مجانين الحب

المقدمه الجزء الاول

اكرهك بقدر كل ماكنت احبك بقدر كل الم تسببت لي به اكرهك
اقولها امامك واعني اني اعشقك لدرجه الجنون "

امسكت اوراقها امامه نضرت اليه بابتسامه انتصار نضرت اليه بثقه غريبه وقالت له انت مطرود  كان هو مصدوما فقط لم يستطع ان ينطق كيف اصبحت بهذه القوه كيف المه لها حولها الى امراه مختلفه.
خرج من امامها لتبدء بالبكاء وكانها اسقطت ذلك القناع عنها قناع القوه عادت تتذكر الماضي ....

اول لقاء دوما يكون الاجمل لقائي بك مختلف

هزار:ماما راح اطلع العب وي البنات بالشارع

جوان:ماما ديربالج من السيارات ولترحون بعيد

هزار:لا ماما ، خرجت اركض لالعب مع بعض الفتيات اتو المخابيل هكذا تسميهم امي بعض الفتيه اكبر منا سنا يضربون اي فتاه يرونها امامهم

المخابيل: باعو هاي ام كفشه هاي شنو شعرج كفشه

هزار:عوفها لاتعيب عليها

احد المخابيل: وانتي شعليج

هزار:هسه اكول الامك اله تكتلك

المخبل الثاني: تعالو نكتلهن

هزار:اخ ماما ماما 😭 عوف شعري

اوراس:وخرو عنها لا اصيح عليكم عمو محمد
(عمو محمد  فتوه المنطقه وهو يصير عم  اوراس وكل المنطقه تخاف منه)

المخابيل:اجه الاعرج انت  لو سبع متهدد بعمك تجي انت تتعارك

اوراس:عمو محمد عمو عمو

هزار:هربو المخابيل كانت هذه هي حياتنا كل يوم نفس المشكله نفس الاحداث الحدث الوحيد الذي تغير هو لقائي باوراس منذ ذلك اليوم وانا احبه

بعد ١٠ سنوات

هزار: خرجت من المدرسه وكالعاده منذ الطفوله والى اليوم اجده ينتضرني عند باب المدرسه نعود سويا كل من يعرفنا يعلم بقصتنا حب الطفوله الثنائي العاشق .

اوراس:هلا حبي شلونج اليوم

هزار:مشتاقتلك كومه بس انت هسه مو كليه ومحاضرات شلون ترجع تاخذني ميصير

اوراس:حبي اعوف الدنيا لاجل عيونج انتي دنيتي

هزار:اموت عليك كبدوش

اوراس:كبدوش شنو هههه قابل بكدج اني

هزار:هههه لاتكبر روحك هو انت اكبر مني بسنتين

اوراس:اي مو بعينج السنتين يله جكومه امشي بسرعه

هزار: ماسرع اريد ابقى وياك اطول وقت

اوراس:ويجي ابوج ويسوينه بهذله كاليوم

هزار:هههه لا من ابوك حجه وياه وحجزوني الك بعد ميحجي شي حتى بعد ميغلط عليك كدامي