منير بيتصل بهايدى
منير: حبيبتى وحشتينى طمنينى عليكى.
هايدى: هاي يا حبى أنا كويسة الحمد لله، أنا وحشتك بسرعة كدا دا أنا لسه سايباك امبارح.
منير: يا حبيبتى دا انتي وحشانى من ساعة ماسبتينى، بس أنا عندى خبر حلو ليكى هيفرحك.
هايدى: بجد يا منير ايه هوا الخبر.
منير: أنا جاى أنا وأهلى النهارده عشان أتقدملك.
هايدى: بجد يامنير
منير: ايه زعلانة ولا ايه
هايدى: دا انا مش مصدقه يا حبيبى دا انا هطير من الفرح ،انت متعرفش انا بحبك قد ايه، والله يا منير لو قعدت اوصفلك في حبى ليك مش هقدر.
منير الكلام مش داخل دماغه: هههههه طيب متنسيش النهارده الساعة 7 بليل.
هايدى: ودا يتنسى يعنى يا منير.
يوصل منير هو وأهله عند أهل هايدى ويبدأو يتكلموا مع بعض فى مواضيع مختلفة وبعدين يتكلموا فى الخطوبة.
والد منير: خلينا نتكلم فى المهم بقا يا أستاذ سعيد (والد هايدى).
سعيد: اتفضل يا أستاذ محمود (والد منير).
محمود: احنا جايين نطلب اييد بنتك الآنسة هايدى لمنير ابنى.
سعيد: والله يا أستاذ محمود دا شرف ليا انى أناسب حضرتك، خصوصا إن منير شاب محترم وعلى قدر عالى من الأخلاق، لكن يا أستاذ محمود انت عارف إن فى المواضيع دى مقدرش أخلص من غير ماخد رأي صاحبة الشأن.
محمود: الله يفتح عليك يا أستاذ سعيد ،طبعا لازم، طيب إحنا هنستأذن دلوقت وان شاء الله هنعدى عليك كمان يومين.
سعيد: شرفتونا والله يا جماعة مع السلامة.
طبعا هايدى بتوافق وبيتفقوا على معاد الفرح......إلخ
فى البارت الجاى إن شاء الله منير وخطيبته هايدى بيروحوا فرح واحد صاحب حسام وبيقابلوا سما فى الفرح وبيدور بينهم حوار.
أنت تقرأ
لا أستطيع العيش بدونك
Romanceتدور الرواية حول شاب عشرينى مقبل على الزواج اسمه منير خانته خطيبته وارتبطت بشخص آخر قبل زفافهما بشهرين ، ولكى ينتقم منها منير ارتبط ب هايدى ولكنه لم يكن يكن لها أية مشاعر ولم يكن ارتباطه بها إلا لمصلحة وهى الإنتقام من خطيبته السابقة. أما هايدى فقد أ...
