الفصل الاول:المقدمه

8.1K 182 63

بأحد البيوت الفقيره والنصف مهدمه..واهلها بالكوه مرممينها
سما:يمممماه تعاي آكلي قبل لا يبرد الاكل
ام سما( وهي مريضه وبالكوه تمشي):يمه سما الى متى وانت تشتغلين هالشغله..الي بعمرج الحين بالجامعه يدرسون..وانتي تشتغلين
سما(وهي تلبس الدشداشه والجفيه تلفها ع وجهها وما يطلع بس عيونها):يمه جم مره حجينه بهالموضوع..اصلا الجامعه مصاريفها وأيد..منين نجيب فلوس..
ام سما:خليني انا اشتغل..صارلي سنين وانا اصرف عليج..لحد ما تخرجتي من الثانوي..والحين اكدر اكمل وانتي درسي بالجامعه..وانا أتكفل بالمصاريف
سما:يمه شوفي حالتج شلون صايره..انتي بالكوه تمشين من المرض..فاشلون تشتغلين..اخخخخ منج يا يمه بس لو تسمعين كلامي وتخليني اوديج المستشفى وانشوف شنو مرضج
ام سما:انا ما فيني الا العافيه بس يتراوالج..يمه ديربالج ع روحج..اخر مره بغيتي تنكشفين..لمن تعاركتي وي الولد..يا يمه حاولي تتجنبين العرايك..والله لو انكشفتي محد يرحمج..خصوصا انتي بنت صغيره وحلوه وميت واحد يتمناج
سما:حاضر يمه..اصلا غيرت المكان الي أبيع فيه لاتخافين..بس انتي ديري بالج ع روحج..كلبي ما يطاوعني اهدج وانتي بهالحال
ام سما:مافيني شي يله روحي..واصلا خالتج ام طلال راح تجي بعد شوي(اخخخخ يمه لو تدرين شنو مرضي)
سما:همزين ريحتيني..يله مع السلامه (وطلعت لشغلي)
خل نتوقف شوي ونتعرف ع شخصيه سما
سما بنت جميله جدا بس ما تهتم بنفسها ولا تلبس مثل هالبنات..او بالأحرى ما حاصللها تلبس مثل هالبنات..بسبب ظروف عيشتها..لان شغلها يتحتم عليها تلبس لبس ولد..حتى لحد يتعرضلها..هيه تملك عربانه تبيع بيها جاي..او جاي وحليب وكيك..نرجع لمواصفاتها هيه حنطاويه واحلى شي بيها شعرها ضخين واسود وطويل يوصل لحد فخذها..وعيونها وساع وبيها لون رصاصي خفيف وعيونها مكحله من الله وبيهم برائه..وقصيره وضعيفه وعمرها21 ..هيه طيبه وحنونه بس تعرف تاخذ حكها بيدها..والي يدوسلها ع طرف ما ترحمه..واهم شي عندها بهالدنيا هيه امها..لان ما عندها غيرها..وما عندها قرايب غير ام طلال..وهيه صديقه امها وابنها طلال اخوها بالرضاعه..وبنتها جميله صديقتها من الطفوله..بس تكره اسمها فيصيحولها جوجو..وعائله ام طلال..حالتها هم فقيره بس احسن من حاله ام سما..لان ابو طلال قبل ما يموت تركلهم بيت فأجروه وعاشوا بالاحياء الفقيره وهيه تصرف ع جهالها من هالايجار وكدرت ادخل ابنها وولدها للجامعه..وبالكوه مكفيهم الايجار

في بيت احد الاغنياء
ام جود:جود اكعد يمه لا تتأخر ع الشركه
جود بصوت ناعس:كعدت يمه
ام جود:الله يهداك يا ولدي..ليش سهران البارحه وانت وراك دوام
جود:يمه جان اكو شغل ضروري..وكان لازم اخلصه..فسهرت عليه
ام جود:الله يوفقك يا ولدي..يمه نسيت اكولك..جدك وعمك ينطرونك تحت بمكتبه
جود:انشالله يمه
خل نحجيلكم شوي عن هالعائله او بالاحرى لازم اكول الثلاث عوائل
لان جد جود الي هوة ابو علي جان الله منعم عليه بالشركات والأراضي..وعنده ولدين وبنت
بس جان ما يحب احد من أولاده يبعد عنه فبنى بيت جبير مثل القصر يعني تكدرون تكولون اشترى ثلاث بيوت كبار وهدمهم وبنى هالقصر..بس كان مقسم البيت ثلاث اقسام..جناح لابنه علي وعائلته وجناح لمحمود وعائلته وجناح اله ولام علي..طبعا كان بيت مو جناح وكل جناح اله بابه الخاص علمود يطلعون الرجال منه بدون ما يحتكون بحريم اخوانهم..وكانوا فقط يلتقون وقت الغداء..لان حب كل واحد يحتفظ بخصوصيته (أتمنى فهمتوا قصدي..يعني تكدرون تكولون ثلاث بيوت محطوطه جنب بعض وبيناتهم باب يوصل هالثلاث بيوت ويلتقون وقت الغدا فقط)..وكان ما يحب الخدم..بس بسبب اصرار ام علي حط خدامه وحده تساعدهم..لان البيت كبير ومايكدرون يشتغلون فيه وحدهم
جود عمره 26 و طويل وجميل وعنده لحيه خفيفه زايدته جمال..وجدي ويحب الشغل وروحه وحياته الشغل..وما يحب الطلعه والفرفره وما يحب سوالف الشباب<يعني بالمختصر شايب صغير > وعنده اخ واخت توم وعمرهم 20 واسمه حيدرونور
اما ابو احمد عنده ولد وبنتين..وهمه احمد وعمره 19 وحنان عمرها18 وبدور عمرها 16

لأجل من احببت سأكون قويةاقرأ هذه القصة مجاناً!