروسة جديدة.
منير وشه يحمر ويبص فى الأرض لأنه عارف إنه السبب.
البارت الجاى هنطمن على صحة هايدى وكمان نظرة منير هتتغير ناحيتها لكنه لسه مش بيفكر إنه يكمل معاها، وكمان منير هيجيله شغل برا مصر وهيسيب هايدى ويسافر. رأيكم فى الرواية يهمنى.