THIS night is not for Reghie. Ang daming nangyayari. Si Camellia pala ay si Lady Camellia Malcolm Gonzales na siyang may-ari ng Malcolm Advertizing Company. Ang ina ni Kade at Vivienne, na mas kilala bilang Vivienne Jones na siyang screen name nito. Vivienne Gonzales pala talaga ang kabuuang ngalan nito. Ngayon galit na galit sa kanya ang lolo niya dahil sa pagkapahiya nito. Nakausap ng kanyang lolo ang ama ni Preyh at Andra at in-open-up ng kanyang abuelo ang tungkol sa pagkuha ng kompanya ng mga ito sa kanilang Kompanya para sa campaign. Pero napahiya raw ito dahil ayon kay Mr. Herrera at Mr. Lopez ay nakapirma na ang mga ito ng kontrata sa MAC.

Siya ang napagbuntunan ng galit ng kanyang lolo dahil ipinangako niya rito na makukuha nila Ang Lopez Food Inc., at Herrera Brewery Inc., pero hindi nangyari iyon. Hingi naman nang hingi ng tawad si Andra at Preyh sa kanya dahil hindi raw nila alam ang tungkol doon. Ang alam daw ng kanyang mga kaibigan ay ang De Silva ang kukunin ng kompanya nila. 'Yong tawa niya kanina dahil sa mga suot ni Andra at Preyh na balot na balot at parehas na parehas pa ang disenyo dahil sa kagagawan ng mga asawa nito ay binawi naman ngayon ng matinding frustration.

At ngayon naman ay hinahagilap niya ang kanyang ama dahil sa utos ng kanyang ina. Medyo OA ang reaction ng kanyang mommy ngayon. Halos bulyawan siya para hanapin lang ang kanyang ama. Naging aligaga na ito pagkatapos ng introduction kay Lady Camellia. There are rumors flying around na mukhang sinasadya ni Camellia ang pabagsakin ang kompanya nila. Narinig nila ng kanyang daddy iyon kanina sa isa sa mga amiga mismo ng kanyang ina. Dahil ang kompanya raw mismo nito ay nakuha na ng Malcolm Ad Company. May offer daw ang Malcolm na napakahirap tanggihan ng kahit na sino. Para nga raw itong nagtatapon ng salapi dahil sa offer nito sa lahat ng kompanya. Halos fifty percent daw ang ibinigay na diskuwento ng Malcolm sa lahat ng kliyente.

"Reghie," nilingon niya ang tumawag sa kanya at si Vivienne ang tumbad sa kanyang paningin.

"Reghie can we talk?" Anong drama na naman kaya ang palabas ng babaeng 'to?

"If this is all about Matthew, I'm not interested," hindi niya itinago ang pagtataray niya dito.

"Reghie, please. This is an important matter."

"Not now, Vivianne!" She glances around and uttered. "Where are you, dad?"

"Are you looking for your father? Parang nakita ko siyang nagpunta sa may patio," ani Vivianne.

"Salamat." Tinalikuran na niya ito at nagtungo sa direksiyong tinuro ni Vivienne. Nakita nga niya ang kanyang ama na nandoon at kausap si Lady Camellia. Lumapit siya sa patio pero nahinto siya sa paglalakad nang maulinigan niyang parang nagtatalo ang kanyang ama at si Camellia.

"Why did you do this? Sinasadya mong kunin ang lahat ng kliyente namin! What are these all about, Camellia?!" Galit ang tinig ng kanyang ama.

"This is all about business, Enrique. Ganito naman sa negosyo. Kailangan tuso ka. Matira matibay!" Kalmado ang boses ni Camellia pero mababanaag ang tapang sa mukha nito na hindi man lang niya nakita kaninang kausap niya ito. Hindi niya maintindihan ang nangyayari.

My Bastard Ex  (Published Under LIB BARE)Basahin ang storyang ito ng LIBRE!